MATIUS 23:23 - Allah Wene Fano Wene Hupla Inane

²³ ”Hit ap Allah ane lisu palek eisewerek mene inom, Farisi mene inom, hinagap oba nek fano hangge logolik hinendawinggen pire mene yi ri! Allah faget hilingiti logogun esin hangge re, higithogo hilingitarek andi inom, afuni ekhe inendawinggen hundik welagaikharek andi inom, inobabut lenurogo welagaikharek andi inom, werek kwelegat he, a'nogo hilingiti'lek logolik, hiren larengga hangge inom, heinde hangge inom, su'lingga hangge inom, hinenggi wenagaisogo hinomoloba asi wagunem, misigat ekhe Allah faget fisikhi lagep andi fikhi lagep meneat he, wene ebe esanggoma mene andi fano hilingiti lagep meneat he, wene esin mene hilingiti'lek herakfisikhi lagep andi weago!

MATIUS 23:23 ပူးပေါင်းရင်းမြစ်များ

AMSAL 21:3

Yi mene ti mene Tuhan obaget fagarek andi re maben hak oba nen he, tiphogo hilingitik eberogo mene hilingitik agarek andi nek he, Tuhan endawimo agaiyek anggikherek mene hilingitarek.

YESAYA 28:25

Aren anggweang fanorogo fouget fakhaluk halok he awi no jintan sing mene inom, kut mene inom feik fol fuluk gandum elokhe pire mene erathigik yatik, nen esanggokwe re amu mene yatik, ikherek.

YEREMIA 22:3

”Hiren hinobabut higithogo hilingiti logolik katokhogo hilingiti logoni o. Afuni enggin-fenggin inoba fisugunem werek mene andoma it enggin inoba fugu mene inenggimo nen lologo wulakfisikhi logoni. Hiren ap pok mene inoba inom, yenggerugwi suarek mene inoba inom, hemi sogwe mene inoba inom sebelogo fisigik, hinaniniba hilingfisigik, u fuk. Afuni o yi nen weak hilingiti'lek kwelek inebe pinggi inoasu fugat.

HOSEA 6:6

Hiren wam, yi mene ti mene An nobaget warogo nolneti lagep andi nabit hangge. Oba nen he, An nebe tukhumhogo hinelu agik, hinendawinggen hundik mondok welagik, ikhi logogun andi nek he, an namolo re andi o,” iluk yagaisasikhe.

IMAMAT 27:30

Hinanggweang oba nen enggen ugu mene inom, gandum inom, yi agayo-ti agayo enggen mondogat inom ogo, hiren helaluk misik 10 mene andi re Tuhan faget fikhi logogun.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

MATIUS 12:7

Allah ane lisu palek a'nogoba, wene mel iluk werek: An Allah nendawimo nen he, afuni nen inanggo wa'netarek andi nabiro. We, afuni ekhe inebe inendawirinafi logogun andiat namolo o, iluk isikhe mene andi, hiren futfeilepma re, it yoma weak hilingiti'lek meneat wene inoba feilep lego.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

MATIUS 9:13

Allah ane ekhe mel isikhe: An Allah nendawimo re, afuni nen inanggo wa'netarek andi nabiro. We, it afuni ekhe hinendawirogo logogun andiat namolo. Iluk isikhe wene andi furogoat futfei lani o. An wagagi andi re, afuni inobabut fano hilingitarek mene inayonggo feigeluk wagagi fuk. Lego. We, afuni inobabut weak hilingitarek mene andi inayonggo feigeluk wagagi o,” iluk yagaisasikhe.

LUKAS 11:42

Mene re, hit ap Farisi mene Allah nen weaget hinabigin o. Hiren he, Allah ebe inendawinggen hundik welagaikharek andi inom, afuni ekhe faget higithogo hilingitarek inom, hilingiti logou werek kwelegat he, a'nogo hilingiti'lek logolik, larengga hangge inom, heinde hangge inom, su'lingga hangge inom, hinenggi wenagaisogo hinomoloba asi wagunem, misigat ekhe Allah faget fisikhi lagep andi, wene ebe esanggoma mene andi fano hilingiti lagep meneat he, wene esin mene hilingiti'lek herakfisikhi lagep andi weago!

LUKAS 18:12

An he, minggu misigat oba nenggi pireba sumburu ninggi'lek heang fuluk welagik, nagarek yi mene ti mene fakhigirek mene, mondogat nenggi wenagaisogo re, nomoloba asi wagunem, ekhe hat faget hobagagik, igirego. Neisena, iluk isikhe meneat he,

1 SAMUEL 15:22

A'nogo yagatikhe meneat he, at Samuel en he, ”At nineisena Tuhan amolore, At ane hologo hilingisugun andi esin a? Athe, wam warogo nolesugun andi esin a. At nineisena Tuhan ane hologo hilingisugun andi esin mondok meneat he, at wam warogo nolesugun andi re elo'lek hangge o. Wam asei andi re elo'lek hak oba nen he, yi'nogo hilingi'no iluk ikherek mene andi hologo hilingitu mene nek he mondok fano o.