MATIUS 24:48 - Allah Wene Fano Wene Hupla Inane

⁴⁸ Meneat he, at amingmingengge mene andi, obabut weak halok he, endawimo nen, ”Noe a'nogo weak-weak weri'logo lek. Logombigen wesigin higi,” iluk,

MATIUS 24:48 ပူးပေါင်းရင်းမြစ်များ

2 RAJA-RAJA 5:26

A'nogo yagatikhe meneat he, at Elisa nen he, mel yagatikhe: ”An nendawinggen andoma lagasi'mo re, ap Naaman angge kereta oba nen hat hoba pi wagunem neilenggen hiigi lek nogo? Hat hendawimo nen, uang andi fanoasuak weinam agama re, wanimbigen, e zaitun yabu inom, anggur yabu inom, onggo palhik, wam domba inom, sapi inom, onggo palhik, afuni inamingmingengge hemi lek ap lek logouwagaluk onggo palinafik, ugun anggegen a? Elo'lego.

PENGKHOTBAH 8:11

Nena mene faget afuni nen inailo anggigi'legengge weak mene nek hilingitarek nogo? Andi re unggum weak-weak wogisagarek lek andi nen hilingitarek.

YESAYA 32:6

Ap morue mene re ane kembu-kembu aple omanogo nek ikhi logolik, kwanirek mene omanogo nek melalogo fugu werek. Yi'nogo ti'nogo ikhi logolik inom, hilingiti logolik inom he Allah weagerogo fikhi logolik hak enek ikhi logogin a'naga. Aren he ap sumburu nele were'ma wogisigik nen i nele were'ma wogisigik, ikhi logogin lek.

YEHEZKIEL 12:22

”Hat afuni wa'lagaikharek mene yi re, ’It afuni Israel mene wene henarogo agarek mene andi nenahalok inagaiyegen ugu mondok welagaikharek nogo? Inenggi ekhe korok ekhe korok ili'lagoba nen, hobuk asigin mene iluk agarek mene omanogo re ekhe tip ili'logo lek omari! iluk agarek.

YEHEZKIEL 12:27

”Hat afuni wa'lagaikharek mene yi re, ap Israel mene nen ikhi logolik, haren habiba hikhi lagen mene inom, hobuk asigin mene iluk ikhi lagen mene andoma inom faget he eil uanhogo logombigen hobuk andoma nek he hilinglasigin o ili'lagwi.

MATIUS 18:32

Yagasi wagaukwama re, ap kain a'nogo nen ap andi wesuageluk isikhemo, wagaikhemo re, mel yagatikhe: Hat hobabut mondok weak yi ri! An nagarek hat hoba palek welaga mene re, hat hane helagaik ane yaganeti lagenma, ”Weat a'no,” iluk yagaheti anggigi.

MATIUS 24:47

A'nogo fano hilingitunem, ha wesimbik he, oe a'nogo nen ”An nagarek yoma mondogat felelenghogo hat henggiba logouwagaluk menfagain o,” iluk, eberogoat yagahisigi.

MATIUS 24:49

agaila'lak inoe kain a'nogo amingmingengge mene ekhe yei inoatik, it ap anggur amusu lugulugwi paluogeluk nenggarek mene inom lambukhogo logolik, sumburu inom, anggur amusu inom, ninggik,

MATIUS 25:26

at oe a'nogo nen he, ”Hat he haberali logolik hobabut mondok weak welagen yi ri! An nen he, it ekhe feik lakfagarek mene enggen paligik, it ekhe yatarek mene enggen foligik, igirek nobabut andi hat heluat anggigi.

LUKAS 12:45

Meneat he, at amingmingengge mene andi obabut weak halok he, endawimo nen he, noe a'nogo weak-weak weri'logo lek andi logombigen wesigin higi, iluk, at oe amingmingengge mene ekhe ap inom, hemi inom, yei inoatik, sumburu inom, anggur amusu inom, endawinggen wenggelek lek naluk, wurep oba, anggur amusu andi nen ebe lugulugwi palhik, ikhi logolik, aren he,

LUKAS 19:22

A'nogo yagatikhemo, at kain a'nogo nen he, Nagot. Hat hobabut weak mondogat hilingiti lagenma o. Hat hane egen andibaat wene hoba fembik weagethabigin o. An nobabut ningsek logolik he, an nen figi'lek mene heligik, awi an nen yati'lek meneat he, enggen paligik, igire'ma, nobabut hat helu halok he,

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

KISAH PARA RASUL 5:3

Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

KISAH PARA RASUL 8:22

Hat hobabut he, it ekhe inoba pou ikhi lagen andi, wam amise awi ale weak andi hangge hendawimo peterek werek. Were'ma, weak hilingisigeluk hendawimo ebeti lagen andi nen, hele hangge warogo fetharek werek andi, hobabut futfigi. Weak hilingisigeluk egen andi, herakfisaluk, hobabut hebela'no. Hebelasumo re, hat hendawimo anggegen andi ninoe Tuhan Yesus sebelogo legetfisoageluk ayonggo feino o,” iluk yagatikhe.

ULANGAN 15:9

Hiren wenggelu weak mene andi hinendawimo kumo tahun oak wogisagarek oba a'nogo arat horok agama iluk ombalegengge a'nogo oak wogetu aple herak fisogoin andi re fuk. Hiren ap a'nogo ombalegengge wo'nom iluk kino ikhe mene wogosugun lek halok he ap andi nen hineisena Tuhan oba a'nogo hilingita iluk eluet foumo, hit afuni yi kwanirogo hilingitarek mene iluk anggogoin andi re weak.

ULANGAN 9:4

At nineisena Tuhan Allah nen hit faget it a'nogo mugisogo wulakfisikhe halok, hit hinendawimo nen he, nit he elogo. Nineisena Tuhan nen endawimo agaiyek mene nek hilingiti lagoba, Aren nit o yoma wo'nisagain higithogo wo'nisikhe higi, iluk anggagubo. A'nogo hilingiti lagep mondok lek mene aro. Nineisena Tuhan nen afuni andi mugisogo wulakfisagain andi re, it inobabut mondok weak hilingitarek andi nen aro. At nineisena Tuhan nen he, nit ninombalak Abraham inom Ishak inom Yakub inom yagaisikhi logolik, yi'nogo wokhisagain, iluk wene warisasikhe mene andi emberek higit asuageluk endawimo anggikhe andi nen he, o andoma hit sebeli kuageluk wokhisagain o.