MATIUS 19:8 - Allah Wene Fano Wene Hupla Inane

⁸ A'nogo yagatukwama, at Yesus nen he, ”Lego. Wene a'nogo yagaisasikhe andi re, hit hinendawimo mondok puk logolik yagahisugunem hinesanggo holu mondok elo'lek andi nen yagahisikhe o. Hit he hinagagwi waganek mene lologo herakfisogoin aro,” iluk yagaisasikhe andi. A'nogo meneat he, eroba Allah nen elalninafi logolik a'nogo mondok isikhe lego.

MATIUS 19:8 ပူးပေါင်းရင်းမြစ်များ

KEJADIAN 2:24

A'nogo hilingitikhe andi nen he, aben ineisena inagaisa herakfisaluk, inagagwi inom fano logolik, inebe pire meneat he, misik a'luk logouwago.

KEJADIAN 7:7

A'nogo wagu kwelek, at Nuh ebe inom, agwe inom, againafuri omanogo inagagwi inom, i fu andi nen inoati'lek telinabuageluk e kapal a'nogo elema kwisukwa.

MAZMUR 95:8

inungguloak haro logolik Allah ane ninabit iluk, Allah obaharo asuageluk hundik-handik obabut palhi lagaukwa hak he, yogondak Allah nen wene yagahisugunem laga logolik he: ”Ninabit iluk hinendawinggen omame aguba.”

YEREMIA 6:16

Nineisena Tuhan nen againafuri faget mel ikhe: ”Hit hinebe ebekhe lagaikharek oba kwe handogalma andoma mendek logolik he hineilenggen fanorogo penesino o. A'nogo pene'luk he, kwe attak laga lagaukwa kwe andi, hiren wenakhaluk he, Fano re yi kwe iluk hinendawinggen hambukhogo logobagaigen he, kwe fanokwe andiat laga logoino o,” iluk ikhe. A'nogo ikhe meneat he, iren mel aga, ”Kwe haren egen kwe andi nen laga logogun he ninabiro,” iluk aga.

ZAKHARIA 7:12

It he inendawinggen mondok omamerek logolik were'ma nen enek he inendawinggen mondogat helep aga lagaukwa. Nen an nawene melalek it ap nabi attak welagaukwa mene omanogo inebene nen wogisasigiba nen he hologo hilingiti lagaukwa lek andi nen he An na'mage lagaikhi lagaikhe andi.

MATIUS 19:7

iren he, ”Halok he, at Musa nen, ap ekhe nen agwe waganek mene herakfisageluk halok he, he yi hebe nabit. Herakhobagagi o,” iluk, lisu palogo enggim wogosimbik he, elok herakfisagain aro, iluk isikhe andi ninggi'nogo nen isikhe,” iluk yagatukwa.

MATIUS 19:9

Halok he, wene ekhe yi yagahisak. Ap sa nen agwe waganek mene ap ekhe nen pailak hilingiti'le'maat lologo herakfisaluk, he hunogoat mene ekhe wanhe halok he, pailagat hilingisugun o,” iluk a'nogo yagaisasikhemo,

MATIUS 3:15

Yagatikhemo re, at Yesus nen he, ”An pelaknabigin aro. At Allah nenat yi mene ti mene faget a'nogo hilingisuageluk anggikherek higithogoat hilingnabigin o,” iluk isikhemo re, ”I o,” iluk

MATIUS 8:31

Wanhu were'ma, munggwarengge inobabut weak mene it ap inebe pire aremnogo inendawimo logolik he, mel yagatukwa: ”Yesus. Hat he, nit ninebe wulakninobagaigeluk halok he, wam hokhorogo inamisang wili'lagwi a'lima inendawimo kwalasi logoin nen he, lakninobagain o,” iluk inane liokhogo yagatukwa.

MARKUS 10:5

A'nogo yagatukwama, at Yesus nen he, mel yagaisasikhe: At Musa nen, ”A'nogo elok hilingiti logogun,” iluk, komorogo lisu palhikhe andi re, hit hinendawimo mondok puk logolik yagahisugunem hinesanggo holu mondok elo'lek andi nen, andi nenat yagaisasikhe.

MARKUS 16:14

A'nogo hilingirik waga lagaikhesik, ebe hobuk he, irat Yesus agoromi inebe 11 nen omanogo hurek sumburu ninggi logolik were'ma, ”Ineilenggen neoak,” iluk inoba kwisikhesik inelokhoma menlagaikhesik mel yagaisasikhe: ”Hit yoma hinendawimo nen he, eberogoat iluk anggigi'lek hinendawimo pugat yoma ri! Allah nen an nebe arat nelugetnafemo were'ma, it ekhe nen ineilenggen neagasik yagahisa wagaikha meneat he, hinendawimo nen eberogoat iluk anggigi'legat welagep yoma ri!” iluk wenagisasikhe.

1 KORINTUS 7:6

Wene yagahisigi andi re, nane ninghogo yagahisigi fuk. We, komothinafi o.

1 SAMUEL 25:43

He andi oan heligi'le'ma re at Daud he, he Ahinoam awi Yizreel mene helasikhe, nen ombo'ne re at Abigail helasikhe andi.