MATIUS 23:16 - Allah Wene Fano Wene Hupla Inane

¹⁶ Afuni ineilenggen mum mene nen it ekhe yagaisikhi logolik: Kwe yikwe louwok! Iluk u hak, hiren he, ”Allah awi wurik enu hombuk palhep halok andi se hak anggegep? Meneat he, emas Allah awi wuri'mo welagarek mene andi nek he, enu hombuk palumo re, eberogoat sugwi asigin lego,” iluk yagaisikhi lagep mene andi re weaget hinabigin o.

MATIUS 23:16 ပူးပေါင်းရင်းမြစ်များ

YESAYA 9:16

Ma re it inunggulenu andi mene re, mondogat Tuhan herakfuluk lagik, nonghong igik, hiling lagaikha, nen it inane ugu mene andoma mondogat he kwanirogo nek ili'lagwi. Andiba re, it ap souge mene inanggele'ma nen he, Tuhan en misik iluk ogo ekhe tindel fisagain mondok lek. Nen, aren he it hemi sogwe inom yenggerugwi suarek mene inom endawirinabigin legat. It he, At Tuhan a'mage lagagunem he eberogo nenat unggum inoba fagain aro.

MATIUS 15:14

Ineilenggen mum logoligat he, kwe lit haluk laga halok herakfisani o. At ekhe eilenggen mum mene nen, at ekhe a'nogo eilenggen mumat mene yagati logolik he, Kwe yi kwe lou o, iluk enggi fagaisogo waluk lagain halok he, emberegat foluksek i kalok wagane'ma pile hela pugun o,” iluk yagaisasikhe.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

MATIUS 23:17

Hinendawinggen mondok lek logolik hineilenggen mum yoma ri! Ki mene esin anggegep? Emas andi mene esin anggegeba? Allah awi wurik andi emas Allah faget fesukwa mene, iluk, awi wurik andiat esin anggegeba.

MATIUS 23:19

Hineilenggen mondok mum yoma ri! Yi mene ti mene Allah faget fisagarek andi esin anggegeba? I a, athe, yi mene ti mene e talek andiba fisagarek andi nen, Allah mene aro, iluk, agarek andi nen, e andi esin hangge anggegeba.

MATIUS 23:24

Afuni ineilenggen mum mene nen he, it ekhe yagaisikhi logolik, Kwe yikwe louwok, iluk u hak, hiren he, elugengge endep mene i hinagaisogo fakhikhi lagep oba elonggoma kugunem enegat haluk wulakfisikhi lagep meneat he, wam unta ebe hokho mene hinaik sagalhi'lek haumhogo ninggi lagep andi nen, Allah nen weaget hinabigin o.”

MATIUS 23:26

Hit ap Farisi mene hineilenggen mondok mum mene yi ri! Hinagaiwak andi elonggoma tak fanorogo sobalinio. A'nogo hilingitep halok he, endakwe elok sobalasigin aro. Hit weak hilingiti lagep mene andi Allah nen weaget hinabigin o.”

GALATIA 5:3

Hit ekhe hinagap hinenggalimo mene palhinabuageluk, it ekhe inayonggo fogoin halok he, hinebe lombok hobuk komothinabik. A'nogo palhinafu halok, wene Allah nen komotninafikhe wene a'nogo herakfisigi'lek mondogat higithogo hilingiti logogun o.

YAKOBUS 5:12

Nerugwi nagaila'lak. Wene ekhe esin mene yi yagahisak. Allah nen wene hinoba feinogo iluk he, hiren pogoroba mene ekhe enu hombuk palhik, kweangma mene ekhe enu hombuk palhik, hunogoat mene ekhe enu hombuk palhik, hombuk palhi logogubo. We, ”Io,” uogoluk halok he, tekhogo ”Ioat” ugun. Nen, ”Lego,” uogoluk halok he, tekhogo ”Lego,” ugun.