MATIUS 2:18 - Allah Wene Fano Wene Hupla Inane

¹⁸ ”O Rama nen le hokhorogo agunem ninesanggo holhik, inane ngai wai hokhorogo ugunem ninesanggo holhik, ogo. At he Rahel eagwi inebe legen inobaget le hokhorogo aga logolik, Nendawinggen sebelu lek hak. Nabire. Le agu mondok logogin o,” iluk isikhemo lisu palogo fesikhe mene andi higithogoat hilinglasuageluk hilingitukwa andi.

MATIUS 2:18 ပူးပေါင်းရင်းမြစ်များ

KEJADIAN 37:30

Lakfisaluk, agaila'lak inoba wagaikhesik he, mel yagaisasikhe: ”Yenggerek a'nogo andoma ebe lego, halok an yogondak ninggi'nogo hilingisigin he,” iluk yagaisasikhe.

KEJADIAN 42:36

Inailo nek agaukwasik ineisena nen it yagaisikhi logolik, ”Namlogo Yusuf ogo legat, Simeon ogo legat, nen yogondak at Benyamin ogore wanuogeluk ikhi lagepma, namlogomi hiren hilingiti lagep oba an nagainafuri omanogo longgo nek ugunem an hineisena anggolo hurane hikhi lagi yi re, ninggi'nogo nen agi,” iluk isikhe.

AYUB 14:10

A'nogo meneat he, afuni inebe wa'lagunem he, mondok-mondok lek agaikharesik he, koma lagaikha heat longgogarek andi.

YEREMIA 31:15

Tuhan nen ikhi logolik, ”O Rama nen lenggu lengga ugunem inesanggo holhik, inendawinggen heiselhi logolik ngai wai liafunem holhik, ili'lagwi. He Rahel eagwi inebe mondogat longgogama re, konu re elo'lek logolik li le agu mondok werek.

YEREMIA 4:31

An nesanggo holhugunemen he, he mene eak takhageluk heinet watunem hilingiterek hak hilingitunem holhi, he tugum mene nen omalik manggusa malik tasigiluk hilingiterek hak, Yerusalem he set hoporogo le ari'logo. Enggi langhogo heinet wati logolik, ”Eige, an mondogat alomat lasigiluk welagi o, an naselei mene nen noasuogeluk hilingiri'lagwi!” ili'logo.

YEHEZKIEL 2:10

Noba pisarogo lakfei wagasik, funggulhunem kwelakhigi re, abel fena-fena wene ebe re, le asugun mene inom, Eige, nabire, iluk ikhi logogun mene inom, heinet wati logolik inane kweti logogun mene inom, palek were'ma higi.

MATIUS 2:17

A'nogo hilinglagaikhe andi re, at Yeremia Allah ane yagaisikhi lagaikhe mene nen ikhi logolik he:

LUKAS 8:52

Kwisukwa hak he, afuni mondok hokhorogo helenggerek a'nogo ware'ma logolik he, obaget le agik, inendawinggen warigik, ugunem kwisukwasik at Yesus nen he, mel yagaisasikhe: ”Le agubo. Helenggerek ari ebe wa'lagi'lek. We, nogo ili'logo,” iluk yagaisasikhemo,

WAHYU 8:13

A'nogo ikhesi'mo nen, hobuk yethigi hak he, sue pim hangge mene pogot halianggen oba ogolabi langhogo tarogo nikhi logolik, ane hokhorogo mel ikhi laga: ”Malaikat inebe enggaminogo inambinggong anet hagasi'mo nen, hobuk malaikat inebe henagan mene nen inambinggong anet hugunem, afuni mondogat kweangma welagaikharek mene, mondok weagerinabigin andi re, Eige! Nailo e! Nendawilage!” iluk ilik nugunem nesanggo holhi o.