MATIUS 25:6 - Allah Wene Fano Wene Hupla Inane

⁶ A'nogo nogo ugu kwelek hup tulem, it afuni nen he, ”Ap agwe ikhike mene a'nogo ebe waga a'li. Elokhoma we'ni o,” iluk, inane hokhorogo isukwama,

MATIUS 25:6 ပူးပေါင်းရင်းမြစ်များ

MAZMUR 96:13

At Tuhan ebe o kweangma melalinabigiluk wagunem, Aren he afuni kweangma werek mene katokhogo nek endawi fanoba inawene pilinget fuluk higithogo ayo wurinabigin o, isikhe.

MAZMUR 98:9

At Tuhan ebere afuni o kweangma werek mene inawene pilinginabigiluk wesigin. Aren he afuni inunggulenu lombok o kweangma ekhema-ekhema welagaikharek mene mondogat inawene higithogo ayo wurinafik, heirogo tegetik, eberogo weneba hilingisigiluk wesigin.

YESAYA 25:9

Andi sambul afuni nen ikhi logolik, ”Nit ninagap telninabuageluk nenangot hikhi lago mene a'nogo Arenek he eberogo nenat Allah nit nineisena o. Eberogo Tuhan ebe yi aro, At andi niren nenangot hikhi logolik welago mene. Aren nit mondogat ninagap telogo ninobagaikhemo re yogondak niren ninagaiyegeti lago o,” iluk ikhi logogun.

AMOS 4:12

A'nogo hilingiti lagep andi nen, hit afuni Israel mene yi. An nen wene hinoba fagain o. Ma re, An nen wene hinoba fei wesigin mene andi helobagaigen he, hit hinebe fik-foukhogo logoni o,” iluk ikhe isikhe.

MATIUS 24:31

A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.

MATIUS 24:44

Andi hak he, hit hinendawimo nen he, ”At ti sambul wesigin, iluk anggigi'lek hinonggorat werek kwelek, an abat ta'lasi wagagi a'nogo re, arat wesigin andi nen he, hinebe hebelogo logoino,” iluk yagaisasikhe.

MATIUS 25:1

At Yesus nen a'nogo yagaisasikhesik he, wene ekhe mel yagaisasikhe: ”Nineisena Allah nen awe a'ma fisikhere'ma andoma emberek higit he, helimenggerugwi inebe 10 nen lampu ibilogo waluk ap ekhe agwe ikhageluk wagunem elokhoma lagaukwa andi hangge aro.

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

MATIUS 25:5

Meneat he, at agwe ikhikhe mene andi ebe wagi'lek mondok aninurogo weregen he, it omanogo inebe mondogat nogo ineil agaikhemo andoma nogo isukwa.

MATIUS 25:7

it helimenggerugwi omanogo ineluk agaukwasik he, lampu fanorogo halfesukwasik ibilik lagaukwa.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

LUKAS 12:46

Noe a'nogo o andi sambul, jam andiba wesigin, iluk mondok onggorat were'ma oe kain a'nogo ha wesimbik he, amingmingengge mene a'nogo ebe pinggi warogo re, it afuni ekhe inendawinggen Allahba himbiret figi'lek mene fisikherek oba andoma lakfagain o.

1 TESALONIKA 4:16

Ninoe Enupogot pogoroba nen pi wagunem he, it malaikat inoe kain mene ane hokhorogo igik, Allah ambinggong ane, futhugunem ane pak igik, ugunem, afuni Kristus inom hundik logolik wa'lari'lagwi mene tak inelugerinabigin.

2 PETRUS 3:10

A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.

WAHYU 16:15

A'nogo lagaikhasi'mo nen, at Yesus nen mel yaganete: ”Hesanggo holin o. Afuni yogot wanuogeluk hinagaisogo wagaikharek andi hak, an a'nogoat wesigin o. A'nogo wagunem, afuni inalfulukwa were'ma inenggali agarek andi hak, hit a'nogoat hinenggali asinogo iluk hinasu weak-weak ikhouwogeluk tegelogo fuluk logogun halok he, Allah nen fanothinafunem hinendawimo hinagaiyek asugun o,” iluk yaganetunem holhi.