MATIUS 21:17 - Allah Wene Fano Wene Hupla Inane

¹⁷ it afuni omanogo hebisasikhesik, o sili hokhoma andoma nen wulibi wagaikhesik he, o Betania nogo i wagaikhe.

MATIUS 21:17 ပူးပေါင်းရင်းမြစ်များ

YEREMIA 6:8

Yago, hit afuni Yerusalem welagep mene yoma sani, An nen hit oboget hisaluk hit hinawi kota ari agamhogo re afuni inareng le'ma lei pirimse'ma hilingisogo hinobagagi hanogo re, enggin-fenggin hikhi lagep mene andoma re hiren fanorogo ebethikhi logobagaigeluk hilinghinobagakhi lagi o,” ikhe isikhe.

HOSEA 9:12

Oba nen iren inagainafuri taginapluk kulogo sougerinafi logogun oba nen ogore An nen woginafi logogin, Ap misik iluk ogo ekhe ineluk fisikhi logogin lek. Yago, hit Israel mene yi sani, An nen hit oboget hisagain oba andem he, hinebe alomat lakhogoin o!” ikhe.

MATIUS 16:4

Hit afuni o yogondak welagep mene yoma re, hinobabut mondok weak hilingirik nikhi logolik, Allah hinom lomborogo welagi'lek yoma ri! A'nogo logolik, hiren he, ”Niren futhobagauwogen he, haren elalin mene ekhe hilingisin he,” iluk yaganeti lagep meneat he, an nebe futnobagauwageluk an nen elalin hunogoat mene ekhe hilingisigin mondok lego. We, at Yunus nen afuni ekhe futfouwageluk elalinat hilingitikhe andi hak enek an nen hobuk ekhe hilingitunem hineilenggen neogoin o,” iluk a'nogo yagaisasikhesik, it ap omanogo andoma herakfisaluk he, o ekhema lagaikhe.

MATIUS 26:6

A'nogo isukwasik werek kwelek, at Yesus o Betania ap Simon oumo henanggo hangge inailo mene attagaren ebene welagaikhe mene andi aiba andoma kwisikhesik were'ma,

MARKUS 11:1

A'nogo lagaukwasik, at Yesus agoromi ane wanhi lagaukwa mene omanogo inom, okota Yerusalem kuogeluk horokhogo asi lagasukwasik, punu Zaitun a'ma o sili ekhe enu Betfage ekhe enu Betania andoma higit asi lagasukwasik he, at Yesus agoromi ane wanhi lagaukwa omanogo inebe pire ekhe wene warogo attagat lakfisasikhe.

MARKUS 11:11

o Yerusalem kwisukwa. Kwisukwasik he, at Yesus ebe Allah awi wuri'mo kwisikhesik yi mene ti mene mondogat eilenggen penetu kwelek, o arat hubagaikhemo, agoromi inebe 12 nen omanogo inom o Betania wulibi wagaukwa.

MARKUS 11:19

A'nogo ugu kwelek, o arat hubagaikhemo re, Yesus agoromi inom o Yerusalem en wulibi wagaukwa.

MARKUS 14:3

Weim abok a'nogo ugu kwelek he, at Yesus lak o Betania lagaukwasik, ap Simon oumo henanggo hangge inailo mene fageat ebene welagaikhe mene andi aiba kwisikhesik logolik, sumburu nouwogeluk hu'lagaikhe. Hu'lagaikhesik were'ma, he ekhe nen iwak enu pualam mene hilingik meneba amusu amben fano mene onggo hokhorogo palogo elema hinagaisogo waluk Yesus oba kwisikhe. Oba kwisikhesik he iwak a'nogo ambe obakhe sikhiphogo, amusu Yesus ungguloba kweisalogo pelafikhe.

MARKUS 3:7

A'nogo hilingi'luk, hobuk, at Yesus agoromi ane wanhi lagaukwa mene omanogo inomat he, i Galilea yenggelek a'nogo esanggoma lagaukwa. Lagaukwama re, afuni nen he, ”Yesus yi'nogo hilingiri'logo, ti'nogo hilingiri'logo,” iluk abok ugunem, it afuni o Galilea tonggwe mene hokhorogoat inesanggo holfuluk inombo'ne-inombo'ne lagunem, it afuni o Yudea tonggwe mene inom, o Yerusalem mene inom, o Idumea tonggwe mene inom, o i Yordan aik eliba mene inom, o Tirus Sidon mene inom, Yesus oba andogotukwa.

LUKAS 10:38

A'nogo yagaisasikhesik he, hobuk at Yesus agoromi ane wanhi lagaukwa mene omanogo inom lagaukwasik, o sili ekhe kwisukwa. O andoma he ekhe enu Marta welagaikhe. Aren he, ”Yesus an naiba kwi wesuak,” iluk ayonggo fesikhesik wanhikhe.

LUKAS 19:29

Lagakhi lagaikhesik, tom Zaitun a'ma o sili ekhe enu Betfage, ekhe enu Betania, andoma higit asi lagasikhesik he, at agoromi ane wanhi lagaukwa mene ekhe inebe pire wene warogo attagat lakfisikhi logolik he,

LUKAS 24:50

At Yesus nen wene a'nogo warisasikhesik, it agoromi omanogo o sili hokhoma nen woginarek wulifikhesik he, o Betania andoma lagaikhe. Lagaikhesik, enggi liakfesikhesik he, ”Allah nen kwelakhinarek logolik fanothinafi logouwago,” iluk hai warinafikhe.

YOHANES 11:1

Ap ekhe enu Lazarus erugwi Maria agot Marta inom inaiba o Betania misi'mo mene welagaukwa.

YOHANES 11:18

O Betania andi re, o Yerusalem era'lu horogat kwe lagaikharek huli re, ilirengge 3 kilometer hangge andi nen he,