MATIUS 22:10 - Allah Wene Fano Wene Hupla Inane

¹⁰ it amingmingengge mene omanogo hobuk kwe hokho handogalma andoma lagaukwasik were'ma, afuni inobabut weak mene fano mene, lagunem inom ambi agaukwa mene mondogat inayonggo fesukwama wagaukwama re, oloba inebe mondok pete isikhe.

MATIUS 22:10 ပူးပေါင်းရင်းမြစ်များ

MATIUS 13:38

Nen, yabu andi ebe re, o kweangma yi awi ti awi mondogat andi aro. Nen, awi fano mene andi ebe re, afuni Allah awe a'ma welagaikharek mene inebe andi aro. Nen, awi weak mene andi ebe re, at ap obabut mondok weak mene againafuri andi aro.

MATIUS 22:9

Halok he, hit kwe hokho handogalma a'lima lambik were'ma re, afuni ekhe lagu halok, seni isago na luogo, iluk, inayonggo feino, iluk yagaisasikhemo re,

MATIUS 25:10

onggo pala lagaukwama re, at ap agwe ikhikhe mene a'nogo arat wagaikhesik he, it inendawinggen wenggelek mene tegelogo fakhaluk welagaukwa mene omanogo inom pesta hilingiti logolik seni isago nuogeluk woginarek oloba kwisikhesik kwe yagatikhe.

MATIUS 9:15

Yagatukwama re, at Yesus nen he, mel yagaisasikhe: ”Ap ekhe agwe ikhikhi logolik he, at erugwi agaila'lak inomat logolik he, it inendawimo wiik-weakhogo logogun nogo? Lego. A'nogo meneat he, erugwi agaila'lak fisaluk, ap andi waluk logoin oba weregaro. A'nogo waluk lamo nek he, it andi inenggi ekhe sumburu ninggi'lek sambanat ikho logogun aro,” iluk yagaisasikhe.

2 KORINTUS 12:21

A'nogo hilingitunem, an wagunem he, neisena Allah nen hit hinobabut hilingiti lagep andi faget hit hineilhanem nenggali warogo nebe horoget nobagagun andi nailo. It afuni hit mene ekhe hokhorogoaren hemi inaguni werek mene, ap inagagwi werek mene nen pailak fakfisigik, helime silerik ap souge nen pailak fakfisigik, inenggali lek weak mondok hilingitik, o attagaren hilingitarek mene herakfisaluk inobabut hebelagi'lek mondok welagaikharek andi faget, le asi wagi hanogoluk nendawinggen firik welagi o.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.

WAHYU 7:9

A'nogo higiri'mo nen, ombo'ne neilenggen isigi re, yi afuni ti afuni inunggulenu lombok, inagap lombok, inawi lombok, inane lombok, su kut uandek laberek mene, afuni nen wuni wati logolik, feigengga sombologo inenggim wanharek andi hak, e engga mene inenggim waluk, Allah kain welagarek obuluk oba andoma Domba Eak emberek were'ma ineilhanem andogorek inebe huli yiba iluk, inenggi wenasu mondok elo'lek logolik, inane hokhorogo mel ikhi lagaikha: