MATIUS 23:26 - Allah Wene Fano Wene Hupla Inane

²⁶ Hit ap Farisi mene hineilenggen mondok mum mene yi ri! Hinagaiwak andi elonggoma tak fanorogo sobalinio. A'nogo hilingitep halok he, endakwe elok sobalasigin aro. Hit weak hilingiti lagep mene andi Allah nen weaget hinabigin o.”

MATIUS 23:26 ပူးပေါင်းရင်းမြစ်များ

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

YEREMIA 13:27

An nen neilenggen hisugunem he hit he An nabit anggigirek mene omanogo hilingitunem hisikhi lagi. Hiren he ilah amu mene omanogo punukwe inom, yabukwe inom murok laga logolik, aben inagaila'lak inagagwi faget inendawinggen naluk inamururuweak muginapluk nikharek hak, at he wam kuda ai mene nen kuda holou meneba amol-moletunen hilingiterek hak, hiren a'nogo hilingitunem hisikhi lagi. Hit afuni o Yerusalem welagep mene re alomat laga logoni! Hit he ki huli nen weak mondok hilingitu welagep mene andomaba nen fikhalogo wulibi wesugun nogo?”

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

YEHEZKIEL 18:31

Hiren weak hilingiti lagep mene andoma mondogat palfeni o, palfuluk he hinendawinggen wenggelhu mene inom, menenei ebetu mene inom he ket mene asuak. Nenahalok hinaweak onggo hinebe wa'lasugun nogo?

MATIUS 12:33

A'nogo yagaisasikhesik ekhe mel yagaisasikhe: ”E ero fano mene nen enggen fano meneat iterek. Nen, ero weak mene andi, enggen weak meneat iterek. A'nogo iterek andiba, e enggen yi fano mene enggen igik, yi weak mene enggen igik, enegat futfikhi lagebo.

MATIUS 14:8

A'nogo yagatikhemo, helenggerek andi agaisa nen arat komoratikhemo andi nen he, mel yagatikhe: ”Neisena, at Yohanes ima pelaginaferek mene a'nogo ungguloak palogo re, lemesak oba earogo wo'ne'nogo,” iluk yagatikhe.

MARKUS 7:4

Wene a'nogo fisogo logolik, yi mene ti mene onggo palogo waluk wagaikharesik he, inebene sobalhi'lek sumburu nenggarek mondok lek. Ekhe re, wene attagat mene andi fisogo logolik he, iwak endep-endebengge mene sobalhik, hokhondek mene sobalhik, iwak ekhe alek mene sobalhik, agarek andi.

LUKAS 11:39

A'nogo isikhemo re, at Tuhan Yesus nen mel yagatikhe: ”Hit ap Farisi mene hinagaiwak andi inom, piring andi inom, we, endakwe nek he fanorogo sobalhi lagep meneat he, elonggoma afuni inagarek hinenggi abisak helikhi lagep mene andi inom, yi weak ti weak hilingiti lagep mene andi inom, hinendawimo mondok hokhorogo peterek werek andi weago!

LUKAS 6:45

Afuni nen yi wene ti wene inambeba nen agarek andi re, inendawimo peterek logolik, kagalogo lagai wagunem agarego. Inobabut fano mene inendawimo fano mene peterek logolik, wene fano meneat wulabi wagaikharego. Meneat he, afuni inobabut weak mene inendawimo weagat logolik wene weak meneat wulabi wagaikharego,” iluk yagaisasikhe.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

YAKOBUS 4:8

Hit Allah oba lomborogo lagep halok he, at ogo re, hinoba lomborogo wesigin aro. Hit weak hilingiti lagep mene andi, hinenggibene horogo hebisikhi logoino o. Hinendawinggen pire aksek mene andi, hinendawinggenma weak mene horogo lakfisikhi logoino o.