MATIUS 25:20 - Allah Wene Fano Wene Hupla Inane

²⁰ ap uang 5.000 nen wanhikhe mene a'nogo hobuk 5.000 nenat mangoratikhe mene waluk wagaikhesik he, ”Noe. Haren 5.000 nen wo'netigin a'nogo re, yethan. An nen hobuk 5.000 nen ekhe inomat oba mangorogo figimo yi o,” iluk yagatikhemo,

MATIUS 25:20 ပူးပေါင်းရင်းမြစ်များ

MATIUS 18:24

agarek omanogo enggi wenatunem he, agoromi omanogo ekhe uang jutaan mondok hokhorogo oba palek welagaikhe mene oba waluk wagaukwa.

LUKAS 19:13

A'nogo anggasikhesik logolik he, amingmingengge mene inebe 10 nen wolisasikhemo wagaukwama re, uang emas hokhondek mene ebe 10 nen inebe lombok misik tek sumburogo wogisikhi logolik he, mel yagaisasikhe: An oan wagi'lek werek kwelek, narupiah yiba onggo palogo sik-pikhogo hilingiti logoino, iluk yagaisasikhesik he, at a'nogo lagaikhe.

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

1 KORINTUS 15:10

A'nogo igin elo'lek meneat he, Allah obabut fano nen nayonggo fesikhemo yi'nogo agagisik welagi o. Nayonggo fesikhe andi we tulemat fesikhe lek andi nen he, it ekhe mondogat yabu endebat hangge wanhu kwelek, an enek he, hokho hangge wanhi lagi o. Mene re, a'nogo wanhi lagi andi re, an nen wanhi lagi fuk. Allah obabut fano nen nemberegat logolik wili'logo o.

KOLOSE 1:29

An wene andi faget katokhogo hilingisigeluk, at Kristus omame a'nogo an nendawimo logolik, nomamet nafu kwelek, ninghogo nomamerogoat hilingiti lagi andi.

YAKOBUS 2:18

It ekhe nen a'nogo ugunem, mel ugun, ”Haren he, nendawinggen Allah oba himbirik welagi ikhi lagen andi. Nen, an nen he, nenggiba nen leberisikhi lagi andi. Halok he, hat henggi nen leberisigi'lek logolik, ninendawinggen enek Allahba himbirik welagi iluk ikhi lagen andi ebe ki. Inuk nean ta. An enek he, Nendawinggen Allahba himbirik welagi iluk, nenggiba nen leberisikhi lagi mene enegat werek andi, inuk heagain aro,” iluk yagaisagain andi.