MATIUS 20:26 - Allah Wene Fano Wene Hupla Inane

^26-28 Mene re, hiren it hilingitarek andi hak, a'nogo hilingiti logogun mondok lego. An abat ta'lasi wagagi a'nogo re, hit afuni nen lebe'niikhi logobagaigeluk wagagi lego. Athe, an nen hit lebethisikhi logolik, hit hinebe hele homago hak welagep mene andi, hinebe hokhorogoat fikhalhinabigeluk, anat noasuageluk wagagi andi. Andi hak he, hit ekhe sa nen, ”An inoe kain asigin,” anggikhe halok he, hinagorat asuak. Nen, hit ekhe sa nen, ”An he, nenu werek asigin,” iluk, anggikhe halok he, hinamingmingenggeat asuago, iluk yagaisasikhe.

MATIUS 20:26 ပူးပေါင်းရင်းမြစ်များ

YEHEZKIEL 24:13

Yerusalem yei, haren mun weak ina'meilo mene hilingiti lagagin mene andomaba hat hebe emetfakhasigin o. Ma re An nen horogo hobagagin iluk walhikhi lagiba nen, hat mondogat emetlagaginmo a'luk he hilingisu re elo'lek aple ari'logo. Hat hebe oan horogo hilingfakhigi'lek werek kwelek enek he An nanini a'nogo hat hoba fagain huli asigin.

MATIUS 25:44

A'nogo yagaisugunem, iren he, ”Eige! Noe! Hat sumburu nele were'ma, i nele were'ma, ap pogat were'ma, hasu laberek lek were'ma, ou warek were'ma, henggi hele warek were'ma, o mera nen lebethiigi'lek kamo ikhi lagagu nogo,” iluk, yaganetunem,

MATIUS 27:55

A'nogo hilingitu kwelek, it hemi Yesus lebethikhi lagaukwa mene o Galilea nen pisukwasik Yesus ebe eba menfesukwama ineilenggen yatma nen yerogo welagaukwa.

MARKUS 10:43

Mene re, hiren it hilingitarek andi hak a'nogo hilingiti logogun mondok lego. An abat ta'lasi wagagi a'nogo re, hit afuni nen lebe'niikhi logobagaigeluk wagagi lego. Athe, an hit lebethisikhi logolik, hinebe hele homago hak welagep mene andi hinebe hokhorogoat hele fikhalhinabigeluk anat noasuageluk wagagi andi. Andi nen he, hit ekhe sa nen, ”An inoe kain asigin,” iluk anggugu halok he, hinagorat asuak. Nen, hit ekhe sa nen, ”An nenuwerek asigin,” iluk anggugu halok he, at ebe hit mondogat hinamingmingengge asuago,” iluk yagaisasikhe.

MARKUS 9:35

Kamo isukwama re, at hu'lagaikhesik, agoromi inebe 12 nen omanogo, ”Horokhogo ya we'ni o,” iluk yagaisasikhemo wagaukwama re, mel yagaisasikhe: ”Hat ekhe it ap yoma inoe henupogot asigin hamolo halok he, inebe mondogat inagot asimbik inamingmingengge asigin o,” iluk yagaisasikhe.

LUKAS 18:14

It samban a'nogo isukwa andi faget, an wene ekhe yagahisak. Ap sa nen endawinggen legeisogo fakhaluk fogerakhugu halok he, Allah nen sebelfisikherego. Nen, ap sa nen endawinggen sebelfakhaluk, an elo'lek, anggikhe halok he, Allah nen legeisogo fisikherek andi nen he, at ap samban attak ikhe mene andi, Allah nen wene oba mene sebelogo legetfisigi'lek kamo isikhe. Meneat he, at ap samban hobuk isikhe mene andi nek he, Allah nen wene oba mene sebelogo legetfisasikhemo aiba lagaikhe, iluk yagahisigi,” iluk yagaisasikhe.

LUKAS 22:26

hiren, a'nogo hilingisugun mondok lego. Halok he, hit mene ekhe nen he, an nenu werek logoile, anggugu halok, hinagorat asuago. Nen, an nen ferinarek logoile, iluk anggugu halok he, hinamingmingenggeat asuago.

YOHANES 18:36

at Yesus nen he, mel yagatikhe: ”An nen afuni nawe a'ma fisigirek andi re, afuni kweangma mene nen inawe a'ma fisagarek andi hak fuk. Lego. We, an nawe a'ma fisigirek andi re, kweangma mene logoilepma re, nagoromi nen an nebe it ap Yahudi mene wogisogoin lek iluk, nebe elele wo'nabuogeluk inom ilep meneat he, an nawe a'ma fisigirek andi kweangma mene lek andi nen he, elele wo'nabugun lego,” iluk yagatikhemo,

KISAH PARA RASUL 13:5

Wagaukwasik, o Salamis wagaukwasik he, afuni Yahudi mene o samban ikhi lagaukwa kwe kwisukwasik he Allah ane yagaisilik nikhi lagaukwa. Yagaisilik nugu kwelek, at enu Yohanes igik, Markus igik ikhi lagaukwa mene a'nogo nen leberisikhi lagaikhe.

2 KORINTUS 1:24

Hit hinendawinggen Allah oba himbiret fesigip mene andi, eberogoat iluk hinendawinggen hambukhogo welagep andi nen he, niren, ”Hinendawinggen yi meneba himbiret fouwak,” iluk ninane ninghogo yagahisogoin lego. We, hit hinendawimo agaiyek anggobagaigen iluk lebethisikhi lago andi.

2 TIMOTIUS 1:18

Ninoe Enupogot obabut fano nen higithogo hilingisigin andi sambul, at Onesiforus andi ebe endawi asuago. At fageat he, o Efesus logolik, an hokhorogo lebetniikhi lagaikhe a'nogo, hat furogo helu aro.

FILEMON 1:13

An fano wene yagaisilik nigirek andi faget nenggi hele warogo nobagagama werek kwelek, haren lebe'niikhi logou hak, hobali'mo aren lebe'niikhi logouwageluk ebe fakfagain meneat he,

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

1 PETRUS 4:11

A'nogo ikhi logolik, Yesus Kristus hinom hundik logolik hilingitunem, it afuni ekhe nen Allah fogerati logouwageluk, hit ekhe nen wene yagaisikhi logolik, Allah aneat yagaisigik, hit ekhe nen it ekhe leberisikhi logolik, Allah omame wo'nisikherek andibaat leberisigik, ikhi logoino. A'nogo hilingiti logolik, Yesus omame hokho etok mondok welagarek mene a'nogo fogeratu logouwogeluk, ”Amin,” igi andi.

1 PETRUS 5:3

Allah againafuri kwelaginarek logouwageluk sumburogo wokhisasikhe andi kwelaginarek logolik, hinebe kain hak logolik, set kwil-kwalhogo hilinginafi logogup. We, hit fano hilingitunem ineilenggen hisaluk hinobabut waganogo hilingiti logouwageluk, fano hilingiti logoino.

WAHYU 17:6

Nen, he andi nen, Allah againafuri mene inom, Yesus ane yagaisilik nikharek mene inom, inoatikhe mene inamep ninggesik, afuni nen anggur enggen amusu naluk lugulugwi palik agaikharek andi hak, lugulugwi palik agasik were'ma yethigi. A'nogo yethigirik hokhorogo fogerati.