MATIUS 19:5 - Allah Wene Fano Wene Hupla Inane

⁵ A'nogo elalinafikhesik he, wene mel yagaisasikhe: Aben agaisa eisena herakfisaluk agwe emberek fano logogun o. It andi inebe pire meneat he, misigat mene asugun o,

MATIUS 19:5 ပူးပေါင်းရင်းမြစ်များ

KEJADIAN 34:3

A'nogo nogosukwaba nen he, hele Dina andi faget endawinggen nasikhemo, abo a'nogo nen hele andi endawinggen noageluk ninghogo hilingitikhe.

2 SAMUEL 1:26

Eige Yonatan nare e, Hat hebe heluk were'ma an ninom nendawinggen hundik welagi mene o, Nendawimo hokhorogoat weak aga o. Hemi nen inendawirinafarek mene andi, we endep hangge o, Haren hendawit nafendek mene andi re mondogat esin hangge o.

1RAJA-RAJA 11:2

Tuhan nen it afuni Israel mene inoba yagaisikhi logolik, ”Hiren hemi inunggulenu amu mene hinom wok-wok asu fuk, it andi bene nen hit Israel mene kembu ilah amu mene fogerati logouwageluk hilinghinobagagun enggere,” iluk yagaisasikhe. Oba nen at Salomo nen he hemi endakwe mene andoma woginafikhe andi.

MAZMUR 45:10

O sili at raja werek oba andi helime silerik mene inanggele'ma re at raja a'logomi andoma kaboksek. Nen at raja hurek werek oba takhta enggi pikhit kwe a'nogo re at raja agwe ebene emas meneba nek alilingge li'louksek engge a'nogo mendek werek.

MALEAKHI 2:15

Nineisena Allah Enupogoren hinebe pire lek, misigat logouwageluk hit hinagagwi hinom hinebe hinendawinggen misigat hilingisogo hinobagaikherek lek nogo? At Tuhan nen a'nogo hilingiterek andi nenahalok nogo? Hiren hinagainafuri Allah againafuri ebe mene taginabubagaik iluk a'nogo hilinghinaferego. Andi nen he weak hilingito hanogoluk hinonggwaregen hinendawinggen sebel fakhikhi logoino. Hinagagwi hinebe alageba woginafigip mene andi ineil salinafi'lek inoba lomborogo logoino.

MATIUS 19:6

iluk yagaisasikhe andi nen he, inebe pire fuk, misigat agaikhasik werego. At Allah nenat a'nogo emberek hunogo fisasikhesi'mo re, afuni inonggwaregen minggilogoin mondok lego,” iluk yagaisasikhemo re,

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

1 KORINTUS 6:16

It ap hemi inobabut yanani mene andi inom huni'luk he, inebe misigat agaikharek, iluk he, hinonggot nogo? Allah nen ikhi logolik, ”It inebe pire meneat he, hobuk misigat hilingla'luk logogun o,” iluk isikhemo lisu palogo fesukwama werek andi.

1 KORINTUS 7:2

Meneat he, pailak hilingiti logoinogo iluk he, ap inagagwi lombok waganek welagik, hemi inaguni lombok waganek welagik, ugun o.

1 KORINTUS 7:4

Nen, hemi inebe re, inonggwarek eisewerek fuk. Inaguniat eisewerego. Nen, ap inebe a'nogoat he, inonggwarek eisewerek fuk. Inagagwiat eisewerego.

EFESUS 5:31

Andi faget, Allah ane mel isikhe: ”Andi nen he, aben agaisa eisena herakfisaluk, agwe emberek fano logolik he, inebe pire meneat he, misigat hilingla'luk logouwago,” iluk, isikhemo lisu palogo fesukwa andi.

ULANGAN 10:20

Hiren he, nineisena Tuhan Allah agaugwerati logolik, At faget enek hilingiti logoino o. Hit hinebe At amu nek oba lombokhogo logolik, At enu nek hombuk palhi logoino o.

ULANGAN 11:22

An nen hit hinoba wene melalek yagahisikhi lagi mene andi hiren hologo nek hilingiti logoino. Hiren hineisena Tuhan Allahba hinendawi hundik mondok hilingiti logolik, Aren yi'nogo hilingi'no iluk yagahisikherek mene andi hilingitik, At oba tiphogo welagik hilingiti logoino.

ULANGAN 4:4

hit enek he, at oba lombokhogo logolik Ane hologoat mondok were'ma herakhinobagasigimo huli yogondak hineluk welagep yi.

1 SAMUEL 18:1

At Saul inom Daud inom, emberek wenenggak a'nogo ikhi lagaukwasigen he, at Daud ebe Saul were'ma mondok-mondok logouwagaluk fakfesikhe. A'nogo fakfesikhesik, Daud hobuk yagati logolik, ”Hambotkwe heisena oba laga logou fuk,” iluk komoratikhe. At Saul amlogo Yonatan nen, Saul inom Daud inom emberek wenenggak isukwa mene andi esanggo holhikhesik he, endawinggen Daud oba liok isikhesik, onggwarek ebe endawinggen hundik welagarek hanggeat, endawiratikhe.

1 SAMUEL 25:43

He andi oan heligi'le'ma re at Daud he, he Ahinoam awi Yizreel mene helasikhe, nen ombo'ne re at Abigail helasikhe andi.