MATIUS 20:21 - Allah Wene Fano Wene Hupla Inane

²¹ aren he, ”Hat hendawimo ninggi'nogo anggegendigen egen,” iluk yagatikhemo, he a'nogo nen he, ”An neagwi pire ya re, afuni mondogat hat hawe a'ma inobagagin oba andoma hera'lu, at ekhe henggi ebekwe, nen ekhe henggi harekwe, kain logouwageluk he, menfisanogeluk yagaheti o,” iluk yagatikhe.

MATIUS 20:21 ပူးပေါင်းရင်းမြစ်များ

1RAJA-RAJA 2:19

Andi isikhesik at Batsyeba a'nogo re Adonia awene a'nogo faget yagasiogen iluk lagaikhe. Lagaikhemo re, at raja a'nogo agaisa hai warogo iluk menlagaikhesik he eindep awi yagaisogo hai watikhesik nekhengge at hurek oba takhta a'nogoba hu'lagaikhe. Andi nen aren agaisa hu'lasigin oba faget at ebe werek oba nen enggi pikhit fikhit a'nogo hu'lasuageluk obalik fougerasuageluk yagaisasikhe.

1RAJA-RAJA 3:5

Andi sambul arat noletikhesik he, o hubanggo nogo ugunem, Tuhan nen at elokhoma menlagaikhesik, abiba mel yagatikhe: ”Salomo. Hat hamolo mene An nen wokhesigin enggere, kino yaganom o,” iluk yagatikhe.

ESTER 5:3

A'nogo sen ha wagaikhemo re at raja nen heinok wokhikhi logolik he, ”Nagwe hat he wene ninggi'nogo mene ekhe weregen wagen? Nen nena mene ekhe hamolo anggegen? Yaganom o! Haren an nawi kerajaan melalinafi lagi mene yi faget heirogo minggirogo an wo'nom iluk yaganesigin halok mene ogore an nen wokhesigin enego,” iluk yagatikhe.

MAZMUR 110:1

Neisena Tuhan nen he an noe Enupogot yagati logolik, ”Afuni hat haselei mene heisogen alperelogo fisanogen he, An nen oan hawe a'ma fisa wagi'lek werek kwelek, An nera'lu nenggi ebekwe ya hurek logoino,” iluk yagatikhe.

MAZMUR 45:9

Hat hasu ugu mene re amusu mur inom, gaharu inom, cendana inom, amben mondok fano mene sangeri'lago. Nen hat hawi istana gading andimuk oba nek wuri'mo, hat hebere it pinggong watu inaben watunem hagaiyegeti lagen.

YEREMIA 45:5

Nenahalok halok hat honggwaregen wene engginhogo hoba asu hak mene herarik laga lagen nogo? A'nogo hilingitu lego, Barukh nagailak! Afuni mondogat he An nen enggin mene inoba fagain, oba nen he hat enek he hagap telogo hobagaumo hebe heluk logogin o. Hat hebe yikwe tikwe lagunem he, An nen fetharek mondok logogin. Iluk An Tuhan nen nane mondogat igi o,” iluk ikhe yagati.

MATIUS 18:1

Andi sambul he, at Yesus agoromi ane wanhi lagaukwa mene omanogo oba wagaukwasik he, mel yagatukwa: ”Allah awe a'ma fisikhere'ma andoma, kain enu werek he, sa logogin,” iluk yagatukwa.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MATIUS 20:22

A'nogo yagatikhemo, at Yesus nen he, ”Hat kino yaganeten andi re, wene ebe honggorat logolik yaganeten o. An yi enggin ti enggin hilingnabugun andi re, hat a'nogo hilinghinabugun elok anggegen?” iluk u hak he: An nagai hinago nagain andi re, hit elok nogoin anggegep? iluk yagaisasikhemo, iren he, ”Elok nogoin aro,” iluk yagatukwa.

MATIUS 20:32

Yagatukwama re, at Yesus ebe menlagaikhesik wolisasikhemo, wagaukwama re, mel yagaisasikhe: ”An nen ninggi'nogo hilinghinabuageluk yaganetep,” iluk heinok wogisasikhemo,

MARKUS 10:51

Wagaikhemo, aren yagati logolik: ”An nen ninggi'nogo hilinghabuageluk yaganeten,” iluk heinok wokhasikhemo re, ap eilenggen mum mene a'nogo nen he, mel yagatikhe: ”Noe. Neilenggen fano hilingnabinogeluk yagaheti o,” iluk yagatikhemo,

MARKUS 16:19

Wene a'nogo arat yagaisasikhemo re, at Allah nen Yesus ebe pogoroba waluk lagasikhe. A'nogo waluk lagasikhemo era'lu enggi ebekwe hutfesikhemo kainat welagarek.

MARKUS 6:22

A'nogo anggasikhesik, pesta hilingiti logolik seni isago nunggunem, at eak silerik mene kwelakfesikhemo kwisikhesik endawi ouwak foinak lenggakhogo lagagik, pigik, fano mondok watikhemo, at Herodes ebe inom, ap kwisukwa mene omanogo inom, inendawimo inagaiyek agaukwa. Inendawimo inagaiyek agaukwasik at kain enupogot Herodes andi nen he, mel yagatikhe: ”Haren nena mene kino yaganeten halok wokhesigin aro.

LUKAS 18:41

”An nen ninggi'nogo hilinghabuageluk yaganeten,” iluk yagatikhemo, at ap a'nogo nen he, mel yagatikhe: ”Noe e. Neilenggen fano higitnabinogeluk yagaheti o,” iluk yagatikhemo,

LUKAS 19:11

At Yesus nen a'nogo yagaisasikhesik, inesanggo holek werek kwelegat, o Yerusalem arat horokhogo asi lagaukwasigen he, it afuni omanogo inendawimo nen mel anggasukwa: ”Allah nen awe a'ma inobagagin andi yogondak yaat ninobagagunem nineilenggen hogoin o,” iluk inendawimo anggasukwa andi nen he, at Yesus nen wene ekhe oba lirogo mel yagaisasikhe:

LUKAS 22:24

A'nogo ilik lagaukwasik he, kain sa, iluk inane sagalhi logolik, mel isukwa: ”Henu werek he hat nogo? An anggigi,” iluk, at ekhe nen ekhe yagatik, ekhe nen ekhe yagatik, inane sagalhukwa.

YOHANES 15:7

Hit an ninom hundik logolik nane hinendawimo werek halok, we, nena mene hit hinamolo mene an kino yaganesumo wokhisamo helogoin aro.

KISAH PARA RASUL 1:6

At Yesus nen wene a'nogo yagaisasikhesik, at agoromi inom andogorek logolik he, agoromi nen at oba heinok mel iluk wanhukwa: ”Noe. Attagat yi afuni ti afuni nit Yahudi mene ninoe kain awe a'ma welagaukwa andi hak, hobuk a'nogo logogun mene, yogondak yabaat fisagain a? Oan a,” iluk yagatukwa.

ROMA 12:10

Hinerugwi hinagaila'lak Allah againafuri mene andi hinebe ap misigaren tago mene hak, hinendawinggen tulem hinendawirogo logolik he, hit-hit hinerugwi hinagaila'lak hinane agaukhogo yagaisikhi logoino.

ROMA 8:34

Nen, wene ninoba fembik he, sa nen weagetninabigin nogo. At Kristus Yesus wa'lagaikhemo Allah nen eluget fesikhemo re, pogoroba lagasikhesik, at era'lu enggi ebekwe kain logolik he, nit faget Allah ayonggo fugu werek.

KOLOSE 3:1

At Allah nen he, Kristus eluget fikhi logolik, hit hinomat hineluget hinafikhemo welagep andi nen, yi mene ti mene Kristus ebe pogoroba Allah era'lu enggi ebekwe kainat welagarek oba andoma mene hela louwogeluk, hinomamerogo hilingiti logoino o.