MATIUS 22:4 - Allah Wene Fano Wene Hupla Inane

⁴ Wagi'lek kamo isukwama re, hobuk amingmingengge mene ekhe mel yagaisasikhe: Afuni inayonggo figi mene omanogo wesuagen he, woginabi lani o. Lambik he, ninoe nen mel ikhe ino: Wam sapi oe mene inom, wam fena hokhondek mene inom, mondok felelenghogo warogo arat isakfigirik, yi mene ti mene felelenghogo tegelogo figirik arat nogoin higit aga o. Halok he, wesuagen yagaisa lani, ikhemo wago, iluk lakfisasikhemo lagaukwa.

MATIUS 22:4 ပူးပေါင်းရင်းမြစ်များ

NEHEMIA 9:17

Haren yi mene ti mene faget mondogat fano hilinginafi lagagin mene andi inom, elalin mene hokhoat hilingiti lagagin mene andi mondogat inom, hologo hilingisu inabiren he, inendawimo eberek welagi'lek inonggoret fisasukwa andi. A'nogo inonggoret fisasukwasik, inonggwaregen fogerakhikhi logolik, it inoe ap ekhe nen it woginarek o Mesir inambotkwe lagaukwasik afuni Mesir mene inamingmingengge logouwageluk fisa loageluk, wenagaisogo fesukwa andi. A'nogo meneat he, afuni weak hilingitunem hat Allah nen sagalogo legetfisigik, inebe hendawirinafik, ha'mage horogat het-perigi'lek herakfisigik, egendek andi. Inebe hendawinggen hundik mondok logolik, it inebe kofologo herakfisigi'lek farinarek mondok welagagin andi.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

AMSAL 15:17

Eremengga nek ninggi logolik oba nen inendawi hundik logogun andi re mondok fano, oba nen eino enduk fano mene ninggi logolik oba nen ina'mage inom ninggi logogun andi nek he mondok weak.

KIDUNG AGUNG 5:1

Nagot ninom lombolek mene yi, an he neabumo omanogo waga lagi, wagiresik he mur inom, amben-ambenengge fano mene inom kaboget fuluk, an nen kin amusu inom awingga sap palek mene andi inom ninggik, susu inom anggur agai inom ninggik ikhi lagi. Sumburu ninggik, i ninggik, ikhi logoni nerugwi, a'nogo nunggu werek kwelek enek he hinoba aik age lagambik ap lugu-lugwi palharek hak hilingisugun.

MATIUS 21:36

A'nogo hilingitukwama re, at ap anggweang eisewerek mene a'nogo nen he, attak he, inebe wenago hak lakfisa wagaikhesik, hobuk enek he, mondok hokhorogo lakfisa wagaikhe meneat he, attak hilingitukwa hagat hilinginafukwa.

MATIUS 22:5

Lagaukwa meneat he, it inayonggo fesikhe mene andi inendawimo puk-puk hilingiti logolik he, it ekhe ineabu kwe lagik, it ekhe yi mene ti mene awasigeluk lagik.

MATIUS 22:8

A'nogo arat hilingitukwama re, at ap kain enupogot a'nogo nen amingmingengge mene omanogo mel yagaisasikhe: Seni arat isati meneat he, it afuni inayonggo figi mene andi nanggo isago na wesugun legagama. Nabiro.

LUKAS 14:17

Inayonggo fesikhesik, ebe arat isakfuluk he, amingmingengge mene ekhe yagati logolik: Seni isago yi arat nogoin higit aga. Halok he, afuni inayonggo figi mene omanogo wesuagen he, woginabi lan o, iluk lakfesikhe.

KISAH PARA RASUL 1:8

A'nogo meneat he, Allah Areagun hinoba pi waga halok, hinomame asigin. Hinomame asimbik he, o kota Yerusalem en, propinsi Yudea nen, Samaria nen, huli o yi awi ti awi esanggo-esanggo andomaat laga logolik, an yi mene ti mene hilingirik nugunem hineilenggen neegep mene a'nogo, an faget yagaisilik laga logoino o,” iluk yagaisasikhe.

KISAH PARA RASUL 13:46

A'nogo isukwa meneat he, it Paulus Barnabas emberegat inailo lek hogoat logolik he, mel isukwa: ”Allah ane andi hit tak yagahisa hagat yagahisa wago meneat he, hit hinabiren herakfisikhi lagep, hinonggwaregen he, nit nabulal-habulal hilingninabigin he, ninabiro, iluk u hagat ikhi lagep andi nen, nit nineisena Allah nen ninayonggo fikhi logolik yaganisasikhe hagat hilingisugun. Aren: An nen he, afuni endakwe mene selegerinafik, o wurep oba werek mene telinafik, igeluk he, esage ibilik hangge, hit hinebe heragaisogo menhinobagagi o, iluk yaganisasikhe higithogo, hebekhogo it afuni endakwe mene yagaisa logoin o,” iluk yagaisasukwa.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.