MATIUS 23:9 - Allah Wene Fano Wene Hupla Inane

⁹ Nen, hineisena pogoroba mene misigat welagarek andi nen he, ap kweangma mene ekhe yagati logolik, Neisena, iluk yagasugun mondok lego.

MATIUS 23:9 ပူးပေါင်းရင်းမြစ်များ

2 RAJA-RAJA 13:14

Inenggi ekhe sambul he, at Elisa Allah ane yagaisikhi lagaikhe mene a'nogo oba ou weak weregen he, ap Yoas afuni Israel mene inoe raja a'nogo Elisa ebe eilenggen ha wagaikhesik, ebe horogat wa'lasigin weregen, obaget le aga logolik mel yagatikhe: ”Nit afuni Israel mene faget homamerogo mondok telninafendek mene neisena, neisena e,” iluk le agaikhe.

2 RAJA-RAJA 2:12

A'nogo lagagunem, Elisa eilenggen hasikhesik, ane hokhorogo mel isikhe: ”Elia neisena, neisena. Nit afuni Israel mene ninoasinogoluk ninagoromi tentara mene kereta ba inom, kuda ba inom, lagaluk, yenal palninabu hak, hat homame hokho logolik, fetninarek welagendek mene a'nogo hebe longgogen higi, neisena,” iluk yagati logolik eilenggen liago were'ma Elia ebe arat longgoi lagasikhe. A'nogo longgoi lagasikhemo, Elisa endawimo mondok weak agaikhesik, asu sogoi su mene pire tiliphogo lakfisasikhe.

2 RAJA-RAJA 6:21

A'nogo hilingitukwama, afuni Israel mene inoe raja a'nogo nen it ap Siria mene omanogo isasikhesik Elisa ba mel yagatikhe: ”An nen ap yi inoasiga? Lega,” iluk heinok wokhasikhe.

MALEAKHI 1:6

Tuhan yi mene ti mene hilingisu hagenek mene a'nogo nen, ap imam omanogo inoba yagaisikhi logolik he, ”Yenggerugwi nen ineisugwi agaugwerinafik, afuni inamingmingengge mene nen inogogwi agaugwerinafik, agarek. An yi re, hineisena aro, nenahalok hiren An agaukhogo hilingnafi lagep lek nogo? An yi re, hinoe, nenahalok hiren An noba hinailo welagep lek nogo? Hiren An nebe weagerogo noba ikhi lagep meneat he, hiren heinok wo'niikhi logolik, ’Nit ninggi'nogo hilingiti lagoba Hat weagerogo fikhi lago nogo?’ iluk ikhi lagep andi.

MATIUS 23:10

Nen, hinoe wene komothinafirek he, an Kristus nalegat halok he, it afuni ekhe nen, Kain noe, iluk, hit yagahisagain mondok legaro.

MATIUS 6:32

A'nogo hilingitarek andi mondogat he, it afuni endakwe mene nen andi mene esinet fuluk herarik nikharek meneat he, hit yi nek he, yi mene ti mene legen hinelagaik hak welagep andi, at hineisena Allah pogoroba mene elu welagarego.

MATIUS 7:11

Hit hinobabut weak hilingiti lagep meneat he, hinagainafuri fano mene wogisagarek andi hinelumo re, fano mene wogisikhi lagep andi. Andi hak he, hineisena Allah pogoroba mene andi re, kino yagasugun mene halok mondok fano meneat wogisagain lek nogo? Wogisagain aro.

KISAH PARA RASUL 22:1

”Nogogwi nagoromi. Wene yi an noba le'ma o, iluk nonggwarek nebe elelerogo yagahisagain yi re, hinesanggo fanorogo holino,” iluk ugunem,

1 KORINTUS 4:15

Hit Kristus hinom hundik were'ma re, ap wene yagahisili'lagwi mene inebe 10.000 hokhorogoat werek meneat he, hineisena re, hokhorogo fuk. We, inagainafuri taginafarek hak, an nenat wene fano wene andi yagahisa wagagisik Kristus Yesus hinom hunogo hinobagasigimo welagep andiba, hineisena nalegat agagisik welagi o.

2 KORINTUS 6:18

An hit hineisenaat logogin o. Nen, hit an nagainafuri logogun, iluk nineisena Enupogot yi mene ti mene hilingisu hak enek a'nogo nen isikhemo,” iluk lisu palogo fesukwa.

IBRANI 12:9

Nen, nit nineisugwi ninebe ta'ninafa mene nen komotninafunem, inane hologo agaukhogo hilinginaforek andi hak, nineluk logouwageluk nineisena nen ninendawimo ket ta'ninabi'logo mene ane hologo agaukhogo hilingisugun lek nogo? At ane hologo hilingisugun aro.

1 YOHANES 3:1

At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.