MATIUS 19:19 - Allah Wene Fano Wene Hupla Inane

¹⁹ Hineisugwi hinagaisawi inane hologo agaugwerinafi logoino o. Hinonggwarek hinebe hinendawinggen hundik welagep andi hak, it afuni ekhe hinom welagep mene andi hinendawinggen hundik logoino o, iluk komotninafikhe wene andi faget igi o,” iluk, yagatikhemo re,

MATIUS 19:19 ပူးပေါင်းရင်းမြစ်များ

KELUARAN 20:12

Hit o an nen wokhisagain oba andoma fano mondok logolik, hinebe umur uanhogo logobagaigen he, hineisugwi hinagaisawi agaugwerinafi logoino o.

AMSAL 30:17

Ap ineisugwi inagaisalak yaman a'luk were'ma puliaphogo fisagarek mene andi re it inebe hambokhogo enda'ma wulak fisa wesumo sue kuri nen ineilenggen hulelogo ninggik, nen sue rajawali nen inebe warek fili omanogo ninggik igin andi re inobabut obaat hilingisigin.

IMAMAT 19:18

Hineisena Tuhan Anat andi nen he, afuni nen hinoba ambumet fuluk werek halok, hiren onggo figik, hinapsiri watfisigik, ugun mondok lego. We, hinonggwarek hinebe hinendawinggen hundik welagep andi hak, it afuni ekhe mene ogo inebe hinendawinggen hundik logoino o.

IMAMAT 19:3

Hineisena Tuhan Allah, An Nebeat welagimo re, An nen, yi'nogo hilingiti logoino, iluk yagahisasigi andi hak, hinebe lombok hineisugwi hinagaisawi agaugwerinafi logolik, linggene Sabat oba re, An nobaget weat logoino o.

MATIUS 19:20

at ap alage mene a'nogo nen he, ”Wene mondogat yaganeten andi re, nesanggo hologo logolik higithogo hilingitirek mene aro. Mene re, ki mene hilingiti'lek welagi anggegen,” iluk yagatikhemo

MATIUS 22:39

Nen, wene andi emberek higit he, ekhe yi: Hit hinonggwarek hinebe hinendawinggen hundik welagep andi hak he, it afuni ekhe hinom welagep mene andi hinendawinggen hundik logoino o, iluk isikhe mene esin he andi.

MATIUS 5:43

A'nogo yagaisasikhesik he ekhe mel yagaisasikhe, ”Attagat it ekhe nen wene mel yagaisasukwa: Hiren afuni hinom welagep mene halok hinendawinggen hundik logolik he, it ekhe hinom weak mene halok he, hinapsiri inabugun o, iluk isukwa mene andi hinesanggo holhi lagebo.

LUKAS 10:27

ap a'nogo nen he, mel yagatikhe: ”At Musa nen he, Hinendawinggen inom, hinobabut inom, hinomame inom, hinebe inom mondogat misik a'luk, nineisena Tuhan Allah ebe andiat hinendawinggen hundik logoino o. Nen, ekhe re, Hit hinonggwarek hinebe hinendawinggen hundik welagep andi hak he, it afuni ekhe hinom welagep mene andi hinendawinggen hundik logoino o, iluk isikhemo lisu palek werek,” yagatikhe.

ROMA 13:9

Wene andi komotninafi logolik he, mel isikhe: ”Pailak fakfisigik, it ekhe hilingisuageluk ugun lego. Afuni inebe inoasugun lego. Yogot wanugun lego. It ekhe inagarek mene hinendawimo nen he: Namolo e, iluk anggogoin lego,” iluk wene komotninafikhe andi inom, ekhe komotninafikhe mene inomat he, misigat lambukhogo wene esin hangge re, mel isikhe: ”Hit he, hinonggwarek hinebe hinendawinggen hundik welagep andi hak, it afuni ekhe hinom welagep mene andi, hinendawinggen hundik logoino o,” iluk isikhe andi.

ULANGAN 5:16

O kweang hit wokhisigi meneba andoma hineluk uanhogo logolik, hinaiba fanorogo logobagaigen he, hineisugwi hinagaisawi agaugwerinafik, halinafik hilinginafi logoino. Iluk An hineisena Tuhan Allah nawene andiat yagahisigi.

YAKOBUS 2:8

Menere, hiren higithogo hilingiti logogun mene yi. Allah nen komotninafi logolik wene esin he, mel isikhe: ”Hit hinonggwarek hinebe hinendawirogo welagep andi hak, it afuni ekhe hinom welagep mene andi hinendawirogo logoino o,” iluk isikhemo, lisu palhukwa mene werek andi higithogo hilingiti logogun halok, fano hilingiti logoguno.