MATIUS 25:10 - Allah Wene Fano Wene Hupla Inane

¹⁰ onggo pala lagaukwama re, at ap agwe ikhikhe mene a'nogo arat wagaikhesik he, it inendawinggen wenggelek mene tegelogo fakhaluk welagaukwa mene omanogo inom pesta hilingiti logolik seni isago nuogeluk woginarek oloba kwisikhesik kwe yagatikhe.

MATIUS 25:10 ပူးပေါင်းရင်းမြစ်များ

MAZMUR 95:11

Andiba re An nen ikhi logolik, ”An set waralagain oba andoma, hit ninom set waralogoin mondok lego iluk, na'mageba kwe palfesigi andi,” iluk isikhe.

MATIUS 24:42

A'nogo hilinglasigin andi nen hiren he, Ninoe Enupogot mera wesigin, hinonggot andi nen he, hinebe hebelogo logoino o.

MATIUS 24:43

Nen, ap awi eisewerek mene ekhe endawimo nen he, ”O yogondak hubanggo re, jam tiba an naiba yoma ap ekhe yogot wanigeluk kwi wesigin,” iluk, elu logoilepma re, at ebe aiba andi kagalek mondok were'ma, o pin talogo yogot wani kwilep lek, iluk, hineluat anggigi.

MATIUS 24:44

Andi hak he, hit hinendawimo nen he, ”At ti sambul wesigin, iluk anggigi'lek hinonggorat werek kwelek, an abat ta'lasi wagagi a'nogo re, arat wesigin andi nen he, hinebe hebelogo logoino,” iluk yagaisasikhe.

MATIUS 25:6

A'nogo nogo ugu kwelek hup tulem, it afuni nen he, ”Ap agwe ikhike mene a'nogo ebe waga a'li. Elokhoma we'ni o,” iluk, inane hokhorogo isukwama,

MATIUS 7:21

A'nogo yagaisasikhesik, ekhe mel yagaisasikhe: ”Hit afuni nen, an yaganeti logolik he, Ninoe, ninoe, iluk ikhi lagep andiba hinebe mondogat, an Neisena Allah pogoroba mene awe a'ma fisikhere'ma andoma kugun lego. We, it ekhe, neisena Allah endawimo anggikherek mene higithogo hilingiri'lagwi mene andi nek kwi logoin o.

LUKAS 12:35

A'nogo yagaisasikhesik hobuk yagaisikhi logolik he, ”Ap kain mene hemi iginafunem laluk isago naluk wagunem, agoromi amingmingengge mene yerogo inebe hebelogo were'ma, at ambotkwe we'luk kwe papaget hugunem weak-weak kwe huthagarek hak, hit ogo re, hinasu fanorogo laberogo nen esage ibilogo fuluk logoino o.

LUKAS 13:25

Nen, o andoma ap awi eisewerek mene andi menlasimbik, kwe te'merogo yagati logoumo re, hit enda'ma mendek logolik kwe papaget hikhi logolik he, Noe! Nit kwe hu'nisan, iluk yagasugun meneat he, aren he, hit hinebe an nonggoro. Koma nen wagep, iluk yagahisugunem,

KOLOSE 1:12

nineisena Allah hai watik, ikhi logogun andi. At nineisena nen, at againafuri ekhe hinomat selek oba hinawi werek logouwageluk hilinghinafikhemo welagep andi nen, arat hai wati logogun andi.

2 TIMOTIUS 4:8

Afuni inawe walhugunem, inawe uan agaikharek mene onggo fano mene wogisagarek hak, an nebe arat lagunem, ninoe Enupogoren wene ninoba figik, kotik, higithogoat igin andi sambul, aren he, ”Hat higirat hilingiti lagenma,” iluk, onggo fano mene ekhe wo'nesigin werego. Mene re, an enek wo'nesigin fuk. It ekhe inendawimo nen he, ”Yesus we'nige,” iluk, inamolo nen nenangorogo welagaikharek mene halok inebe mondogat ninom wo'nisagain aro.

1 PETRUS 1:13

Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.

WAHYU 19:7

A'nogo logolik, Domba Eak agwe ikhageluk awi arat wei ikhemo, at agwe a'nogo onggwaregen arat lombologo fakhikhemo andi nen he, ebe arat isigiluk logolik ninendawimo ninagaiyegen ninanggilukhogo at fogerati logouwogo.

WAHYU 22:20

Nen, wene andi mondogat eberogoat iluk ikherek mene at Yesus a'nogo nenat, ”An weak-weak wesigin o,” iluk ili'logo. A'nogo ugunem, an nen he, ”Yesus noe. Hat weak-weak wesigin andi, ebe asuak u hak, Amin,” iluk igi.