MATIUS 22:18 - Allah Wene Fano Wene Hupla Inane

¹⁸ at Yesus nen it ap andi inobabut weak enegat palhikhesik he, ”Hit hinagap oba nek fano hangge logolik, hinendawinggen pire mene yi ri! Nenahalok nobabut paluogeluk ikhi lagep.

MATIUS 22:18 ပူးပေါင်းရင်းမြစ်များ

MATIUS 12:15

Weim abok a'nogo ugunem, at Yesus nen inobabut enegat futfisasikhesik he, o andoma nen lagunem afuni inebe hokhorogo, at ombo'ne lagaukwa. Lagaukwama re, ou weak mene mondogat higirinafikhesik he,

MATIUS 19:3

Ou fano higirinafu kwelek he, it ap Farisi mene fena Yesus obabut paluogeluk oba wagaukwasik he, mel yagatukwa: Aben he, hemi waganek mene andi, wene hokho mene, endep mene, oba fikhi logolik he, ”Nabit, iluk lologo herakfagain eloga? Elo'lega,” iluk yagatukwama,

MATIUS 22:17

Halok he, hat hendawimo ninggi'nogo anggegen. Nit Yahudi mene hilingitorek higithogo re, uang pemerintah faget kain enupogot Kaisar wogosugun a? Lega,” iluk yagatukwama re,

MATIUS 22:19

Uang pemerintah faget fogoin mene a'nogo neilenggen hagen inu'neani,” iluk isikhemo uang a'nogo ekhe wogetukwama re,

MARKUS 12:5

A'nogo hilingitukwama re, hobuk amingmingengge mene ekhe lakfei wagaikheat. Wagaikhemo re, ebe mondogat watukwa. Watukwama re, hobuk at amingmingengge mene ekhe inebe hokhorogoat it ap omanogo inoba lakfei wagaikhemo wagaukwama re, iren he, fena yei warogo lakfisigik, fena inebe mondok inoatik isukwa.

MARKUS 2:8

A'nogo anggasukwama, at Yesus nen it inendawimo anggasukwa mene enegat futfisasikhesik he, mel yagaisasikhe: ”Hit hinendawimo a'nogo anggikhi lagep andi nenahalok.

LUKAS 10:25

Wene a'nogo yagaisikhi lagaikhemo re, hobuk ap Allah ane lisu palek yagaisikhi lagaikhe mene ekhe Yesus obabut paligeluk oba wagaikhesik he, mel yagatikhe: ”Noe. An neluk mondok logoigen he, nobabut ninggi'nogo hilingiti logoik he,” iluk yagatikhemo,

LUKAS 20:23

at Yesus nen he, ”It ap yi an lalnabuogeluk inane lagokhogo yaganeta,” iluk, enegat futfisasikhesik he, mel yagaisasikhe:

LUKAS 5:22

A'nogo anggasukwama, at Yesus nen, it inendawimo anggasukwa mene enegat futfisasikhesik he, ”Hit hinendawimo a'nogo anggikhi lagep andi nenahalok.

LUKAS 9:47

Inane a'nogo sagalhukwa mene, Yesus nen inendawimo anggasukwa mene enegat futfisasikhesik, yenggerek mage mene ekhe waganogo era'lu fei wagaikhesik he,

YOHANES 2:25

Afuni inendawimo at elu mondok welagarek andi nen he, afuni ekhe nen: ”It ekhe inobabut yiginik,” iluk at yagasugun mondok elo'lego.

YOHANES 8:6

Wene a'nogo yagatukwa andi re, Yesus ambeba wene onggo ugunem enggali warogo wene oba fouwogeluk isukwa meneat he, at ot soma isikhesik enggi tum en kweangma lisu palhu kamo isikhe.

KISAH PARA RASUL 5:9

A'nogo yagatikhemo, at Petrus nen he, ”Hit hagun hemberegat, wene yi'nogo hilingisuok, iluk ikhi lagepsigen nineisena Allah Areagun obabut paluogeluk hilingitep andi nenahalok. Ap hat hagun ebe warek kweangma sali lagaikhasik, hat a'nogoat wokharek wulibuogeluk olilu kweba ineisok abolok ilik wagaikha ari o,” iluk yagatikhe.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.