MATIUS 22:11 - Allah Wene Fano Wene Hupla Inane

¹¹ Arat peterogo kwisukwama re, at ap kain enupogot a'nogo eilenggen isageluk oloba kwisikhe re, ap misigat ekhe su hemi iginafi logolik seni isago nuogeluk itarek mene ugu lek were'ma eilenggen yethasikhesik he, mel yagatikhe:

MATIUS 22:11 ပူးပေါင်းရင်းမြစ်များ

2 RAJA-RAJA 10:22

A'nogo lambulhukwama at Yehu nen wene melalek yagaisikhi logolik, ’It ap wene kembu obaget kabogeti logolik su labetu mene faget halhi lagaukwa mene omanogo inoba re su omanogo it afuni kembu Baal apne wanuogeluk kembu aiba wagaukwa mene omanogo inoba wogisoageluk,’ yagaisasikhe. A'nogo yagaisasikhe mene a'nogo mondogat hilingitukwama re,

YESAYA 52:1

Hat Yerusalem yi, heluk asimbik he menlame o! Hendawinggen hambuget fakhan! Hasu re halong werek mene laberan! Yerusalem kota tegelek mondok welagen mene yi re, hat hanggwe ambe palekwe andi nen afuni emerek mene ekhe kwi waga logogun mondok lego.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

RATAPAN 5:22

At he Haren mondogat obokhogo lak ninobagegenma nen a? Hat ha'mage lagagendek mene andi re huli-huli werek legen a? Iluk samban isikhe.

ZEFANYA 1:12

Linggene andi sambul An nen esage ibilogo re o Yerusalem fasimbik it afuni Yerusalem mene inendawimo nen anggikhi logolik, ”At Tuhan nen he yi'nogo ti'nogo hilingisu lek hak iluk anggigik, inendawimo seramet figik, it inebeba hilingik mene faget higit hilingik welago iluk anggigik, anggagarek mene andoma re wene inoba fisagain o.

MATIUS 13:30

Gandum enggen oan palhi'le'ma re, inom a'nogo mangorogo lagakhi logouwago. Nen, enggen palugun higit aga halok he, an nen it ap enggen palharek mene yagaisikhi logolik: Engga weak mene andi endu nolfisouwogen he, andi tak henegeisogo hele homagaisogo fembigen, fano mene andi andogorogo figirek oba andoma feni o,” iluk yagaisagain, iluk amingmingengge mene omanogo yagaisasikhe,” iluk Yesus nen yagaisasikhe.

MATIUS 22:10

it amingmingengge mene omanogo hobuk kwe hokho handogalma andoma lagaukwasik were'ma, afuni inobabut weak mene fano mene, lagunem inom ambi agaukwa mene mondogat inayonggo fesukwama wagaukwama re, oloba inebe mondok pete isikhe.

MATIUS 3:12

Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

ROMA 13:14

Hit hinobabut he, afuni inobabut inetogat logolik, yi wanile, ti wanile, iluk agarek andi hak hinendawimo kagalhi'lek he, we, sikhe sige wanharek hak, ninoe Enupogot Yesus Kristus obabut andiat wanino o.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

GALATIA 3:27

Nen, Kristus hinom hunesuogeluk ima pisigip mene hinebe mondogat, su labetarek hak Kristus obabut wanhigip andi.

EFESUS 4:24

Hinebe eberogoat, at Allah nen onggwarek faget fakhaluk, aren he, hinobabut higithogo hilingiti logouwageluk, at obabut hangge ket mene hilinghinafe mene andi, su labetarek hagat labeti logoino o.

WAHYU 16:15

A'nogo lagaikhasi'mo nen, at Yesus nen mel yaganete: ”Hesanggo holin o. Afuni yogot wanuogeluk hinagaisogo wagaikharek andi hak, an a'nogoat wesigin o. A'nogo wagunem, afuni inalfulukwa were'ma inenggali agarek andi hak, hit a'nogoat hinenggali asinogo iluk hinasu weak-weak ikhouwogeluk tegelogo fuluk logogun halok he, Allah nen fanothinafunem hinendawimo hinagaiyek asugun o,” iluk yaganetunem holhi.

WAHYU 19:8

Agwe a'nogo ikhageluk, asu lenan kut elokhonggen sobalek amulit fano mene laberek logouwageluk wogetemo higi. Su fano andi ebe re, afuni Allah againafuri inobabut higithogo hilingitarek mene andi aro,” iluk ikhi lagaikha.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

WAHYU 3:18

A'nogo welagep andi nen, hit kain hineilmo werek asubagaigen he, emas endumo weragaisogo fano hilingitarek mene noba onggo paligik, hinalfulukwa welagep mene andi, hinenggali asinogo nen he, hinasu laberouwogeluk su kut mene noba onggo paligik, hineilenggen mum mene andi, fano agunem yi mene ti mene yethikhi logouwogeluk, amusu hineilenggen ebene tesubagaigen noba onggo paligik, ubagaigen iluk komothinafi o.