MATIUS 2:22 - Allah Wene Fano Wene Hupla Inane

²² Wagaukwama re, it afuni nen he, ”O Propinsi Yudea tonggwe omanogo hobuk ap kain he, enu Arkelaus, andi eisena Herodes obali'mo menfagama werego,” iluk isukwama, Yusuf esanggo holhikhesik he, o andoma lagain ailo agaikhesik were'ma, at Allah nen, ”O Yudea andoma lagun o,” iluk, abiba husumbi yagatikhemo, o Galilea andomaat wagaukwa.

MATIUS 2:22 ပူးပေါင်းရင်းမြစ်များ

MAZMUR 121:8

Hat wesigiluk wagunem inom lageluk lagunem inom Aren kagalharek logolik yogondak inom hobuk inom, setharek mondok logogin o,” iluk wuni watukwa.

MAZMUR 48:14

Hiren tagomangge mene inoba tindelogo yagaisikhi logobagaigen he, leget pa'leget ebe waganek mene fanorogo futfigik, himbirengge hineilenggen fanorogo kogolhik, ino. Andi nen hiren yi'nogo ikhi logoino:

MAZMUR 73:24

An neluk fanorogo logogin mene faget Haren komotnafi lagen, Nen Harenat hobuk an nebe agaukhogo wo'nabiginat.

YESAYA 30:21

Hiren ebekwe herak fisaluk taganhogo wulibi logoin oba nen, hinambotkwe nen yagahisikhi logolik, ”Ebekwe re yi o, yiba lani,” iluk yagahisikhi logogin.

MATIUS 1:20

A'nogo anggikhi logolik, hubanggo nogo ugunem he, at malaikat Allah pogoroba nen yonggo pelakfisa wagarek mene ekhe oba wagaikhesik he, mel yagatikhe: ”Yusuf Daud omba yi. Hat he, hele Maria andi wanigin nabit, iluk hendawimo anggagun o. Omalik andi Allah Areagun en at a'mat fikhemo. Halok he, wanin o.

MATIUS 2:1

At Yesus a'nogo, o Propinsi Yudea o Betlehem ta'lagaikhe. Ta'lagaikhe andem sambul he, o andoma kain enupogot he, ap enu Herodes andi welagaikhe. Were'ma re, it ap inendawimo kagalek mene hesagal futfikhi lagaukwa mene ekhe o mo eroma nen yegelogo lagai wagarek andoma higiren o Yerusalem wagaukwa.

MATIUS 2:19

At kain Herodes a'nogo arat wa'lagaikhemo re, malaikat Allah nen lakfei wagaikhemo wagaikhesik he, Yusuf o Mesir andoma logolik nogo ugunem hubanggo abiba re, mel yagatikhe:

MATIUS 2:21

Yagatikhemo re, Yusuf en omalik tago a'nogo agaisa emberek woginarek he, ap Israel mene were'ma wagaukwa.

MATIUS 3:13

Yohanes nen wene a'nogo yagaisugu were'ma, at Yesus ima pelaknabuageluk o Galilea nen i Yordan esanggoma were'ma oba lagaikhemo re,

LUKAS 2:39

Nineisena Tuhan Allah nen komotninafikhe mene lisu palhukwa a'nogo higithogo a'nogo arat hilingitukwasik he, at Yesus agaisa eisena inaiba i Galilea ima o sili enu Nazaret a'nogo lagai wagaukwa.

YOHANES 7:52

iren at mel yagatukwa: ”Hat ogo re, hawiba o Galilea mene nogo? Ap Allah ane yagaisagarek mene ekhe o Galilea nen wesigin iluk Allah aneba lisu palek were'ma heilenggen hagain mondok lek a'naga re, heilenggen fanorogo hikhi logoino o,”

1 SAMUEL 16:2

A'nogo yagatikhemo, at Samuel en he, ”An lambik ninggi'nogo hilingisigin? An nen a'nogo hilingitunem, at Saul esanggo holimbik he, nebe noasigin a?” iluk heinok wokhasikhemo, Tuhan nen he mel isikhe, ”Haren wam sapi eak oan mene waluk lambik he, afuni yi'nogo yagaisano: an wam nineisena Tuhan faget warogo nolesigiluk wagi o, iluk yagaisano.