MATIUS 2:15 - Allah Wene Fano Wene Hupla Inane

¹⁵ Lagaukwasik, o andoma mondok welagaukwa. Were'ma, at kain Herodes a'nogo ebe wa'lagaikhemo nen wagaukwa. Andi hilingitikhe andi re, it ap Allah ane yagaisikhi lagaukwa mene ekhe nen he, ’An namlogo o Mesir andoma nen wesuageluk wolhagain o,’ iluk Allah nen isikhemo lisu palogo fesikhe andi higithogoat hilinglasuageluk hilingitikhe andi.

MATIUS 2:15 ပူးပေါင်းရင်းမြစ်များ

KELUARAN 4:22

Andi nen he, haren at raja andi yi'nogo yaga'no: Tuhan nen he, mel ikhe: Afuni Israel mene andi An nagainafuri manggusa tago mene o.

HOSEA 11:1

Tuhan nen ikhi logolik mel ikhe, ”An nen at Israel ebe oan obaat ayonggo fesigisik nendawiratigi. nen ebe oan obaat ayonggo fesigisik, o Mesir en wulibi wesuageluk yagatigi andi.

BILANGAN 24:8

Allah nen it o Mesir en woginarek wulibi wagasik, At obabut sapi ai mene maro obabut weak mene hangge logolik, it inebikhit a'luk inaweim yaferego. A'nogo yafi logolik, sumburu haumhogo ninggarek andi hak, afuni at aselei mene mondok legetfisikhi logogin o. Legetfisikhi logolik, it inoak tamuk-tamakhogo falelhik, nen inasikhe obakhe lilibuk-lalabakhogo lakfigik, igin o.

MATIUS 1:22

A'nogo hilingisugun iluk he, nineisena Tuhan Allah nen he, ap ekhe attagat ayonggo fesikhemo wene yagaisikhi logolik he, lisu palogo fesikhe mene higithogoat hilinglasuageluk isikhe andi.

MATIUS 2:14

Abi hasikhesik eluk agaikhesik he, hubanggoat omalik ket tago a'nogo agaisa emberek woginarek o Mesir lagaukwa.

MATIUS 2:17

A'nogo hilinglagaikhe andi re, at Yeremia Allah ane yagaisikhi lagaikhe mene nen ikhi logolik he:

MATIUS 2:19

At kain Herodes a'nogo arat wa'lagaikhemo re, malaikat Allah nen lakfei wagaikhemo wagaikhesik he, Yusuf o Mesir andoma logolik nogo ugunem hubanggo abiba re, mel yagatikhe:

MATIUS 2:23

Wagaukwasik he, o sili enu Nazaret andi kwi wagaukwasik andomaat kamo isukwa. A'nogo hilingitukwa andi re, it ap Allah ane yagaisikhi lagaukwa mene nen ikhi logolik, ”At a'nogo awi Nazaret mene ugun o,” iluk isukwa higithogoat hilinglagaikhe andi.

MATIUS 21:4

A'nogo lakfisasikhe andi re, at ap Allah ane yagaisikhi lagaikhe mene ekhe nen he:

MATIUS 26:54

Telnabi wesigin elok meneat he, telnabilepma re, Allah nen, ”A'nogo hilinglasigin, iluk isikhemo lisu palek werek a'nogo re, ninggi'nogo emberek higit a'lep anggegen. Lego. Higit asuageluk a'nogo yagati'lek kamo igi andi,” iluk, yagatikhesik he,

MATIUS 26:56

it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

MATIUS 27:35

A'nogo hilingitukwasik he, at ebe eba menfuluk asu nonggolek omanogo, ”Sani asugun,” iluk, oagengge lakfigik, wakfigik, isukwasik he, oagengge inoba agaikhe mene halok sumburogo helasukwa.

MATIUS 8:17

A'nogo hilingitikhe andi re, at Yesaya Allah ane yagaisikhi lagaikhe mene a'nogo nen lisu palhi logolik he: ”Nit yi ou ti ou wanhorek mene andi aren waganogo legetfisigik, ninomame li'-lek a'luk weak agorek mene andi higitninafik, ikhe o,” iluk isikhe andi higit asuageluk hilingitikhe.

LUKAS 24:44

Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

YOHANES 19:28

A'nogo arat hilingitukwasik oba nen, at Yesus endawimo nen he, ”Yi wene ti wene mondogat arat elugun warogo hilingiti,” iluk elu a'nogo nen he, Allah ane lisu palogo fesukwa mene higit asuageluk, ”An i nele,” isikhe.

YOHANES 19:36

Wene a'nogo hilinglagaikhe andi re, Allah aneba lisu mel iluk palogo fesukwama werek: ”At oak sombolugun mondok lego,” iluk isukwa.

KISAH PARA RASUL 1:16

”Nerugwi nagaila'lak. At Yudas a'nogo re, nit ninom yabu fano hilingiti logouwageluk Yesus nen ayonggo fesikhesik menfesikhemo, nit ninom fano welagosik meneat he, attagat wene Allah Areagun nen at Yudas faget isikhemo, at Daud en lisu palogo fesikhe mene were'ma, at Yudas nen aben Yesus ebe fakfouwageluk woginarek waga andi, hilinglasigin obaat hilinglaga o,” iluk yagaisasikhe.