MATIUS 22:12 - Allah Wene Fano Wene Hupla Inane

¹² Eige, nagot! Hat he, su hemi iginafi logolik seni nuogeluk itarek mene andi iti'lek kwi wagen yi, ninggi'nogo kwi wagen, iluk yagatikhe meneat he, ap a'nogo ane mondok igi'lek kamo isikhe.

MATIUS 22:12 ပူးပေါင်းရင်းမြစ်များ

AYUB 5:16

Afuni ekhe inawe a'ma hangge sebelek welagaikharek mene ogore, Allah nen lebetnisagain werek iluk inendawimo eberek welagaikharek. Nen, Allah nen afuni weak hilingitarek mene andi, inambe te'met fisikherek.

MAZMUR 107:42

It inobabut higithogo hilingitarek mene re, a'nogo hilingitunem ineilenggen isaluk, inendawimo inagaiyek agaikharek. A'nogo meneat he, it inobabut weak hilingitarek mene andi re, inambe to'morogo welagaikharek.

YEREMIA 2:23

Hat he hailo mondok legengge mel ikhi lagen andi ri: An he emerek welagi lego. Tugwi kembu Baal ombo'ne laga-lagi legat, iluk ikhi lagen. A'nogo meneat he, hat o tonggokwe andoma laluk hilingiti lagen mene andoma hendawimo ebetik, weak hilingiti lagen mene andoma ebetik, in o. Hat hebe wam unta holou mene obabut hilingiterek andi hak hilingiti lagen. At wam andi eisok handogal weak ya lagik, ta lagik,

YEREMIA 2:26

Tuhan nen a'nogo ikhesik wene ekhe Israel mene faget mel ikhe: ”Ap ekhe yogot wanhu halok inebe fakfisugunem inenggali agarek hak, hit Israel mene inom, hinogogwi raja-raja inom, hit pemerintah mene inogogwi kaindek inom, hit ap An eisewerek mene inom, hit ap An nane yagaisikhi lagep mene inom, a'nogoat hinenggali hogoin o.

MATIUS 20:13

ap eabu eisewerek a'nogo nen, ap it mene ekhe mel yagatikhe: Nagore. An kwanirogo wokheti'lego. Onggo uang misiktek wokhisagain igimo re, io, iluk egep a'nogoat wokheti.

MATIUS 26:50

at Yesus nen, ”I nagot! Hat nenahalok wagen,” iluk yagatikhemo, it ap omanogo Yesus era'lu wagaukwasik he, ebe mondok fakfesukwa.

MATIUS 5:20

Allah endawimo anggikherek mene higithogo hilingisuogeluk he, it afuni nen Allah ane lisu palek eisewerek mene omanogo inom, ap Farisi mene inom, inobabut hilingiri'lagwi andi hagat hilingiti logogun halok he, Allah awe a'ma fisikherek oba andoma kugun lego. Eberogoat Allah endawimo anggikherek mene higithogo hilingiti logogun mene halok enek kugun o,” iluk yagaisasikhe.

ROMA 3:19

Wene Allah nen komotninafikhe wene andi, it hologo logogun mene nek yagaisasikhe, iluk nit ninelu. Allah alegaren afuni o yi awi ti awi mondogat wene inoba figik, kotik, ugunem, at ekhe nen wene oba koragain elo'lek asuageluk komotninafikhe andi.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

TITUS 3:11

It afuni inobabut a'nogo hilingiri'lagwi mene andi re, afuni kwe nong agaikharek hak, nong akhaluk inobabut weak hilingiri'lagwi andiba, haren, ”Inonggwaregen wene inoba fakhili'lagwi,” iluk inobabut enegat palhi lagen andi.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.