MATIUS 21:37 - Allah Wene Fano Wene Hupla Inane

³⁷ A'nogo hilingitukwama re, at ap kain a'nogo nen mel isikhe: Halok he, yogondak an nonggwarek namlogo yi nek he, inane agaukhogo hai warogo wanugun o, iluk anggasikhesik, amlogo a'nogoat lakfei wagaikhe.

MATIUS 21:37 ပူးပေါင်းရင်းမြစ်များ

ZEFANYA 3:7

A'nogo hilingi'mo re An nen ebethikhi logolik, ”Yogondak he, An nagainafuri nen An nebe esinet nobagaluk legeisogo nobagakhi logolik An nen wenagisikhi lagi mene omanogo eberogo nen fut fili'lagwi,” iluk anggikhi lagi. Enggere, An nen it inelu asuageluk yagaisikhi lagi mene omanogo eberek werek logou hak. Oba nen he, iren attak weak hilingiti lagaukwa mene re endep hak meneba nen, weak ekhe inom inomamerogo hilingirik lagunem isikhi lagi.

YOHANES 3:16

Yi afuni ti afuni Allah endawi mondogen inendawinggen an noba eberogoat himbiret fogoin mene halok enek, inebe lombok wa'la'luk he, nongagi'lek ineluk mondok logouwageluk, At amlogo an nebe misigat tago mene wogisasikhe.

YOHANES 1:34

at ebe neilenggen furogo higiri'mo andi nen he, futfigi o. A'nogo futfigirik, at andi Allah amlogo eberogo aro, iluk, abok hit fakhogo yagahisikhi lagi yi,” iluk yagaisasikhe.

LUKAS 20:13

A'nogo mondok hilinginafukwama re, at kain eabu eisewerek mene a'nogo endawimo nen he, hobuk he, ninggi'nogo hilingitasik he. An nonggwarek namlogo nendawinggen hundik mene yiat inoba lakfoumo re, inane agaukhogo hai warogo wanugun anggikhi lagi, iluk anggasikhesik lakfei wagaikhe.

MARKUS 12:6

A'nogo felelenghogo inoatukwama re at eabu eisewerek mene a'nogo amlogo endawinggen hundik mene misigat andi nek agaikhemo re, aren he, ”An namlogo yiat inoba lakfoumo re, inane agaukhogo hai warogo wanugun o,” iluk anggasikhesik he, ebe hobuk inoba lakfei wagaikheat.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

YESAYA 5:4

An neabu andi faget ekhe hilingiti'legengge welagi nogo a? Anggur enggen ebe mene isigin iluk nenangotunemen andi re ninggi'nogoluk arik mene ite nogo?

YOHANES 1:18

Afuni ekhe nen Allah ebe ineilenggen mondok higi'lek meneat he, at amlogo misigat tago eisena era'lu emberek higit welagaikhe mene andi nenat Allah ebe furogo yaganisa wagaikhe andi.

YEREMIA 36:3

An nen enggin mene it Yehuda mene inoba lakfei wesigin mene andoma faget inesanggo holhambik he it inobabut hebelugun logou hago. Andiba re it inaweak hilingiri'lagwi mene inom, ina'mageba hilingiri'lagwi mene inom andoma re An nen sagalogo leget fisagain o,” ikhe.

MATIUS 21:36

A'nogo hilingitukwama re, at ap anggweang eisewerek mene a'nogo nen he, attak he, inebe wenago hak lakfisa wagaikhesik, hobuk enek he, mondok hokhorogo lakfisa wagaikhe meneat he, attak hilingitukwa hagat hilinginafukwa.

MATIUS 21:38

Lakfei wagaikhemo wagunem, it ap yabu kwalogo welagaukwa mene omanogo nen, ineilenggen yethasukwasik he, it-it ikhi logolik, ”Ap ari eisena obali'mo yabu eisewerek asigin mene a'nogo ebe waga a'li. Halok, yabu yi nirat eisewerek asuogen he, ebe wasuogo,” iluk,