MATIUS 22:13 - Allah Wene Fano Wene Hupla Inane

¹³ Ane mondok igi'lek kamo isikhemo re, at ap kain enupogot a'nogo amingmingengge mene omanogo mel yagaisasikhe: Ap andi enggi eisok mondok hele homagaisogo re, enda'ma inaik himbirogo li ago le ago welagaikharek oba o mondok mummo andoma wulakfisani o, iluk yagaisasikhe.

MATIUS 22:13 ပူးပေါင်းရင်းမြစ်များ

MAZMUR 112:10

Ap weak hilingitarek mene nen ineilenggen haluk he ina'mage lagaluk, ina'makwe heren inaik kilit mati logogun. A'nogo hilingiti la'luk it inebe legasi logoin, iren inendawimo eberek logogun mene omanogo re mondok-mondogat legasi lagain.

MAZMUR 37:12

Afuni inobabut weak hilingitarek mene andi nen, wene weak mene afuni fano hilingitarek mene inoba fuluk, ineilenggen inabit oba kumurisagarek.

YESAYA 52:1

Hat Yerusalem yi, heluk asimbik he menlame o! Hendawinggen hambuget fakhan! Hasu re halong werek mene laberan! Yerusalem kota tegelek mondok welagen mene yi re, hat hanggwe ambe palekwe andi nen afuni emerek mene ekhe kwi waga logogun mondok lego.

DANIEL 3:20

A'nogo nonggwalhukwama, at enupogoren agoromi tentara ekhe inomame werek mene nek wendeberogo fisasikhesik Sadrakh inom, Mesakh inom, Abednego inom, inenggi hele warogo endu amulok hokho nunggunem a'nogo hambokhogo kwelakfisoagaluk yagaisasikhe.

MATIUS 12:29

Ap ekhe omame hokho mene enggi hele warogo figi'lek he, agarek yi mene ti mene inenggi abisak elok wani kugun anggegep? Elo'lego. We, enggi hele warogo fuluk enek he, elok wani kugun o.”

MATIUS 13:30

Gandum enggen oan palhi'le'ma re, inom a'nogo mangorogo lagakhi logouwago. Nen, enggen palugun higit aga halok he, an nen it ap enggen palharek mene yagaisikhi logolik: Engga weak mene andi endu nolfisouwogen he, andi tak henegeisogo hele homagaisogo fembigen, fano mene andi andogorogo figirek oba andoma feni o,” iluk yagaisagain, iluk amingmingengge mene omanogo yagaisasikhe,” iluk Yesus nen yagaisasikhe.

MATIUS 13:42

mondogat endumo lakfisamo logolik, inaik himbirogo li ago le ago mondok logogun o.

MATIUS 13:50

endu ai'mo lakfisamo inaik himbirogo li ago le ago mondok logogun o,” iluk yagaisasikhe.

MATIUS 24:51

A'nogo were'ma wesimbik he, at amingmingengge a'nogo ebe yei mondok warogo re, it afuni inagap oba nek fano hangge inendawinggen pire logolik hilingitarek mene lakfisikherek oba andoma lakfisamo, andoma logolik he, aik himbirogo li ago, le ago, ikhi logogin o,” iluk yagaisasikhe.

MATIUS 25:30

Halok he, at ebe an namingmingengge logogin lek mene yi re, enda'ma o mondok mummo inaik himbirogo li ago, le ago, welaikhare'ma andoma wulakfisani o, iluk yagaisasikhe,” iluk Yesus nen yagaisasikhe.

MATIUS 8:12

Mene re, it afuni Israel mene andi re, o andoma irat eisewerek asugun meneat he, enda'ma o mum hikhakse'ma andoma lakfisamo re, inaik himbirogo li ago le ago mondok logogun o,” iluk yagaisasikhe.

LUKAS 13:28

A'nogo yagahisamo, hit enda'ma logolik, ap Abraham inom, Ishak inom, Yakub inom, ap fena Allah ane yagaisikhi lagaukwa mene omanogo inom, Allah awe a'ma fanoma andoma were'ma, hineilenggen kwelagisogoin o. Nen, hit enek he, kwe yagarogo wulakhinobagaumo enda'ma andoma logolik, hinaik himbirogo li ago le ago ikho mondok logogun o.

YOHANES 21:18

A'nogo yagatikhesik he, wene ekhe mel yagatikhe: ”Attagat hat hebe alage logolik he, An o andoma lagain, iluk halinggin honggwaregenat ninghogo ikhaluk laga lagagin meneat he, hobuk hat hebe yaman asumo, henggi pisarogo lakfugunem he, it ekhe nen hat henggi hele ninghogo homakhabimbik he, o hat lagain habit oba wokharek logoin o, iluk eberogoat yagaheti,”

KISAH PARA RASUL 21:11

Wagaikhesik, nit ninoba kwisikhesik he, alinggin Paulus ugu welagaikhe mene, aren nonggologo wanhikhesik he, onggwaregen enggi eisok hele homatikhesik mel isikhe: ”Allah Areagun en he, Ap alinggin yi eisewerek mene, ebe o Yerusalem lagunem he, ap Yahudi mene nen hele yi'nogo homakfembik, it ap endakwe mene inenggiba fogoin o, iluk yaganetemo,” iluk isikhe.

KISAH PARA RASUL 7:54

At Stefanus nen wene a'nogo yagaisikhi lagaikhemo, it inesanggo holhukwasik, ina'mage lagasukwasik he, inaik himbirogo ebe wasuogeluk isukwa.

2 TESALONIKA 1:9

It a'nogo wene inoba fuluk he, ninoe Enupogot omame hokho mene andi nen fogeratu mondok welagaikhare'ma eilhanem andoma nenat wea'ma andoma mondogat logouwageluk lak fisagaino.

2 PETRUS 2:17

It ap ineran nen agarek mene andi inobabut he, o hibiba i elesi firok ikherek andi hak, firok igik, ohena sogoien waluk lagarek andi hak, hesanggeat woginarek lagik, ikhi logogun o. Allah nen it andi o mum hikhakse'ma andoma logouwageluk inobuluk halogo fisasikhemo werego.

2 PETRUS 2:4

It malaikat Allah nen yonggo pelakfisa wagarek mene ekhe weak hilingitukwama Allah nen herakfisigi'lek, we, wene hobuk inoba feigeluk he, o mum wea'ma inenggi hele warek logouwageluk pelakfisasikhe andi.

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.

YUDAS 1:6

Nen, at Allah nen it malaikat yonggo pelakfisa wagarek mene hilingisu mene sumburogo wogisasikhe meneat he, it ekhe nen inagaila'lak hilingisugun mene inafane hilingi'luk he, inonggwarek inaiba herakfisasukwama, Allah nen hele mondok logogin meneba inenggi hele warogo o mondok mum wea'ma kweang abel manggwe fisasikhemo werek andi. A'nogo mondok logombigen, hobuk afuni wene hokhorogo inoba fagain andi sambul, it inomat inoba feigeluk he, inenggi hele fikhalinabigin andi hinendawimo ebe'ni.

WAHYU 21:27

A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.