MATIUS 19:9 - Allah Wene Fano Wene Hupla Inane

⁹ Halok he, wene ekhe yi yagahisak. Ap sa nen agwe waganek mene ap ekhe nen pailak hilingiti'le'maat lologo herakfisaluk, he hunogoat mene ekhe wanhe halok he, pailagat hilingisugun o,” iluk a'nogo yagaisasikhemo,

MATIUS 19:9 ပူးပေါင်းရင်းမြစ်များ

KEJADIAN 20:3

Hup misik obare it raja a'nogo abi wokhugunem en he Allah elokhoma weinam agaikhesik yagati logolik, he andire agun werek kwelek wanhenma re hebe wa'lasigin iluk yagatikhe.

2 TAWARIKH 21:11

At Yehoram en he it Yehuda inap werekwe tomkwe omanogo tugwi kembu fogerati logogun kwe wurik lagaikhe andiba re, it afuni Yehuda mene inom Yerusalem mene inom Tuhan elokhoma weak hilingiti lagaukwa.

YEREMIA 3:1

Tuhan nen ikhi logolik, ”He ekhe agun nen herakfikhemo were'ma nen, he a'nogo ap amu mene helugu halok he, agun attak mene a'nogo nen he andi nekhengge helagain mondok lek, andi re it a'nogo hilingisugun andiba re o kweang yiba elokhe weagerogo fogoin hanogo. Hat Israel he hendawi hundik mene hinom mondok hokhorogo hilingiti logoligenat he, An nambit sugulogo wesigin iluk hilingiti lagen andiri!

YEHEZKIEL 16:15

Oba nen he, hat heil alili mondok fano welagen mene a'nogo inom, habok ugunem fano laga-laga mene a'nogo inom, haren we alomarogo hangge hilingiti lagen. Hat he ap amu mene lagik wagik agarek mene hinom yugunat nogokhi lagen andi.

YEHEZKIEL 16:29

Andi nen ekhe hat he, ap Babel mene inunggulenu onggo heligik saburigik ugu welagaikharek inap andi nen hesangge hilinghafu mene aga lagen. Oba nen iren ogo hat hoba homot hobagali'lagwi legaro,” ikhe.

MATIUS 19:10

at Yesus ane wanhi lagaukwa mene omanogo nen he, ”Halok he, aben hemi woginafi'lek, hemi nen ap woginafi'lek, logoumo re, fano higi,” iluk yagatukwama,

MATIUS 19:8

A'nogo yagatukwama, at Yesus nen he, ”Lego. Wene a'nogo yagaisasikhe andi re, hit hinendawimo mondok puk logolik yagahisugunem hinesanggo holu mondok elo'lek andi nen yagahisikhe o. Hit he hinagagwi waganek mene lologo herakfisogoin aro,” iluk yagaisasikhe andi. A'nogo meneat he, eroba Allah nen elalninafi logolik a'nogo mondok isikhe lego.

MATIUS 5:32

A'nogo meneat he, an nen wene ekhe yi yagahisak. Ap ekhe agwe waganek mene, it ap ekhe nen pailak fakfigi'le'maat, he a'nogo lologo herakfisikhe halok, he andi pailak hilingisuageluk herakfisikhe o. Nen, at ap ekhe nen he lologo fagain mene andi wanhe halok, pailagat wanigin o,” iluk yagaisasikhe.

LUKAS 16:18

”Ap sa nen agwe waganek mene lologo herakfisaluk he, hobuk he hunogoat mene ekhe wanhe halok he, pailagat hilingisigin o. Nen, ap sa nen, he agun nen lologo hebisagain mene wanhe halok he, pailagat wanigin o,” iluk yagaisasikhe.

1 KORINTUS 5:1

Afuni nen, ap hit mene ekhe he wanu lek mene wanhesik werek iluk abok ikhi logolik yaganetama nesanggo holhi o. It afuni Allah ane inonggot mene nen a'nogo hilingitarek lek mene, ap andi eisena agwe mene wanhesik werek andi.

1 KORINTUS 7:39

It hemi re, inaguni inebe ineluk werek kwelek, ap hunogo mene ekhe woginabugun lego. We, inaguni inebe wa'lagu halogat, inendawimo inamolo anggili'lagwi mene woginabugun. Menere hesanggeat woginabugun lek. We, ninoe Enupogot inom hundik mene halok woginabugun o.

1 KORINTUS 7:4

Nen, hemi inebe re, inonggwarek eisewerek fuk. Inaguniat eisewerego. Nen, ap inebe a'nogoat he, inonggwarek eisewerek fuk. Inagagwiat eisewerego.