MATIUS 19:22 - Allah Wene Fano Wene Hupla Inane

²² A'nogo yagatikhemo, at ap alage mene a'nogo esanggo holhikhesik he, agarek mondok hokhorogo andi nen he, endawimo weak agaikhesik lagaikhe.

MATIUS 19:22 ပူးပေါင်းရင်းမြစ်များ

MAZMUR 17:14

It afuni o kweangma yoma inangge kabogetu mondok logolik werek mene andoma inoba nen fikhalogo nobagakhi logoino. Enggin fenggin it afuni andi inoba fisugu mene iluk Haren foukhogo fisegen mene a'nogoba it unggum wogisikhi logoino o. Nen, it inagainafuri inom, inombawi iren taginabugun mene inom ogo a'nogo nek unggum inoba fikhi logoino aro.

YEHEZKIEL 33:31

It inebe felelenghogo andogosi we'luk, it An nagainafuri mene hakhogo haren hane yagaisugu mene omanogo holi'lagwi. Oba nen he, haren yi'nogo ti'nogo hilingi'ni iluk miminginafendek mene omanogo re, iren hologo hilingiri'lagwi lek. It inambeba nen he inendawinggen hundik hilingitarek mene agarek oba nen he, it inendawinggenma nen he, inonggwarek ambisangma helogoin mene faget enek ebeti logoligen hilingiri'lagwi.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

MATIUS 14:9

A'nogo yagatikhemo, at kain Herodes a'nogo endawimo weak agaikhe meneat he, ”An nen Allah enu hombuk palogo abok yagatunem afuni hokhorogo pesta isago nouwogeluk andogosi wagaikha mene yoma inesanggo arat holha oma re,” iluk, agoromi nen helenggerek a'nogo nen isikhe higithogoat hilingisogo wogosi loageluk yagaisasikhe.

MATIUS 16:26

Ap sa nen yi mene ti mene kweangma mene mondogat eise asigin meneat he, hobuk ebe eluk faget nong asigin halok, aren he, ”An ekhe elok saburogo fakhigi ugun nogo?” Mondok lego. Ebe nong asigin andi obali'mo re, nena mene oba oasigin nogo. Elo'lego.

MATIUS 19:21

at Yesus nen he, ”Hat hebe fano mondok asigeluk halok, yoma nen lambik he, hagarek yi mene ti mene andoma mondogat it ekhe inoba awasi lano. Awarik he, onggo wokhesugun mene andi, it afuni ekhe inagarek lek inelagaik mene andi sumburogo wogisano. A'nogo wogisegen halok he, hat pogoroba mene hokhorogoat eisewerek asigin o. Halok a'nogo arat sumburogo wogisambik he, an nombo'ne nikhi logoinogen, we'no,” iluk yagatikhe.

MATIUS 19:23

Lagaikhemo re, at Yesus nen agoromi ane wanhi lagaukwa mene omanogo mel yagaisasikhe: ”Afuni inagarek hokho mene andi pogoroba Allah nen awe a'ma fisikhere'ma andoma ninggi'nogo ku he aro, iluk eberogoat yagahisigi,” iluk yagaisasikhe.

MATIUS 6:24

A'nogo yagaisasikhesik he, ekhe mel yagaisasikhe: ”Andi hak he, ap misigat mene ap kaindek inebe pire mene inamingmingengge logolik ineabu hilingiti logogun mondok elo'lego. A'nogo logogin halok he, at inamingmingengge andi nen: Neisena ekhe yi fano nendawi. Nen, ekhe andi weak nabit, iluk ikhi logolik he, endawi mene andi emberek lomborogo logolik he, ekhe abit mene andi aberalit fikhi logogin o. Andi hangge, hit he, Allah amingmingengge logolik, uang amingmingengge logogun elo'lego.

MARKUS 10:22

wene andi esanggo holhikhesik he, angge yi mene ti mene mondok hokhorogo welagaikhe andi nen he, elokhe age lagasikhesik he, endawimo weak a'luk lagaikhe.

MARKUS 6:26

at kain Herodes a'nogo endawimo mondok weak agaikhe. A'nogo weak agaikhe meneat he, ”An nen nagoromi ninom seni isago ninggi logolik ineilhanem, Allah enu hombuk palogo eberogoat wokhesigin o, iluk abok yagatiri'mo re, herakfisagain lek. Wogosigin aro,” iluk endawimo anggasikhe.

LUKAS 18:23

at ap a'nogo esanggo holhikhesik he, angge mondok hokhorogo andi nen he, endawimo mondok weak agaikhe.

YOHANES 16:20

Hobuk hit hinendawimo nen he li le aga logogun meneat he, it afuni kweangma mene inendawimo inagaiyek asigin o. A'nogo meneat he, hit hinendawimo weak logogun mene andi, hobuk fano agunem hinendawimo hinagaiyek hokhorogo asigin o, iluk eberogoat yagahisigi.

EFESUS 5:5

It afuni pailak fakfisagarek mene inom, inenggali lek weak hilingitarek mene inom, ”Yi mene ti mene an mene nek logoilep,” iluk inendawimo nen anggaluk hilingitarek mene andi, tugwi kembuba himbirik logolik hilingitarek hagat hilingitu halok, Kristus Allah emberek inawe a'ma fisugunem welagaikharek oba andoma eisewerek asugun mondok lego, iluk, fanorogo hinendawimo ebe'ni o.

KOLOSE 3:5

Andi nen he, hinobabut hinetogat logolik, hinendawimo nen yi namolo ti namolo anggikhi lagep mene andi mondogat watfisikhi logoino o. Hinobabut andi re, pailak hilingitarek mene andi inom, inendawimo nen namolo iluk anggagarek mene andi inom, inendawinggen nenggaresik inoba aigage lagaikherek andi inom, ineilenggen yerisaluk inendawimo nen namolo e anggagarek andi inom, tugwi kembuba himbirik hak, inendawimo nen: ”Yi mene ti mene an mene nek logoilep,” iluk anggagarek andi inom, hinobabut andi mene mondogat warogo herakfisikhi logoino o.