MATIUS 19:28 - Allah Wene Fano Wene Hupla Inane

²⁸ at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MATIUS 19:28 ပူးပေါင်းရင်းမြစ်များ

2 TAWARIKH 9:19

Kursi a'nogoba kwe pelarogo liabek mene a'nogo ambisang ebekwe ogo harekwe ogo wam singga alik hilingik engge omanogo 12 nen hilingik welagaikhe. Kursi andi hak mene re it ap raja-raja amu mene welagaukwa kwe andoma andi inom higit mene ekhe welagaikhe mondok lek.

EZRA 6:17

Iren o andi kwe huti logolik andi re, wam sapi ai mene re 100 nen inom, domba ai mene re 200 nen inom, domba eagwi mene re 400 nen inom, Allah waretukwa. A'nogo waretukwasik, it afuni Israel mene inaweak leget fisoageluk mene faget, inunggulenu 12 nen mene aremnogo higithogo, wam kambing ai mene ebe misiktek higik, lambukhogo re 12 nen mene waretukwa.

KELUARAN 15:27

A'nogo arat hilingi'luk he, it o enu Elim andoma wagaukwa. O andoma i elesi ebe 12 nen wulifi lagaikhe. Nen, wurama hangge mene enu kurma ero 70 nen welagaikheat. A'nogo were'ma it a'nogo o sabu tenda mene i era'lu andoma wutukwa.

KELUARAN 24:4

A'nogo isukwama re, at Musa nen nineisena Tuhan nen, ”Yi'nogo hilingiti logoino, ti'nogo hilingiti logoino,” iluk yagatikhe mene andi mondogat lisu palhikhe. Palhikhesik ohealek hubet he, tom a'ma andoma wam yi mene ti mene Allah faget warogo endu noleti logogun oba obuluk ebe hilingiti logolik, eisok helep mene 12 nen hilingisogo menegeisogo fesikhe. Eisok andi ebe lombok he, afuni Israel mene inunggulenu werek higithogo hilingisogo fesikhe.

KELUARAN 28:21

Helep misik amu tomok he hun Yakub againafuri inebe 12 nen misik mene enu ekhe afuni inunggulenu Israel mene a'nogo eberek logouwageluk hesesengge waganogo feino.

YESAYA 65:17

Tuhan nen ikhi logolik, ”An nen he pogot ket mene inom, kweang ket mene inom elalogo fagain o. O attak aga lagaikhe mene andoma re mondogat inonggot asumo re hobuk ekhe ebet hogoin lek.

YESAYA 66:22

Pogot ket mene inom kweang ket mene inom An nomameba hambukhogo logogin andi hak, hit hinerembul oba nen tagomangge mene inom, hit hinenu inom, mondok-mondok logogin.

IMAMAT 24:5

Ekhe inom ikhi logolik, ”Tepung mondok fano mene 12 kilo nen waluk he, kilo misik mene andiba amu-amu roti hombonu mene ebe 12 nen hilingi'no.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MATIUS 19:27

At Yesus nen a'nogo yagaisasikhemo, at Petrus nen he, ”Mene re, nit hat hombo'ne nikhi logouwogeluk yi mene ti mene mondogat herakfisaluk wagosik nikhi lago mene yi nek he, nena mene wo'nisagain,” iluk yagatikhemo,

MATIUS 20:21

aren he, ”Hat hendawimo ninggi'nogo anggegendigen egen,” iluk yagatikhemo, he a'nogo nen he, ”An neagwi pire ya re, afuni mondogat hat hawe a'ma inobagagin oba andoma hera'lu, at ekhe henggi ebekwe, nen ekhe henggi harekwe, kain logouwageluk he, menfisanogeluk yagaheti o,” iluk yagatikhe.

MATIUS 25:31

At Yesus nen a'nogo yagaisasikhesik he, wene ekhe mel yagaisasikhe: ”An abat ta'lasi wagagi a'nogo, afuni nen fogetnafu kwelek it malaikat pogoroba mene andi mondogat ninom wesimbik, an fogetnafu kwelek kain nenupogot welagirek oba logolik,

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

MARKUS 10:37

iren he, mel yagatukwa: ”Hat hobuk Henupogot a'luk hilingitunem, afuni nen fogethafi logogun andi sambul he, ninom kainat logouwogen he, nit ekhe henggi ebekwe, nen ekhe henggi harekwe, logouwageluk menninobagainogeluk wago,” iluk yagatukwama,

KISAH PARA RASUL 3:21

Yogondak ya re, Yesus ebe pogoroba logogin obaat logogin o. Logombigen, huli Allah nen yi mene ti mene mondogat ket mene hilinglasigin andi huliat pi wesigin o, iluk fageat it ap inebe Allah faget logolik at ane yagaisikhi lagaukwa mene omanogo nen isukwa hagat hilinglasigin o.

2 TIMOTIUS 2:12

Nit ninafe morogo logogun halok, afuni At awe a'ma kuluk logogun mene andi, nit ninomenat ferinarek logogun o. Niren he, ”Yesus ninoe lego,” iluk, At ebe mondok herakfisogo halok, Aren he, ”It an nagoromi legaro,” iluk, herakninobagagin aro.

YOSUA 3:12

Ma re, yogondak hiren ap inebe 12 nen afuni Israel mene inunggulenu lombok ap inebe misiktek wenagaisogo fisani o.

2 PETRUS 3:13

A'nogo hilingiti logolik ninendawimo nen he, ”Allah nen wene watnisikhi logolik: Pogot ket mene hilingisogo figik, kweang ket mene hilingisogo figik, igin oba andoma kwimbik higithogo nek hilingiti logogun,” iluk, wene watnisasikhe mene a'nogo nenangorogo welago.

WAHYU 11:16

Nen, it inaluendek inebe 24 en Allah era'lu kain inobuluk oba welagaikharek mene omanogo inelokhe sagaum Allah awe a'ma kuluk fogerati logolik mel ikhi lagaikha:

WAHYU 12:1

A'nogo higiri'mo nen, ombo'ne yethigi hak he, afuni nen futfouwageluk pogoroba elalinat hilingisu lek mene hokhorogo hilingitunem yi'nogo yethigi. He mene ekhe tugi ebeba mendek logolik, asu higit he mo mene laberek welaga, nen hesagal ebe 12 nen menere unggul oba kware-kware higit ugu mene yethigi.

WAHYU 20:4

A'nogo higiri'mo nen, ombo'ne re, ap kaindek inobuluk hokho were'ma andoma inebe hokhorogoat kain logolik, afuni ekhe inawe a'ma fisaluk ferinarek logolik wene inoba figik, kotik, ikhi logouwageluk eisewerek fisagama isigi. Nen, ekhe higi re, it afuni mene olomene hangge hokho mene a'nogo inom, ilirengge at ebe hangge hilingitarek a'nogo inom, fogerinafi'lek, enu hangge lisu palek a'nogo inendawinggen wenggelogo inelhaba hea? Inenggiba hea, wanhi'lek herakfisaluk, Yesus hilingiti lagaikhe mene yagaisilik nikharek mene faget inom, Allah ane faget inom, inalonggop palogo inoatukwa mene arat inambotkwe inelugetfisaluk menfisikhesik, at Kristus inom afuni ekhe inawe a'ma fisaluk ferinarek, mo lagagik pigik ugu kwelek 1.000 tahun welagaikha isigi.

WAHYU 21:5

Nen, at Allah ebe kain welagarek mene obuluk a'nogoba logolik, mel ikhe: ”Yi mene ti mene mondogat ket mene elalogo figi yoma yethani!” iluk ikhesik, an mel yaganete: ”Wene yi faget, afuni nen he, Wene andi eberogoat, iluk futfogoin mene andi nen he, lisu palin o,” iluk yaganete.

WAHYU 22:2

o kota andi, kwe ebekwe esanggo fena-fena lagaikharek oba were'ma, i a'nogo tulem lagare'ma higi. A'nogo lagu kwelek, i aik eliba, yiba, e awi yago were'ma higi. E andi enggen nunggunem inelugerinaferek mene a'nogo, tugi misigat oba enggen ekhe itik, tugi ekheba enggen ekhe itik, mo lagagik, pigik, ugu kwelek tahun misigat oba enggen huli 12 nen iterek mene welaga. Nen, enggaba re, yi afuni ti afuni inunggulenu lombok fanorinaferek mene higi.

WAHYU 22:5

Nen, Allah ebe aselegen it inebe selegerinafu kwelek andi nen he, o hup aga logogin lek, nen iren esage ibilhi logogun lek, mo yagati logogin legat, werek kwelek it kaindek inenupogot logolik, afuni ekhe inawe a'ma fisaluk ferinarek mondok-mondok logogun isigi o.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

WAHYU 4:4

At kain welagarek oba obuluk tulem werek kwelek, it ekhe kain welagaikharek mene inobuluk 24 en were'ma, ap inaluendek inebe 24 enat inasu kut mene laberogo, nen, kware-kware emas meneba mindago mene pugethigik inobuluk ebene hurek welagaikha.

WAHYU 7:4

A'nogo yagatikhesik he, afuni Israel mene nen tagongge mene inunggulenu lombok mondogat inendawinggen wenggelogo Allah asilo inelhaba fisilik lagaikhasik, ”Inebe huli 144.000 nen silo fisilik lagoma,” iluk ugunem holhi o.