A'nogo yagatukwama it ineisena nen ikhi logolik, ”Yogo, a'nogo hilingik halok he, nit ninaiba yoma nen enggen ugu fano mene inom, hendali hak mene inom, e kami agap hak mene inom, kin amusu inom, yi mene ti mene amben fano mene inom, e sawe enggen inom, e amu mene enggen inom, hun gubernur andi faget onggo wogosubagaigen hinasu karung oba kwalhigik waluk lani o.
MATIUS 2:11 - Allah Wene Fano Wene Hupla Inane11 Inendawimo nen inagaiyek hokhorogo agaukwasik oloba kwisukwa re, omalik a'nogo agaisa Maria agoba were'ma ineilenggen hasukwasik, ineindep awi yagaisogo fogeratukwa. Fogerati logolik he, onggo hokho fano mene emas inom, kemenyan kami amben hangge mene inom, e mur amusu inom, heiselogo wogetukwa. အခန်းကိုကြည့်ပါ။ |
MATIUS 2:11
33 ပူးပေါင်းရင်းမြစ်များ
At he kain ratu aiba Syeba mene a'nogo nen a'nogo yagatikhesik, emas 4.000 kilo nen inom, helep enggen hombonundek onggo hokho mene, enu permata ebe mondok hokhorogo inom, yi mene ti mene amben fano mene inom, wogotikhe. Yi mene ti mene amben fano mene, he ratu aiba Syeba mene andi nen mondok hokhorogo at Salomo wogosi wagaikhe andi hangge hobuk it ekhe nen a'nogo ekhe wogosi waga lagaukwa mondok lek.
A'nogo waga logolik, afuni inebe mondok hokhorogo inom wagaukwa. Waga logolik, wam unta hokhorogo omanogo ambot oba yi mene ti mene enduk fano mene inom, helep enggen homboninggen onggo hokho mene enu permata mene inom, emas mondok hokhorogo inom, liakfesukwasik waluk wagaikhe. A'nogo Salomo oba wagaikhesik, wene heinok wanigiluk endawimo anggasikhe mene mondogat oba heinok wokhasikhe.
At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.
Waluk we'luk amep werek lek mene a'nogo abirengge Tuhan obaget fogo iluk enegenggegore, it Harun ambisangma mene omanogo nen tepung inenggi misigen yinggilogo wanu hak amusu inom kemenyan inom waluk mezbah a'nogoba nolhunem, amep lek mene nolesugun mene omanogo amben en Tuhan endawimo agaiyeget fikhi logogin.
Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.
Wagaukwasik, iren he, mel isukwa: ”Afuni Yahudi mene inoe raja kain mene ta'lagasik werek a'naga, o ki ta'lagasik werek. Nit o mo yegelogo lagai wagare'ma andoma were'ma, ap kain andi ta'lagama iluk, hesagal ekhe weinam agama re, at andi ninendawinggen oba himbiret fuluk fogerasuogeluk hesagal andi nineilenggen nen waluk heinok wani wago,” iluk isukwa.
A'nogo ugu were'ma, at Yesus agaisa eisena inom kwisukwasik welagaukwa andi sambul inoba wagaikhesik he, mel isikhe: ”Allah neisena a,” iluk hai watikhesik he, it afuni o Yerusalem mene inanggele'ma nen, Allah nen hobuk telninabigin iluk nenangorogo welagaukwa mene mondogat yagaisikhi logolik, ”Ebe waga yi,” iluk, yenggerek a'nogo abok yagaisikhi lagaikhe.
A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.
A'nogo enggimo wanhunem he, it Allah nen elalinafikhemo ineluk welagaikharek mene ekhe inebe 4 en omanogo inom, ap inaluendek inebe 24 en omanogo inom, Domba Eak a'nogo awe a'ma kuluk ineindep awi yagaisogo fogerati lagaikha. A'nogo fogerati logolik, it ap inaluendek omanogo inebe lombok gitar hangge mene inom, kemenyan amusu iwak emas mene hilingik meneba hinago mene inom, inenggimo fisogo logolik endawi wati lagaikha. Kemenyan andi ebe re, Allah againafuri samban agarek andi aro.
A'nogo meneat he, it ap fena ekhe inobabut weak mene nen ikhi logolik he, ”Ap yi nen nit faget elok tegelninafi logogin anggegeba?” iluk isukwa. A'nogo isukwasik andi nen he, Saul inendawimo seramet fesukwasik, yi mene ti mene endawimo fanorogo ekhe wogoti'lek halolot fisasukwama re, at Saul en ogo eilenggen isigi'lek fukhanggo hilingitikhe.
ကြော်ငြာတွေ