MATIUS 21:26 - Allah Wene Fano Wene Hupla Inane

²⁶ Nen, afuni nen yagatukwama pelaginafi lagaikhe, iluk yagasumo re, it afuni yoma mondogaren he, ”Yohanes andi Allah aneat yaganisikhi lagaikhe iluk agarek andi nen he, nit ninailo,” iluk isukwasik,

MATIUS 21:26 ပူးပေါင်းရင်းမြစ်များ

YESAYA 57:11

Tuhan nen ikhi logolik, ”Sa nen tugwi kembu andomaba hinailo mene hilingfugunem hiren hineranen wene ikhi logolik An noba ebetniikhi lagep lek nogo? An nane igi'lek aloksek welagi andiba hiren An fogetnafi lagep lega?

MATIUS 11:9

Halok he, nena mene houwogeluk lagepsik. I a, athe, ap Allah ane yagaisikherek mene ekhe were'ma hineilenggen houwogeluk laga lagepsiga? Eberogoat, andi aro. An nen yagahisak. It ap Allah ane yagaisikhi lagaukwa mene ekhe welagaukwa meneat he, it andi elo'lek hak. At Yohanes andi nek he, enu werek esinaro.

MATIUS 21:11

it afuni hokhorogo omanogo nen he, ”Yi Yesus Allah ane yagaisikherek mene, awi o Galilea tonggwe kota Nasaret mene a'nogo waga yi o,” iluk, yagaisasukwa.

MATIUS 21:25

Menere, at Yohanes nen afuni ima pelaginafi lagaikhe a'nogo re, Allah pogoroba mene nen yagatikhemo pelaginafi lagaikhe a? I a, athe, afuni kweangma mene nen yagatukwama pelaginafi lagaikhe a. Yagane'ni ta!” iluk yagaisasikhemo, it-it ikhi logolik he, mel isukwa: Pogoroba mene nen yagatikhemo pelaginafi lagaikhe, iluk yagasumo re, aren he, ”Halok he, hiren Yohanes ane eberogoat iluk futfigi'lek welagagip andi nenahalok,” iluk, yaganisanogo.

MATIUS 21:27

hobuk Yesus yagati logolik he, ”Wene andi nit ninonggoro,” iluk yagatukwama re, at Yesus nen he, mel yagaisasikhe: Halok he, an nen ogo re, ”Andi mene eisewerek agarik hilingiti lagi, iluk, hit yagahisagain legaro,” iluk yagaisasikhe.

MATIUS 21:46

Yesus ebe fakfouwogeluk isukwa meneat he, afuni inebe hokhorogo aren, ”At Yesus andi Allah ane yaganisikherek mene o,” iluk, agarek andi nen he, inailo nen herakfesukwa.

MARKUS 11:32

it afuni mondogaren, ”Yohanes andi Allah aneat yaganisikhi lagaikhe,” iluk ebe futfikhi lagaukwama andi nen he, afuni inailo nen mel isukwa: ”Niren he, Afuni nen yagatukwama pelaginafi lagaikhe, iluk yagasumo, elok legaro,” iluk isukwasik he,

MARKUS 12:12

A'nogo yagaisasikhemo iren he mel isukwa: ”Wene oba lirogo yaganisikhe andi nit fagerat yaganisikhe higi,” iluk futfesukwa. Futfesukwasik he Yesus ebe fakfouwogeluk isukwa meneat he, afuni hokhorogo omanogo inailo nen herakfisaluk pugulhukwa.

LUKAS 20:19

At Yesus nen wene a'nogo yagaisasikhemo re, it ap Allah ane lisu palek inelu mene inom, Allah eisewerek inogogwi kaindek omanogo inom, inesanggo holhukwasik he, ”Wene andi nit faget oba lirogo yaganisikhe higi,” iluk futfesukwasik he, andi sambul, at Yesus ebe fakfouwogeluk isukwa meneat he, afuni omanogo inailo nen he, kamo isukwa.

LUKAS 20:6

Nen, afuni nen yagatukwama pelaginafi lagaikhe, iluk umo re, Eige! It afuni mondogaren Yohanes andi Allah aneat yaganisikhi lagaikhe iluk anggagarek andi nen he, helep oba ninebe mondok tamukhogo ninoasinogo,” iluk isukwasik he,

LUKAS 22:2

it ap Allah eisewerek mene inogogwi kaindek inom, Allah ane lisu palek eisewerek mene inom, afuni mondogat inailo nen he, ”Yesus wene ninggi'nogo oba fembik wasuok he,” iluk weim abok ikhi lagaukwa.

YOHANES 5:35

At Yohanes andi ebe re, esage ibilogo fugunem yararet hikherek hak were'ma, hiren he, esage omba'-bak ninoba fikhi logouwak, iluk, elama fagerat hinendawimo hinagaiyek anggikhi lagagip andi,

YOHANES 9:22

A'nogo yagaisasukwa andi re, it ap kaindek Yahudi mene nen, ikhi logolik he, ”It afuni inebe lombogen, ap yi re, Allah nen nit afuni telninabuageluk lakfei wesigin isikhe a'nogo Kristus ebe yi aro, iluk fakhogo ugu halok he, oloba samban agarek oba nen lisogo wulak fisouwogo,” iluk wene palhukwa mene werek andi nen he, ap andi eisena agaisa it ap kaindek Yahudi mene inailo nen he,

KISAH PARA RASUL 5:26

A'nogo yagaisikhi lagaikhemo re, at ap kain Allah awi kagalek welagaikhe mene a'nogo agoromi inom lagaukwasik he, it ap Yesus nen inayonggo fuluk lakfisasikhe mene omanogo woginarek wagaukwa. Mene re, woginarek wesuogeluk inendawimo nen he, ”Afuni hokhorogo nenat Yesus agoromi elele waganogo nit helep oba ninoasinogo,” iluk inailo nen inane ninghogo woginarek wagi'lek. We, liokhogo woginarek wagaukwa.