MATIUS 21:27 - Allah Wene Fano Wene Hupla Inane

²⁷ hobuk Yesus yagati logolik he, ”Wene andi nit ninonggoro,” iluk yagatukwama re, at Yesus nen he, mel yagaisasikhe: Halok he, an nen ogo re, ”Andi mene eisewerek agarik hilingiti lagi, iluk, hit yagahisagain legaro,” iluk yagaisasikhe.

MATIUS 21:27 ပူးပေါင်းရင်းမြစ်များ

YESAYA 28:9

Iren An noba wene fikhi logolik yi'nogo ili'lagwi, ”Aren he, sani inoba yagaisikhi lagi iluk ili'logo? Ebe yi'nogo iluk he ap sa oba tindelogo yagasigiluk nogo? Aren anggikhi logolik nit yi re omalik eilak oan nunggu mene hangge anggili'lago a?

YESAYA 6:10

A'nogo yaganetesik ekhe ikhi logolik he, ”A'nogo hilingitunem it ineilenggen higik, inesanggo holhik, futfigik, uluk it inobabut hebella'luk he An noba inambotkwe wagunem, An nen it inebe fano hilinginafi hanogore, inendawinggen helep hak harot fisigik, inesanggo tagumet fisigik, ineilenggen humun fisigik ino o,” iluk yaganete.

MATIUS 15:14

Ineilenggen mum logoligat he, kwe lit haluk laga halok herakfisani o. At ekhe eilenggen mum mene nen, at ekhe a'nogo eilenggen mumat mene yagati logolik he, Kwe yi kwe lou o, iluk enggi fagaisogo waluk lagain halok he, emberegat foluksek i kalok wagane'ma pile hela pugun o,” iluk yagaisasikhe.

MATIUS 16:3

Nen, ohealekwe o olokhe mum aga halok hineilenggen yethaluk he, andi meiso hokho mene nagain, iluk ikhi lagep andi. Pogot elokhonggen hineilenggen pene'luk he, ”A'nogo hilinglasigin,” iluk hinendawinggen wenggelek logolik, obabut enegat palu hinelu meneat he, yi mene ti mene o yogondak hilinglari'logo andi, hit hinelu asuageluk hilinglari'logo meneat he, futfigi'lek welagep yoma ri!

MATIUS 21:26

Nen, afuni nen yagatukwama pelaginafi lagaikhe, iluk yagasumo re, it afuni yoma mondogaren he, ”Yohanes andi Allah aneat yaganisikhi lagaikhe iluk agarek andi nen he, nit ninailo,” iluk isukwasik,

MATIUS 21:28

At Yesus nen a'nogo yagaisikhi lagaikhesik hobuk mel yagaisasikhe: ”Wene igin yi re, hit ninggi'nogo anggikhi lagep mene igin. Ap ekhe againafuri inebe pire welagaukwa. Were'ma, amlogo manggusa mene andi oba lagaikhesik he, mel yagatikhe: Namlogo. Yogondak hat he, anggur yabumo a'nogo yabu hilingisi lan, iluk yagatikhe.

YOHANES 9:30

aren he, mel yagaisasikhe: ”Eige! Nailo e. Ap andi nen, an neilenggen fano higitnafe meneat he, hiren, at ebe o koma nen waga mene he, nit ninonggot iluk ikhi lagep andi, elalinhogoat ikhi lagebo.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.

2 KORINTUS 4:3

Fano wene yagaisilik nikhi lago mene andi, afuni ekhe nen futfili'lagwi meneat he, it afuni longgo ili'lagwi mene nek he, wene andi faget inendawinggenma afumak enek laberek werego.