MATIUS 20:30 - Allah Wene Fano Wene Hupla Inane

³⁰ Lagunem he, ap inebe pire ineilenggen mum mene ebekhalem hurek were'ma, afuni nen he, ”Yesus weri'logo,” iluk isukwama inesanggo holhukwasik, inane hokhorogoat he, Yesus mel yagatukwa: ”Daud en tagongge mene Ninoe a! Hendawitninabin o,” iluk yagatukwama re, it afuni hokhorogo omanogo nen he, ”Hinane o,” iluk, wenagisasukwa.

MATIUS 20:30 ပူးပေါင်းရင်းမြစ်များ

MAZMUR 146:8

afuni ineilenggen mum mene ineilenggen yethoageluk fenggen fisigik, afuni pule pugu mene Aren omamerogo menfisigik, afuni higithogo hilingitarek mene Aren endawi hundik hilinginafik, ikherek.

YESAYA 29:18

Andem oba re ap inesanggo tagum mene nen he buku palek mene misik ekhe pilingitunem holhi logogun, nen ap ineil humunogo o mum oba logogun mene omanogo ineil fenggenumo re, ineilenggen hikhi logogun.

YESAYA 42:16

An nagainafuri ineilenggen mum mene andoma re, kwe it inonggot kwe iren lagaikharek lekwe woginarek lagain, O mum mene andi inelokhoma liaratik, kwe sirek harek mene andi enagaisogo higirabetik, igin o. An nen it faget hilingisigin igi mene andi re, eberogo hilingisigilugat igi o,” isikhe.

YESAYA 42:18

Tuhan nen ikhi logolik, ”Yago hit hinesanggo tagum mene andoma re, nane hinesanggo holini o. Nen, hineilenggen mum mene andoma re, hineilenggen yethani o.

YESAYA 59:10

Nit he, ap ineilenggen humunik mene nen hakhogo yafak-tafak hilingitu welago, o lingge tulem hilingik kwelek oba nen he, hup tulem hakhogo niren tung-tungengge hilingiti lago, afuni ineluk mene inanggele'ma nen nit he warek higit welago.

MATIUS 13:4

Wulifikhesik, feik lakfilik lagunem he, enggen ekhe kwe ebekhalem pilik lagaikhe. Pugunem he, sue wagaikhesik felelenghogo mondok nasikhe.

MATIUS 15:22

Lagai wagunem he, he ekhe o Kanaan andoma awiwerek mene Yesus oba wagaikhesik ane hokhorogo mel yagatikhe: ”Daud en tagongge mene noe. An neak helenggerek mene munggwarengge obabut weak mene endawimo kwikhesik weak werek. Halok he, hendawi nean o,” iluk yagatikhe meneat he,

MATIUS 20:31

A'nogo wenagisasukwa meneat he, it a'nogo nen inane hobuk hokhorogoat yagati logolik he, ”Daud en tagongge mene Ninoe a! Hendawitninabin o,” iluk yagatukwa.

MATIUS 21:14

A'nogo yagaisasikhesik he, afuni ineilenggen mum mene inom, ineisok wut warek mene inom, Yesus oba Allah awi wuri'mo andoma wagaukwama re, aren fano higirinafikhe.

MATIUS 21:9

A'nogo fesukwasik laga logolik he, at Yesus ebe tulemet fesukwasik, it ekhe attak agik, it ekhe ombo'ne agik, laga logolik he, inane hokhorogo mel ilik lagaukwa: Daud en tagongge mene, noe wa! noe wa! noe wa!” iluk u hak,” Hosana Nineisena Enupogot Allah nen lakhobagai wagama wagen yi, arenat fanothabuago. Allah Lego mondok welagendek mene neisena wa!” u hak, ”Hosana” iluk a'mit suphogo ilik-ilik, o Yerusalem kwisukwa.

MATIUS 22:42

mel yagaisasikhe: ”Hit hinendawimo nen he, Kristus Allah nen ayonggo fesikhesik lakfei wesigin isikhe a'nogo, ebe sa anggikhi lagep. Nen, omba sa nen tagongge mene anggikhi lagep,” iluk yagaisasikhemo, iren he, ”At andi Daud en tagongge mene o,” iluk yagatukwa.

MARKUS 10:46

At Yesus ebe inom, agoromi ane wanhi lagaukwa mene omanogo inom, wene a'nogo ilik pisukwa-pisukwa re, o Yeriko sili lekwe nen enda'ma wulifunem he afuni fena inebe hokhorogoat inombo'ne wulifukwa. Wulifunem, ap Timeus amlogo enu Bartimeus eilenggen mum mene yi mene ti mene ambe kino weak ikhi lagaikhe mene andi ebekhalem hurek were'ma wulifukwa.

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

LUKAS 7:21

A'nogo yagasi wagaukwasik werek kwelek andem sambul he, at Yesus nen he, afuni ou weak mene inom, heinet hokhorogo wati lagaukwa mene inom, fano higirinafik, munggwarengge obabut weak mene inendawimo kwisikhesik were'ma henegeisogo wulakfisigik, ineilenggen mum mene fano asuageluk fenggenogo hilinginafik, ikhi lagaikhesik,

KISAH PARA RASUL 2:30

At Daud ebe Allah ane yagaisikhi lagaikhe mene andi nen he, Allah nen hombuk palogo wene mel iluk waretikhe mene eluat welagaikhe: Hat kain welagendek andi hak logouwageluk, ap haren tagongge mene ekhe hobali'mo menfagain o, iluk wene waretikhe.