MATIUS 19:7 - Allah Wene Fano Wene Hupla Inane

⁷ iren he, ”Halok he, at Musa nen, ap ekhe nen agwe waganek mene herakfisageluk halok he, he yi hebe nabit. Herakhobagagi o,” iluk, lisu palogo enggim wogosimbik he, elok herakfisagain aro, iluk isikhe andi ninggi'nogo nen isikhe,” iluk yagatukwa.

MATIUS 19:7 ပူးပေါင်းရင်းမြစ်များ

YESAYA 50:1

Tuhan nen it afuni Israel mene inoba ikhi logolik, ”An nagainafuri yi sani, hiren anggikhi logolik, afuni nen inagagwi mugusogo wulakfisagarek hak, An nen mugusogo wulak hinobagakhi lagi anggikhi lageba? Ariginik halok he, herakhinobagagi iluk lisu palogo fugu mene re koma werek nogo? Hiren anggikhi logolik An nen afuni ekhe inoba onggo wo'nesuageluk hit hinebe wogisigi anggikhi lageba?, ap ekhe eisena nen amlogo ap palegengge kinoterek meneba onggo huniterek hak hilingite anggikhi lageba? A'nogo re lego! Hit hele warogo hukhisaga andi re, we hinonggwarek hinaweak kwanirek mene hilingiti lagep andiba o!

MALEAKHI 2:16

It afuni Israel mene ineisena Tuhan Allah nen ikhi logolik he, ”An he, hemi herakfisili'lagwi mene andi re mondok nabiro, ap misik ekhe hit hinanggele'ma andoma nen agwe oba a'mage mondok weakhogo fuluk weagerinabi'lagwi mene andi re nabit mondok isigirego. Enggere hit hinonggwaregen ogal fakhikhi logolik hinagagwi ineil salogo lalinabu fugo,” iluk yagaisasikhe.

MATIUS 1:19

A'mat fesikhemo re, at Yusuf obabut fano andi nen he, endawimo nen, ”An he andi afuni ineilhanem herakfisamo enggali asinogo nen he, hinagaisogo herakfisagain,” iluk, anggikhi lagaikhe.

MATIUS 19:6

iluk yagaisasikhe andi nen he, inebe pire fuk, misigat agaikhasik werego. At Allah nenat a'nogo emberek hunogo fisasikhesi'mo re, afuni inonggwaregen minggilogoin mondok lego,” iluk yagaisasikhemo re,

MATIUS 19:8

A'nogo yagatukwama, at Yesus nen he, ”Lego. Wene a'nogo yagaisasikhe andi re, hit hinendawimo mondok puk logolik yagahisugunem hinesanggo holu mondok elo'lek andi nen yagahisikhe o. Hit he hinagagwi waganek mene lologo herakfisogoin aro,” iluk yagaisasikhe andi. A'nogo meneat he, eroba Allah nen elalninafi logolik a'nogo mondok isikhe lego.

MATIUS 5:31

A'nogo yagaisasikhesik, ekhe mel yagaisasikhe: ”Nen, wene ekhe fageat yagaisikhi logolik he, Ap ekhe agwe lologo herakfisageluk halok he, An he yi herakfisigi o, iluk, lisu palogo re, he andi wogosuagaro, iluk isukwaat.

MARKUS 10:4

iren he, mel yagatukwa: ”At Musa nen, wene komotninafi logolik he, yi'nogo isikhe: Ap ekhe nen hemi waganek mene herakfisageluk halok he, he yi hebe nabit. Arat herakhobagagi o, iluk lisu palogo wogosimbik he, elok herakfisagain o, iluk yagaisasikhe,” iluk Yesus yagatukwa.