MATIUS 24:3 - Allah Wene Fano Wene Hupla Inane

³ A'nogo yagaisasikhesik he, punu Zaitun oba lagasikhesik hurek were'ma, at ane wanhi lagaukwa mene omanogo oba wagaukwasik inalegenek logolik he, mel yagatukwa: ”Haren yaganisegen a'nogo re, mera nen hilinglasigin. Hat hebe wagik, o wurep oba hilinglagik, igeluk ugu kwelek he, ki mene tak hilinglagunem nit ninendawinggen wenggelasigin. Wene furogo yaganisan o,” iluk yagatukwama,

MATIUS 24:3 ပူးပေါင်းရင်းမြစ်များ

MATIUS 13:36

A'nogo yagaisasikhesik he, afuni hokhorogo omanogo andoma werek kwelek, at Yesus ebe oloba kwisikhemo re, at agoromi ane wanhi lagaukwa mene omanogo oba kwisukwasik he, mel yagatukwa: ”Awi weak mene yabumo fulelhikhe iluk oba lirogo yaganisegen a'nogo ebe pilingisogo yaganisan o,” iluk yagatukwa.

MATIUS 13:49

o wurep oba a'nogo hilinglasigin o. It malaikat Allah pogoroba nen yonggo pelakfisa wagarek mene omanogo wesimbik he, afuni inobabut weak mene omanogo it afuni Allah endawimo anggikherek mene higithogo nek hilingitarek mene inom misikwe were'ma inanggele'ma nen kigilogo wulakfisaluk,

MATIUS 15:12

A'nogo yagaisasikhemo, at agoromi ane wanhi lagaukwa mene omanogo oba wagaukwasik he, mel yagatukwa: ”Wene yaganisegen a'nogo, it ap Farisi mene nen inesanggo holhasik he, ”At weak ikhe, iluk inabiret hobagaga andi futfisegen a? Lega,” iluk yagatukwa.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MATIUS 16:28

Nen, hit mendek welagep yoma mene ekhe wa'lagi'lek logolik, an abat ta'lasi wagagi a'nogo kain nenupogot logoigeluk afuni mondogat nawe a'ma inobagai wagunem hineilenggen neogoinaro, iluk eberogoat yagahisigi, iluk yagaisasikhe.

MATIUS 17:19

Fano agaikhemo re, it Yesus agoromi ane wanhi lagaukwa mene omanogo oba wagaukwasik inom inamunek logolik he, mel yagatukwa: ”Niren he, at munggwarengge obabut weak mene andi henegeisogo wulabugun elo'lek aga andi ninggi'nogo nen,” iluk oba heinok wokhasukwama,

MATIUS 21:1

At Yesus afuni inom lagaukwa mene omanogo inom kota Yerusalem kuogeluk horokhogo asi lagasukwasik he, punu Zaitun a'ma o sili Betfage higit asi lagasukwasik he, Yesus nen it at ane wanhi lagaukwa mene omanogo ekhe inebe pire attagat lakfisasikhe.

MATIUS 24:27

Andi re, an abat ta'lasi wagagi a'nogo, wesigin he, eilabut o mo liabi wagarek a'lima nen misigam yegelogo, o mo ubuk ikherek higit wagarek andi hak wesigin o,” iluk a'nogo yagaisasikhesik he,

MATIUS 24:30

A'nogo hilingitu kwelek, an abat ta'lasi wagagi a'nogo arat wesigin iluk, afuni inendawinggen wenggelogo futfouwageluk pogoroba ekhe hilinglasigin oba nen, afuni inunggulenu lombok le agu kwelek nomamerogoat ohena anggele'ma pi wagunem, ineilenggen neambik hokhorogo foge'nabugun o.

MATIUS 24:37

It afuni ap Nuh werek oba andem hilingiti lagaukwa higirat he, an abat ta'lasi wagagi a'nogo hobuk inobabut a'nogoat hilingitunem wesigin o.

MATIUS 24:39

E so elema kwisikhesik werek kwelek, it afuni omanogo inonggorat were'ma, i arat nabung-habung ikhi logolik mondok inoatikhe. Andi hak he, an abat ta'lasi wagagi a'nogo hobuk wesigin higithogo re, a'nogoat hilinglasigin o.

MATIUS 24:43

Nen, ap awi eisewerek mene ekhe endawimo nen he, ”O yogondak hubanggo re, jam tiba an naiba yoma ap ekhe yogot wanigeluk kwi wesigin,” iluk, elu logoilepma re, at ebe aiba andi kagalek mondok were'ma, o pin talogo yogot wani kwilep lek, iluk, hineluat anggigi.

LUKAS 21:7

Wene a'nogo yagaisasikhemo, Yesus agoromi ane wanhi lagaukwa mene omanogo nen, at Yesus oba heinok wokhikhi logolik he, mel yagatukwa: ”Noe! Wene yaganisegen a'nogo re, mera nen hilinglasigin. Ebe hilinglasigiluk ugu kwelek he, ki mene tak hilinglagunem ninendawinggen wenggelasigin,” iluk yagatukwama,

KISAH PARA RASUL 1:7

Yagatukwama re, aren mel yagaisasikhe: ”Wene egep andi, an neisena eiseweregen anggasikhe higithogoat hilinglasigin andi nen he, hiren he, Huli ti huliba logombik hilinglasigin, iluk hinelurogo logogun elo'lego.

IBRANI 9:26

Aren he, it attak hilingiti lagaukwa andi hak hilingi'lepma re, kweang elalhikhe huli nen pikhit yogondak huli, enggi hobugalep yi enggin ti enggin hikhi logolik wa'laga logoilep. A'nogo meneat he, o wurep oba nit weak hilingitorek mene legetfisageluk enggi misigam fagerat wam Allah faget waresu hak, onggwarek ebe wa'lasi wagaikhe andi.