MATIUS 20:22 - Allah Wene Fano Wene Hupla Inane

²² A'nogo yagatikhemo, at Yesus nen he, ”Hat kino yaganeten andi re, wene ebe honggorat logolik yaganeten o. An yi enggin ti enggin hilingnabugun andi re, hat a'nogo hilinghinabugun elok anggegen?” iluk u hak he: An nagai hinago nagain andi re, hit elok nogoin anggegep? iluk yagaisasikhemo, iren he, ”Elok nogoin aro,” iluk yagatukwa.

MATIUS 20:22 ပူးပေါင်းရင်းမြစ်များ

MAZMUR 75:3

At Allah nen ikhi logolik he, ”An nen nenggi wenagaisogo fagain oba higit asi wesigin oba re, An nen inawene fanorogo pilingisogo nen katokhogo ayo paligin.

AMSAL 16:18

Wonoget fakhagarek oba re ambisangma al perelinaferek, nen foget fakhagarek oba re ambisangma re talorogo pagarek.

YESAYA 51:17

Yerusalem yei, helugame o! Helugame o! Tuhan anini nen unggum hokho mene hoba pelabi wagama hikhi logolik welagen mene a'nogo mondogat lek aga o.

YESAYA 51:22

Hineisena Tuhan nen he yi'nogo ili'logo. Hit hineisena Tuhan Allah hit hinili wokhinaferek mene a'nogo nen he mel ikhe, ”An na'mage nen enggin-fenggin hinoba fikhi lagi mene andi re hobuk hit hinoba nen An nen lisogo wanigin o. Nen An nanini hinoba fikhi logogin mene a'nogo legarik lagunem he hit hinoba enggin-fenggin ekhe hogoin mondok lego.

YEREMIA 49:12

Ap unggum inoba asu lek hak mene ogore unggum helagarek enego, hit he helogoin lek iluga? Eberogo nenat hit he unggum helogoin o!

MATIUS 26:35

at Petrus nen he, ”Lego. An nemberegat ninoasumo re, fano aro. An nen, Hat nonggoro, iluk, labeligin lego,” iluk ugunem he, it Yesus agoromi ane wanhi lagaukwa mene omanogo inebe mondogaren he, a'nogoat ilik lagaukwa.

MATIUS 26:39

at ale'ma horogat lagaikhesik elokhe sagaum weing lagaikhesik he, Allah ayonggo fikhi logolik, mel yagatikhe: ”Neisena! An weagetnabugun andi telnabigin halok he, telnabino,” iluk u hak, ”Amusu hinago noageluk wo'nesugun andi, wokhagain halok he, wokhano. Nen, lek halok he, an nendawimo anggigi mene andi lego. We, hat hendawimo anggegen mene andiat hilingnabino o,” iluk samban isikhe.

MATIUS 26:42

samban attak isikhe hagat, hobuk ambotkwe lagaikhesik he, mel isikhe: ”Neisena a! An weaget nabugun yi re, telnabigin elo'lek halok he, hat hendawimo anggegen andi higithogoat hilinglasuago,” iluk, samban isikhe.

MATIUS 26:56

it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

MARKUS 14:36

hobuk mel isikhe: ”Neisena. Neisena halaboge! Hat he, yi mene ti mene hilingisumo, hilingisu hagenek andi nen, an weaget nabugun andi, haren telnabin o, iluk u hak he, enggen amusu hinago noageluk wo'nesugun andi haren wokhano igi. Mene re, an nendawimo anggigi andi re lego. We, hat hendawimo anggegen mene andiat higirasuago o,” iluk samban isikhe.

LUKAS 12:50

Afuni yoma ima pelaginafarek andi hangge, an yi enggin ti enggin hilingnabugun mene re, oan werek kwelek, nendawinggen mondok heiselnafunem welagi.

LUKAS 22:42

mel isikhe: ”Neisena e! Haren fano anggegen halok he, an weaget nabugun mene andi telnabino,” iluk u hak, ”Enggen amusu hinago noageluk wo'nesugun andi, haren an noba nen wokhano. Mene re, an nendawimo anggikhi lagi mene andi lego. We, hat hendawimo anggegen mene andiat hilingnabino o,” iluk yagatikhemo,

YOHANES 18:11

A'nogo lakfesikhemo, at Yesus nen he, mel yagatikhe: ”Petrus. Henggarok obali'mo hou a'ma kwelakfakhan o. Afuni nen i hinago wogisugunem nenggarek andi hak, an neisena nen, hat yi enggin ti enggin hilinghabugun o, iluk yaganetikhe mene andi higithogo, an hilingnafunem elo'lek anggegen a? Lego. Hilingnabugunaro,” iluk yagatikhe.

ROMA 8:26

A'nogo nenangorogo logolik he, nit ninebe lebelek were'ma re, Allah Areagun en lebetnisili'logo. Nit samban oba Allah yagasuogeluk ninane ninggi'nogo u heat ninonggorat were'ma, Allah Areagun en afuni inaneba u elo'lek meneat he endawi aneba Allah yagari'logo.

YAKOBUS 4:3

Nen, ekhe Allah kino yagati lagep meneat he, hinonggwarek faget enek hinendawimo nen nunggunem helouwogeluk kino u lek mene yagati lagep andi nen, wokhisili'logo lego.