MATIUS 26:11 - Allah Wene Fano Wene Hupla Inane

¹¹ It afuni inagarek lek mene andi hit hinom mondok logogun meneat he, an enek he, hit ninom mondok logogun lego.

MATIUS 26:11 ပူးပေါင်းရင်းမြစ်များ

MATIUS 26:10

A'nogo isukwama re, at Yesus nen inobabut enegat futfisasikhesik he, mel yagaisasikhe: ”He yi nen fano hilingnafe meneat he, nenahalok wenageti lagep.

MARKUS 14:7

It afuni inangge lek mene andi, hit hinom mondok logogun o. A'nogo logolik yi'nogo leberisogoin, iluk hinendawimo nen anggalugat leberisamo re fano o. A'nogo meneat he, an enek he, hit ninom mondok logogun lego.

YOHANES 12:8

Nen, it afuni inangge lek mene andi, hit hinom mondok logogun meneat he, an enek he, hit ninom mondok logogun lego,” iluk yagaisasikhe.

YOHANES 13:33

Nagainafuri. An nenggi endebat enek ninom logombigen lagain o. Lamo, hiren an nebe hera'nafi logogun meneat he, attagat an nen ap Yahudi mene yagaisasigi hak, o an lagain oba andoma hiren hera'nabik logoin lego, iluk yogondak hit yagahisikhi lagi aro,” iluk yagaisasikhe.

YOHANES 14:19

Ninenggi endebat logombik he, afuni kweangma mene ineilenggen neogoin mondok lek meneat he, hit enek he, an nelugat logogin. Nen hit hobuk hinelugat logogun andi nen he, hineilenggen neogoin o.

YOHANES 16:28

An nebe Allah were'ma nen afuni kweangma mene inoba pi wagagi meneat he. Yogondak it kweangma yoma fisaluk neisena oba nambotkwe lagagin o,” iluk yagaisasikhemo,

YOHANES 16:5

hobuk, at an nebe laknobagai wagaikhe mene a'nogo oba lagain meneat he, hit ekhe nen, noe, hat o koma lagain, iluk noba heinok wo'niikhi lagep mondok lego.

YOHANES 17:11

Yogondak an he, kweangma yoma inukhogo logogin lego. We, hat hoba wesigin meneat he, it enek he, kweangma yoma logogun o. Hat weak hilingiti'lek tegelek mondok welagendek mene, Neisena. Nit nemberek ninebe misigat welagorek a'nogo hak, it a'nogoat inebe misigat logouwagen he, hat henu esin mene an salnafigin andiba, it ferinarek logoino, neisena.

KISAH PARA RASUL 3:21

Yogondak ya re, Yesus ebe pogoroba logogin obaat logogin o. Logombigen, huli Allah nen yi mene ti mene mondogat ket mene hilinglasigin andi huliat pi wesigin o, iluk fageat it ap inebe Allah faget logolik at ane yagaisikhi lagaukwa mene omanogo nen isukwa hagat hilinglasigin o.

GALATIA 2:10

Hai wa'ninafukwasik he, komorogo hak wene mel enek yaganisasukwa: ”Afuni nit mene ekhe inelagaik mene yoma inoba eberek logolik, leberisikhi logoino,” iluk, yaganisasukwa andi, an nen a'nogo nendawimo nagaiyek hikhi logolik hilingitirek meneat yaganisasukwa.

ULANGAN 15:11

Hit afuni Israel mene hinanggele'ma re, afuni inenggi lek inelagaik mene it ekhe nen lebetnisoageluk hinoba lagu halok he, an nen hit hinendawinggen sakhorek oba leberisikhi logobagaigeluk melalhinafi o.” iluk yagaisasikhe.

1 YOHANES 3:17

Mene re, sa nen at agarek yi mene ti mene kweangma mene fuluk logolik, erei agailak ekhe yi mene ti mene elagaik were'ma eilenggen halugat he, ekhe wogeti'lek endawimo nen anggikhi logolik, nonggwarek enek anggikhe halok, at andi obabut he, Allah nen endawitninaferek andi hangge werek anggegep? Mondok lego.