MATIUS 24:15 - Allah Wene Fano Wene Hupla Inane15 A'nogo yagaisasikhesik he, hobuk ekhe mel yagaisasikhe: Hiren lisu palek yi enu salhi logolik he, fanorogo futfikhi logoino o. Ap Daniel Allah ane yagaisikhi lagaikhe mene a'nogo nen ikhi logolik, Allah aiba fano hore'ma omanogo menlasi wagunem hineilenggen hambik he, အခန်းကိုကြည့်ပါ။ |
MATIUS 24:15
19 ပူးပေါင်းရင်းမြစ်များ
Ap andi nen an noba yaganeti logolik, ”Afuni wa'lagaikharek mene yi re, fanorogo holin o, nen ekhe mene ekhe mene an nen hat hoba inuk heagain mene andomare furogo fut feino o. Andi faget an nen hat hebe hondok harek yoma wagi o. Ma re haren mondogat hagain mene andoma re it inunggulenu Israel mene inoba yagaisano o,” iluk yaganete.
A'nogo hilingiti logolik he aren ap sikhe fisogo inap esa o Tuhan awi wurik mene a'nogo emetfouwageluk lakfisikhi logogin. A'nogo lakfisugunem iren he wam yi mene ti mene linggene hundik-hundik warogo wogetu mene a'nogo leget fuluk he mondok inamel-mel mene wiik-weakhogo hilingfisaluk nongot fisagarek mene andi hilingiti logoni o, iluk ane menfikhi logogin.
Haren he, Allah nen lebethisoagaluk ayonggo feigiluk eroba attak egen andi, hane holhesik onggo arat ikhemo werego. A'nogo ikhe andi re hat hebe endawi mondok andi nen, an nen wene hobuk hilinglasigin mene yagahesigiluk wagarik yagahesigin andi nen he, habikanggoba heilenggen yethegen mene andi, Ebe yi'nogo hilinglasigin mene faget hegenma, iluk yagahetu kwelek hesanggo fanorogo holin o.
Wene yagahesigin yi, helu asuageluk fanorogo futfeino o. O Yerusalem meisalek mene andi hobuk ambotkwe wusuageluk wene ero wulafikhe andi huli nen, ap enupogot misik ekhe Allah nen wenagaisogo menfagain mene andi wesigin huli, inenggi 7 kali 7 tahun logogun o. A'nogo logombik, hobuk inenggi 62 kali 7 tahun logolik, o kota andi hobuk ambotkwe wutik, o sili hilingitik, leget kat wanhik, ugun meneat he, andem oba re enggin-fenggin inoba hugu mondok logoligat wusugun.
Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.
Wene a'nogo yagaisasikhesik he, ekhe mel yagaisasikhe: ”Hiren lisu palek yi re, enu salhi logolik fanorogo futfikhi logoino o. Afuni yi enggin ti enggi inoba fagain mene andi o wesa logogin oba kwi wesimbik mendek werek halok he, afuni o Yudea tongge werek mene andoma heise pugulogo tom ebene lagauwago.
Allah nen fanothinabigeluk hinoba waga meneat he, hit futfigi'lek welagep andi nen, hit hobuk hinaiba nen heise wulibi lanogo iluk he, hinaselei mene nen leget walingisogo waganogo hinobagambik he, fena-fena nen petet hinobagaluk horok-horok kwi wesugun o. Kwi wesimbik he, hinawi helep meneba ambolma a'ma wurik andoma ekhe obali'mo wurik herakfigi'lek meisalhi logolik hinebe mondok felelenghogo hinagainafuri hinom wulil tagalogoat hinoasugun o,” iluk inobaget le agaikhe.
Fakfesukwasik he, ”Ap Israel mene a! Nit werekwe a'ni a! Ap yi nen afuni o yi awi ti awi yagaisilik nikhi logolik he, nit afuni Israel mene nen hilingitorek mene andi weak iluk, alek mene yagaisigik, wene Allah nen komotninafikhe wene a'nogo weak iluk, alek mene yagaisigik, o Allah awi wurik yi abok weak igik, ilik nikho mene a'nogo ebe yi ara! Yogondak ap Yunani mene woginarek Allah awi wuri'mo kwi wagasik, o Allah onggwarek awi wurik weaget fikhe a'nogo yi a!” iluk inane hokhorogo pak silakhogo wenagetukwa.
ကြော်ငြာတွေ