MATIUS 21:29 - Allah Wene Fano Wene Hupla Inane

²⁹ Yagatikhemo, at amlogo a'nogo nen he, Nabiro neisena isikhesigen he, hobuk endawinggen ebetikhesik yabu ebe hilingisi lagaikhe.

MATIUS 21:29 ပူးပေါင်းရင်းမြစ်များ

KELUARAN 4:28

Hai a'nogo watikhemo, at Musa nen he, Tuhan nen o Mesir ambotkwe loageluk ayonggo fikhi logolik yagatikhe mene omanogo mondogat tindelogo yagatik, afuni futfoageluk elalin mene hilingisuageluk yagatikhe mene omanogo mondogat yagatik, isikhe.

YEREMIA 44:16

”Nit he haren Tuhan enu igisogo nit yaganisikhi lagen mene andoma ninesanggo holugun lego.

YUNUS 3:2

”Yunus. Weak-weak o Niniwe kota hokho sili a'nogoba lambik he, wene hoba figi mene a'nogo yagaisa lan o,” iluk yagatikhe.

BILANGAN 10:30

Andi yagatikhemo at Hobab en onggo ikhi logolik he, ”Nombasi fano yaganeten, oba nen an he nambotkwe nawi eroma lagain o,” iluk yagatikhe.

MATIUS 21:28

At Yesus nen a'nogo yagaisikhi lagaikhesik hobuk mel yagaisasikhe: ”Wene igin yi re, hit ninggi'nogo anggikhi lagep mene igin. Ap ekhe againafuri inebe pire welagaukwa. Were'ma, amlogo manggusa mene andi oba lagaikhesik he, mel yagatikhe: Namlogo. Yogondak hat he, anggur yabumo a'nogo yabu hilingisi lan, iluk yagatikhe.

MATIUS 21:30

Lagaikhemo re, at eisena a'nogo amlogo hobuk mene andi oba lagaikhesik a'nogoat yagatikhe mene re, aren he, I, o, neisena iluk, yagatikhe. Meneat he, hobuk endawimo ebetikhesik, yabu a'nogo hilingisi lagaikhe lek, kamo isikhe.

MATIUS 21:31

Halok he, hit hinendawimo nen he, it ap inebe pire andem sa hagen ineisena endawimo anggasikhe higithogo hilingitikhe anggegep,” iluk, yagaisasikhemo, iren he, ”Andi amlogo attak mene andi nen hilingitikhe,” iluk yagatukwama, at Yesus nen he, ”Halok he, an nen wene ekhe eberogoat yagahisak. Hit oan werek kwelek he, it ap uang pemerintah faget kino iluk andogotarek mene inom, hemi hesangge yanini hilingirik nikharek mene inom, it andi tak Allah awe a'ma fisikhere'ma andoma kugun o.

KISAH PARA RASUL 26:20

Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.

1 KORINTUS 6:11

Attak hit ekhe a'nogo hilingiti lagagip meneat he, yogondak he, Allah nen hinendawimo fano sobalogo hinobagaikhesik, hinebe at onggwarek faget fakhasikhemo welagebo. Wene hinoba welagaikhe mene andi, nineisena Allah Areagun nen ninoe Enupogot Yesus Kristus enuba, korogo wokhasikhesik Allah hinom hinambotkwe hunogo hinobagaikhemo welagebo.