MATIUS 19:27 - Allah Wene Fano Wene Hupla Inane

²⁷ At Yesus nen a'nogo yagaisasikhemo, at Petrus nen he, ”Mene re, nit hat hombo'ne nikhi logouwogeluk yi mene ti mene mondogat herakfisaluk wagosik nikhi lago mene yi nek he, nena mene wo'nisagain,” iluk yagatikhemo,

MATIUS 19:27 ပူးပေါင်းရင်းမြစ်များ

MATIUS 19:26

at Yesus nen he eilenggen lurogo inoba fesikhesik mel yagaisasikhe: ”Afuni nen hilingisugun mondok elo'lek meneat he, at Allah nen yi mene ti mene hilingisigin elok enego,” iluk yagaisasikhe.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MATIUS 9:9

At Yesus o andoma herakfisaluk laga logolik, ap ekhe enu Matius, kantor uang pemerintah faget waganogo fikhi lagaukwaba hurek were'ma, eilenggen hasikhesik, ”Nombo'ne eme o,” iluk yagatikhemo re, menlagaikhesik he, ombo'neat lagaikhe.

MARKUS 10:28

A'nogo yagaisasikhemo at Petrus nen he, mel yagatikhe: ”Mene re, nit hat hombo'ne nikhi logouwogeluk yi mene ti mene mondogat herakfisaluk wagosik nikhi lago mene yi nek he, ningginik,” iluk yagatikhemo,

MARKUS 2:14

Yagaisasikhesik laga logolik he, ap Alfeus amlogo enu Lewi, kantor uang pemerintah faget kino iluk wanharek oba hurek were'ma eilenggen hasikhesik he, ”An nombo'ne eme o,” iluk yagatikhemo menlagaikhesik he, ombo'ne lagaikhe.

LUKAS 14:33

Andi hak he, hit ekhe hinagarek yi mene ti mene hebisigi'lek logolik an nagoromi asuogeluk nawe a'ma kugun elo'lego,” iluk yagaisasikhe.

LUKAS 15:29

Yagatikhemo amlogo a'nogo nen eisena yagati logolik he, mel isikhe: Hesanggo holin? An he, yi tahun ti tahun hat faget heabu mondok hokhorogo hilingitirego. A'nogo hilingiti logolik he, haren, yi'nogo hilingi'no, ti'nogo hilingi'no, iluk yaganetendek mene a'nogo ekhe nabit igi'legat hilingitirek meneat he, wam eak misigat ekhe an nagaila'lak ninom ninendawimo ninagaiyek hikhi logolik isago noageluk wo'neti lagen legat.

LUKAS 18:28

A'nogo yagaisasikhemo, at Petrus nen he, mel yagatikhe: ”Mene re, nit hat hombo'ne nikhi logouwogeluk ninangge yi mene ti mene herakfisaluk wagosik nikhi lago mene yi nek he, ningginik,” iluk yagatikhemo,

LUKAS 5:11

A'nogo isikhemo re, e so a'nogo i aik oba fei wagaukwasik he, yi mene ti mene mondogat herakfisaluk Yesus ombo'ne lagaukwa.

1 KORINTUS 1:29

Andi nen he, nit afuni ninonggwaregen Allah eilhanem fogerakhogoin lego.

1 KORINTUS 4:7

”It ekhe andi elo'lek hak, mene re an enek he mondok fano, ikhi logoino,” iluk sa nen yagahisasikhemo ikhi lagep? Hit hinagarek yi mene ti mene helikhi lagep andi, Allah nenat wokhisikherek lek nogo? Arenat wokhisikherego. A'nogo wokhisugunem helikhi lagep meneat he, hiren elalhep mene hangge hinonggwaregen fogerakhikhi lagep andi nenahalok?

ULANGAN 33:9

inobabut Hat hoba lomborogo logolik, inesugwi inagaisawi faget inom, inogogwi, ina'logomi faget inom, inagainafuri faget inom, abelmatfisaluk, Hat hobaget enek he, esinetfesukwa andi. Haren, yi'nogo hilingiti logoino, ti'nogo hilingiti logoino, iluk yaganisasigin wene andi, iren hologo higithogo hilingitik, nen, haren he, An nen wene warogo wokhinafi, iluk isiginmo, iren, Nit At againafuri, iluk isukwa andi.

FILIPI 3:8

A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.