MATIUS 24:8 - Allah Wene Fano Wene Hupla Inane

⁸ Meneat he, andi re, hemi omalik taginabuogeluk inambot heinet watarek andi hak, attagat hogoin he, andi aro.

MATIUS 24:8 ပူးပေါင်းရင်းမြစ်များ

YESAYA 10:4

Hit hinebeba hilinglasigin mene re weim oba nen wa'lasugun hea, athe hele warogo wokhinarek logoin hea? Oba nen he, Tuhan a'mage oan lagagunem he, eberogo nen unggum hinoba fagain aro.

YESAYA 9:12

At Tuhan Omame Mondok Hokho mene a'nogo nen it Israel mene inoba unggum wogisikheba nen he, it inendawinggen warili'lagwi lek. Nen, iren inobabut agamhogo at oba weri'lagwi legat.

YESAYA 9:17

It inunggulenu andi mene nen weak hilingitunem he engga alok-alogengge mene lei ninggi logolik supuk tololang eterek andi higit hilingiri'lagwi. Endu amulok he o engga lei nilik laga logolik so'le mone'luk lagaikharek hak hilingiri'lago.

HOSEA 13:13

It Israel mene re ineluk logouwageluk iaple logolik oba nen he, it inebe kembu logolik inenggi iaple werek meneba aremnogore higithogo hilingiri'lagwi lek andi. At ebe re omalik fou we horok yogondak ta'lasigiluk ikherek oba nen agaisa alabutmo nen wulibi wagi'lek welagarek andi higit werek.

MARKUS 13:8

Yi afuni ti afuni inunggulenu lombok weim kagalhik, ugun. Weim kagalhunem he o yi awi ti awi lugul langet higik, sumburu ouwak agik, igin meneat he, andi re, hemi omalik taginabuogeluk inambot heinet watarek andi hak, attagat hogoin he andi aro.

LUKAS 21:12

Mene re, andi mondogat oan hilinglagi'lek werek kwelek he, attak he, afuni nen hinebe fakhinobagambik yi enggin ti enggin hilinghinafik, o samban agarek oba wokhinarek lagik, hele warogo fisagarek oba kwelakhinobagagik ap inenupogot inom, ap kain gubernur lak inom inoba wokhinarek lagik, ugun andi re, iren he an nenu ikhi logolik, hit at agoromi, iluk a'nogo hilinghinabugun o.

ULANGAN 28:59

At hineisena Tuhan nen he, hit inom hiren tagomangge meneba inom ou inoba fano asu lek mene inom, ou age-age mene inom, ina'maforok mondok palasu elo'lek mene inom lakfei wesigin.

1 TESALONIKA 5:3

Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.

YAKOBUS 5:1

Hit ap kaindek mene nagaila'lak, hinesanggo fanorogo holini o! Hobuk Allah nen weagethinafunem yi enggin ti enggin hikhi logogun andi nen, li ago le ago logobagaigeluk yagahisigi andi hinesanggo holini o.