MATIUS 22:6 - Allah Wene Fano Wene Hupla Inane

⁶ It ekhe nen, at kain amingmingengge lakfisasikhe mene omanogo inebe fakfisaluk yei inoatikhesik he, inebe mondok inoatik, isukwa.

MATIUS 22:6 ပူးပေါင်းရင်းမြစ်များ

MATIUS 22:5

Lagaukwa meneat he, it inayonggo fesikhe mene andi inendawimo puk-puk hilingiti logolik he, it ekhe ineabu kwe lagik, it ekhe yi mene ti mene awasigeluk lagik.

MATIUS 22:7

A'nogo hilingitukwama re, at ap kain enupogot a'nogo esanggo holhikhesik, a'mage lagalik agoromi tentara mene lakfisasikhemo lagaukwasik, at ap kain amingmingengge inoatukwa mene omanogo inebe mondok warogo potfisasukwasik, inawi kota wurik andoma endu mondok fatukwa.

LUKAS 18:32

Nebe noasuageluk, yonggo lambik it ap enda'ma mene inenggiba nobagagun o. Nobagaumo, inane asegen wo'niigik, endo ya'nafik, wesi nobagagik,

KISAH PARA RASUL 8:1

At Stefanus ebe mondogat watukwa andi, at Saulus endawimo nen fano anggasikhe. At Stefanus ebe watukwa andi sambul he, it Allah againafuri o Yerusalem andogoti lagaukwa mene inebe yi enggin ti enggin weakhogo hilinginafu kwelek he, it ap Yesus nen inebe wenagaisogo inayonggo fuluk lakfisasikhe mene omanogo nek, o Yerusalem werek kwelek he, Allah againafuri ekhe inebe hokhorogo mondogat pugulogo re, o propinsi Yudea Samaria yi awi ti awi andoma mugusogo wulakfisasukwa.

IBRANI 13:3

It ekhe inenggi hele warek were'ma, hinendawimo nen he, ”Nit ogo re, ninomat ninenggi hele warek hangge welago,” iluk, it inoba ebetik, it ekhe yi weak ti weak hilinginafunem hit hinendawimo nen he, ”Nit ogo re, kweangma yoma oan were'ma a'nogoat hilingninabugun aro,” iluk, it inoba ebetik, ikhi logoino o.