MATIUS 2:16 - Allah Wene Fano Wene Hupla Inane

¹⁶ At kain Herodes a'nogo nen it ap wene warisasikhe mene a'nogo,” Wesugun a? Lega,” iluk, yerinarek welagaikhe-welagaikhe re, inebe legaren he, ”Lalnafama higi,” iluk a'mage hokhorogo lagasikhe. A'mage hokhorogo lagasikhesik he, omalik ket tago mene o Betlehem andoma mene inom, o era'lukwe andoma mene inom, huli ap hesagal ineilenggen nen waluk wagaikhasik, yi huliba nen hogo, iluk senggerogo yaganeta huli nen, umur 2 tahun mene inom, hobuk ta'larik wagaikha mene inom, ap halok mondogat inoa'no,” iluk, agoromi lakfisasikhe.

MATIUS 2:16 ပူးပေါင်းရင်းမြစ်များ

KEJADIAN 39:14

A'nogo hasikhesik, amingmingengge mene wolisasikhemo wagaukwama re, mel yagaisasikhe: ”Kwelakhani, an nagun nen ap Ibrani mene oloba yoma kwelakfei waga a'nogo nen nit yoma weagetninabigiluk hilingitemo o. At o hulu an nogo ikhi lagiba kwikhesik, faknobagaigiluk ikhi lagama an nane hokhorogo mondok kwe igi o.

KEJADIAN 39:17

Fesikhesik were'ma, agun Potifar a'nogo ambotkwe wagaikhemo re, wene it yagaisasikhe hagat weak-weagat mel yagatikhe: ”Ap Ibrani mene oloba yoma kwelakfakha wagen a'nogo nen o hulu an nogo ikhi lagiba noba kwikhesik he, weagetnabigiluk ikhe o.

KEJADIAN 49:7

Hina'mage lagaluk inailo asu mene hilingiti lagep andi nen Allah nen homan hinobagauwago. Hina'makwe het-periluk afuni ekhe hinendawirinafi'lek inoati lagep andi nen, Allah nen homan hinobagauwak. An nen hit o afuni Israel mene ekhe inailokwe pugulogo lakhinobagagik, O yi awi ti awi afuni inunggulenu lombok inoba pugulogo lakhinobagagik, igin o.

2 RAJA-RAJA 8:12

A'nogo le agaikhemo re, at Hazael en heinok woghikhi logolik, ”Noe nenahalok le aga lagen?” isikhe. A'nogo isikhemo at Elisa nen he, ”Haren afuni Israel mene inoba mondok weak mene hilingfisagain mene andi an nelu logolik le aga lagi o. Haren he it inawi kota leget omamerogo waganek mene omanogo endu nolhik, ap souge ebendek mene mondogat inoatik, omalik fou mene inunggul kweangma al perelogo fisigik, hemi inomalik ina'marek mene inalabut kwe pelanginafik, hilingisigin mene andi faget le aga lagi o,” iluk yagatikhe.

AYUB 12:4

Attak he Allah nen lebetnabuageluk an nen kino yagatunem, At Allah nen nane esanggo holhi lagaikhe. Nen an he, ap eberogo nek hilingiti logolik, kwanirek mene ekhe hilingiti lagi lek, oba nen he, yogondak it nagaila'lagen inom nen ninom enggawe fano mene nen inom endo ya'nabi'lagwi andi.

AMSAL 28:15

Mene singa nen ane kouwarik lagarek hak, athe no beruang en muginarek lagarek hak, ap weak mene nen ferinarek logolik he afuni inenggi lek inelagaikhogo welagaikharek mene omanogo inoba lalfalhogo hilinginafu welagaikharek andi.

AMSAL 28:17

Ap ekhe ap ware mene nen he an hundik mu'narek nikho hea, iluk ebet-ebet nikhi la'luk arat eil oak lek agarek, nen ap misigen iluk ogo ekhe fakfou re mondok elo'lek.

YESAYA 26:21

Afuni kweangma mondogat weak hilingitu werek andiba Tuhan ebe pogoroba nen pi wesimbik unggum wogisagain o. Ap hinagaisogo inoari'lagwi mene andoma re mondogat weinam asigin. Ap warogo hinakfisagarek mene andoma re kweang en hinakfisagain mene ekhe werek mondok lego.

YESAYA 59:7

Hiren hundik-hundik kwanirogo hilingitarek mene nek wenggelhi logolik he hilingisugun iluk weak-weak hilingiti lagep. Hinendawinggen misik a'luk hiren ap weak hilingitu lek mene inoati lagep. Hiren laga lagep kwe omanogo re weaget figik, meisalogo figik, hilingisugun mene a'nogo nek eilem-eilem hilingiti lagep.

DANIEL 3:13

A'nogo yagatukwama at raja esanggo holhikhesik a'mage het-pet isikhesik he, ”Ap inebe henagan Sadrakh inom, Mesakh inom, Abednego inom, andem weak-weak an noba woginarek wesuago,” iluk yagaisasikhemo, woginarek wagaukwa.

HOSEA 10:14

ma re afuni holhu mene yoma re weim hinoba asi wesigin o, nen hit hinoba himbirengge helep huguloak wurik mene andoma mondok wolelenggen isogoin. A'nogo hilingfoumo o andoma re raja Salma nen kota Bet-Arbel weim oba wolelenggenhogo fikhi logolik hemi ineagwi inom alperelogo fisasikhemo hilingik welagaikhe aremnogo hakhogo hilingik logogin.

BILANGAN 22:29

A'nogo yagatikhemo, at Bileam en he, ”An mondok lalnafi lagen andi nen hoati lagi o. An karok waluk we'le'ma nen he hat hebe pinggi hoa'le o,” iluk yagatikhe.

BILANGAN 24:10

A'nogo yagatikhemo, at Balak a'makwe het-pet isikhesik he, enggi yinggilogo senggan palpal hilingiti logolik, Bileam mel yagatikhe: ”Haren it homan fisanogen iluk wolhafimo wagen a'nogo meneat he, henggi henagan oba Allah nen fanorinabuageluk yagaten andi ri!

MATIUS 2:1

At Yesus a'nogo, o Propinsi Yudea o Betlehem ta'lagaikhe. Ta'lagaikhe andem sambul he, o andoma kain enupogot he, ap enu Herodes andi welagaikhe. Were'ma re, it ap inendawimo kagalek mene hesagal futfikhi lagaukwa mene ekhe o mo eroma nen yegelogo lagai wagarek andoma higiren o Yerusalem wagaukwa.

MATIUS 2:17

A'nogo hilinglagaikhe andi re, at Yeremia Allah ane yagaisikhi lagaikhe mene nen ikhi logolik he:

MATIUS 2:7

Isukwama re, at Herodes a'nogo nen he, it ap hesagal futfikhi lagaukwa mene ineilenggen nen waluk wagaukwa mene omanogo hinagaisogo woginarek lagaikhesik, mel yagaisasikhe: ”Hesagal andi mera nen weinam aga? Furogo yagane'ni,” iluk heinok inoba hobuk wanhikhe.

WAHYU 12:4

A'nogo logolik, agenggum oba hesagal pogoroba mene henagan minggilogo fisikhesik, pire herakfisaluk, ekhe lisogo kweangma pelakfisa wagasik, he a'nogo eak takhugunem haumhogo nageluk elokhoma kagalek welaga.

WAHYU 17:6

Nen, he andi nen, Allah againafuri mene inom, Yesus ane yagaisilik nikharek mene inom, inoatikhe mene inamep ninggesik, afuni nen anggur enggen amusu naluk lugulugwi palik agaikharek andi hak, lugulugwi palik agasik were'ma yethigi. A'nogo yethigirik hokhorogo fogerati.

HAKIM–HAKIM 16:10

A'nogo hilinglagaikhe le'ma re, at Delila nen Simson yagati logolik he, ”Hat mondok heranen an lalnafen. Ma re, yogondak haren eberogo mene fakhogoat yaganom, ninggi'nogo henggi higithogo hele homak hobagau hak?” iluk yagatikhe.