MATIUS 20:8 - Allah Wene Fano Wene Hupla Inane

⁸ A'nogo inayonggo fesikhemo lagaukwama, o arat hu'mo agaikhemo re, ap eabu eisewerek a'nogo nen, it ap omanogo yabu hilingitu kwelek kwelaginarek welagaikhe mene ekhe mel yagatikhe: Ap yabu hilingiri'lagwi mene omanogo wolisa lan o. Wagaikha halok he, it hobuk kwaga mene andi tak onggo wogisaluk he, it attak kwaga mene andi onggo hobuk wogisanogo, iluk yagatikhe.

MATIUS 20:8 ပူးပေါင်းရင်းမြစ်များ

KEJADIAN 15:2

A'nogo yagatikhe meneat he, at Abram en mel yagatikhe: ”Neisena Tuhan Allah Lego Mondok welagarek mene a'nogo nen, an namlogo ekhe wo'neti'lego. Andi nen, an namingmingengge Eliezer aiba Damsyik mene a'nogo eise asiginmo re, haren alomarogo onggo andi nenahalok wo'nesigeluk egen,” iluk yagatikhe.

KEJADIAN 43:19

A'nogo anggasukwasik at Yusuf awi solombonma aremnogo nen he, at Yusuf awiba elonggoma yabu hilingiti lagaikhe mene nen inoe a'nogo yagati logolik,

IMAMAT 19:13

Hiren afuni hinom welagep mene, hinane ninghogo wo'nom, iluk lalinafik, inangge telogo heligik, ugun mondok lego. Ap ekhe nen onggo wo'nesuageluk yabu hilinghinobagagun mene andi, inenggi onggo wogisigi'lek sebelogo fuluk hinenggi hup misigat halok ekhe nogo ugun mondok lego.

MATIUS 20:7

it ap omanogo nen he, ”Yabu ekhe wanuageluk ninayonggo figi'lek andi nen welago o,” iluk yagatukwa. A'nogo yagatukwama re, at ap eabu eisewerek a'nogo nen he, ”Halok he, hit hinomat an neabumo anggur yabumo andoma hilingisi lano o,” iluk inayonggo fesikhe.

MATIUS 20:9

A'nogo yagatikhemo, it hobuk jam 5 oba hilingisi lagaukwa mene omanogo tak wagaukwama re, onggo uang yabu inenggi misigam faget hilingitunem wogisagarek a'nogo mene misiktek wogisasikhe.

MATIUS 25:19

A'nogo kweangma salfesikhesik were'ma nen he, inoe a'nogo welagaikhesigen hobuk wagaikhesik,” Uang wogisigi omanogo, iren hobuk miren mangorata,” iluk, wolisasikhemo wagaukwama re,

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

LUKAS 10:7

It afuni hit wokhinabugun mene were'ma kwegep halok he, andomaat hinom logoino. Logolik, it afuni yabu wokhisugunem inenggi onggo yi mene ti mene wogisagaregaro, iluk, iren yi mene ti mene noageluk wokhisugu halok he, andiat ninggi logoino. O ya kwigik, ta kwigik, nikhi logogubo.

LUKAS 12:42

at ninoe Enupogot Yesus nen he, mel yagatikhe: ”Ap kain mene ekhe againafuri yerinarek logolik inamburu nogoin mene wogisogoin higithogo wogisikhi logouwageluk, at amingmingengge mene ayonggo fugunem endawimo kagalek logolik obabut oe ane igin mene higithogo hilingiterek andi sa hangge anggegen. At andi oe andi nen, menfuluk lagarego.

LUKAS 8:3

nen, ekhe re, he Yohana ap kain Herodes agarek yi mene ti mene enggiba logolik hilingiti lagaikhe mene enu Khuza andi agwe inom, he Susana inom, nen ekhe re, it hemi fena hokhorogoat inom, uang it meneba yi mene ti mene onggo palogo Yesus agoromi inomat leberisilik nikhi lagaukwa.

ULANGAN 24:15

We, hinenggi kamo igi'lek o ebe lombok, it inenggi onggo wogisugunem yi mene ti mene higit wanu were'ma yabu lebethisaga mene andi, o mo ubuk igi'lek werek kwelegat inenggi onggo wogisikhi logoino o. A'nogo meneat he, it inenggi onggo wogisigi'lek halok, hiren it inenggi onggo wogisoagaluk he, iren nineisena Enupogot kino yagatunem, Allah nen, Hit weak hilingitep, iluk wene hinoba fagain o.

TITUS 1:7

Ap Allah againafuri ekhe kwelaginarek logolik he, Allah fagerat hilingiti logogin andi nen he, it ekhe nen wene oba fili'lagwi lek mene halok, menfisogoino. Aren he: ”It ekhe ugunem weak. An igi nek he, fano,” iluk, ikherek lek mene halok, a'mage horok eberi'logo lek mene halok, i anggur amusu ninggerek lek mene halok, obabut lagaksek welagarek lek mene halok, ”Uang yi mene ti mene an enek noba logoilep,” iluk, anggikherek lek mene halok,

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

1 PETRUS 4:10

At Allah obabut fano nen, ninebe lombok ninobabut hunogo tomok wo'nisasikhe higithogoat, hinebe lombogen andi mene fano eise logolik, hit-hit lebet-lebet ikhi logoino o.

RUT 2:6

A'nogo heinok wokhasikhemo, aren he, ”He ari re, aiba Moab mene, o kerat ya he Naomi emberek o Moab en wagaikha mene.