MATIUS 25:41 - Allah Wene Fano Wene Hupla Inane

^41-43 Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 25:41 ပူးပေါင်းရင်းမြစ်များ

MAZMUR 119:115

Yago, hit ap hinobabut mondok weak mene andoma re, an were'ma yoma herakfuluk yatma hela lani! An he neisena Allah ane andi nek hologo hilingiti logogin.

MAZMUR 119:21

Haren he it afuni Hat Hawene melalek taganhogo hilingiri'lagwi mene re inenggali watik, nen afuni winik-wonok agarek mene inoba re homan ikfisigik, ikhi lagen.

MAZMUR 139:19

Afuni weak hilingitarek mene andoma, neisena Allah Haren inebe legetfisagain halok he an namolo o. Afuni inamep wulagaisogo inoatarek mene andoma re yatma mondok lakfisano.

MAZMUR 6:8

Nendawinggen heiselhi logolik neilenggen mondok mum ari'lago, nen it naselei mene omanogo faget he neilenggen mondok mep sagalogo ou eri'lago.

YESAYA 66:24

It wesuogeluk waga logolik he, it afuni An nane oak sagalogo fuluk hilingiti logogun mene omanogo were'ma ineilenggen isikhi logogun. Nen, imbalo nen it inebe warek andoma ninggi logogin mene re wa'lasugun mondok lek, nen endu it nolinabigin mene ogore nagul aga logogin mondok legat. A'nogo hilingi'mo afuni mondogaren ineilenggen isaluk inali'lip mondok hikhi logogun o,” iluk ikhe isikhe.

YEREMIA 17:5

Tuhan nen yagaisikhi logolik, ”Ap ekhe An eisena Tuhan a'nogo oboget nealuk, endawinggen afuni mene inoba himbirik welagik, onggwarek omameba tipsek welagik, hilingitu werek halok he ap andi re homan ugu logouwak.

MATIUS 13:40

Nen, it afuni nen engga weak mene andogorogo fuluk endu nolharek andi hak, o wurep oba a'nogoat hilingisigin o.

MATIUS 13:42

mondogat endumo lakfisamo logolik, inaik himbirogo li ago le ago mondok logogun o.

MATIUS 13:50

endu ai'mo lakfisamo inaik himbirogo li ago le ago mondok logogun o,” iluk yagaisasikhe.

MATIUS 18:8

Hinenggi nen a? Hineisogen a? Weagethinabu hak hilinglaga halok he, fena palogo lakfisaluk, fena nek logolik, ineluk mondok logogun oba andoma kumo fano o. Mene re, hinenggi hineisok andi wurat were'ma endu nagulagarek le'ma andoma lakhinobagaumo weago. Halok he, fena palogo lakfisano.

MATIUS 25:46

it afuni andi yi enggin ti enggin hikhi logogun oba mondok logouwageluk lakfisagain o. Meneat he, it Allah ane hologo hilingiti logogun mene andi ineluk mondok logogun oba andoma inobagagin o,” iluk, yagaisasikhe.

MATIUS 3:12

Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

MATIUS 4:10

at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

MATIUS 5:22

Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.

MATIUS 7:23

an nen fakhogo yi'nogo yagaisagain: Hit hinebe an nonggoro. Weak mondok hilingirik nikhi lagep mene andi nera'lu ya logogubo. Pugulakhani, iluk yagaisagain o,” iluk yagaisasikhe.

LUKAS 13:27

aren he, hit o koma nen wagep. Hinebe an nonggoro. Hit weak hilingiti lagep mene noba kwi wagup. Andemenat pikhit lani o, iluk yagahisagain werego.

LUKAS 16:24

Eilenggen liagisasikhesik, ane hokhorogo mel yagatikhe: Abraham neisena e! An endu aik hokhoma yoma heinet hokho wati lagi yoma hendawi nean o. Lazarus nen enggi tum ima pelakfembigen, i magaisogo re, nameliba sakho uageluk, fei wesuageluk yagasin o, iluk yagatikhemo,

YOHANES 8:44

A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.

2 TESALONIKA 1:9

It a'nogo wene inoba fuluk he, ninoe Enupogot omame hokho mene andi nen fogeratu mondok welagaikhare'ma eilhanem andoma nenat wea'ma andoma mondogat logouwageluk lak fisagaino.

IBRANI 6:8

A'nogo meneat he, kweang andi yi engga ti engga weak mene inom, panggi alok mene inom, fulelhe halok he, ”Kweang yi, we tulemat alemarogo werek andi weak,” iluk homan fembik he, hobuk endu nolumo felelenghogo nagain o.

2 PETRUS 2:4

It malaikat Allah nen yonggo pelakfisa wagarek mene ekhe weak hilingitukwama Allah nen herakfisigi'lek, we, wene hobuk inoba feigeluk he, o mum wea'ma inenggi hele warek logouwageluk pelakfisasikhe andi.

1 YOHANES 3:10

Allah againafuri inom, Iblis againafuri inom, ninendawi wenggelogo inobabut enegat hilinglari'lagwi re, yi. Ap sa nen obabut higithogo hilingiti'legat, erugwi agaila'lak endawirinafi'legat, hilingiri'logo halok, at andi ebe Allah amlogo lego.