MATIUS 19:16 - Allah Wene Fano Wene Hupla Inane

¹⁶ At Yesus a'nogo lagaikhesik were'ma, ap ekhe oba wagaikhesik he, mel yagatikhe: ”Guru, noe. An nabulal-habulal hilingnabuagen he, an nobabut hilingiti logogin he, fano ki hangge hilingiti logogin anggegen,” iluk yagatikhemo,

MATIUS 19:16 ပူးပေါင်းရင်းမြစ်များ

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

MATIUS 19:15

A'nogo yagaisasikhesik he, enggi inunggul sebelfuluk, andoma nen o ekhema lagaikhe.

MATIUS 19:26

at Yesus nen he eilenggen lurogo inoba fesikhesik mel yagaisasikhe: ”Afuni nen hilingisugun mondok elo'lek meneat he, at Allah nen yi mene ti mene hilingisigin elok enego,” iluk yagaisasikhe.

MATIUS 19:29

Halok he, an nenu hokho asuageluk sa nen awi wurik inom, oe agot inom, erugwi inom, eisena agaisa inom, againafuri inom, eabu siok inom, herakfisaluk waga halok he, obali'mo Allah nen onggo ebe mene mondok hokhorogo wogetik, nabulal-habulal wogetik, igin o.

MATIUS 25:46

it afuni andi yi enggin ti enggin hikhi logogun oba mondok logouwageluk lakfisagain o. Meneat he, it Allah ane hologo hilingiti logogun mene andi ineluk mondok logogun oba andoma inobagagin o,” iluk, yagaisasikhe.

YOHANES 10:28

Nombo'ne nugu kwelek, it ineluk mondok logouwageluk inelugerinafi logogin andi nen he, it inebe wa'lasimbik nong asugun lego. It an nenggiba werek kwelek, it ap ekhe nen telogo woginabumo elo'lego.

YOHANES 12:25

A'nogo yagaisasikhesik, wene ekhe mel yagaisasikhe: ”Ap sa nen, endawimo nen he, An kweangma yoma nebe neluk logogin namolo, iluk anggikherek halok he, hobuk ebe eluk mondok logogin mene faget nongasigin o. Meneat he, ap sa endawimo nen, kweangma yoma neluk logou re, nabit iluk anggikherek halok he, at andi hobuk ebe nong agi'lek eluk mondok logogin o.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

YOHANES 5:39

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

YOHANES 6:47

Ap sa nen endawinggen an noba eberogo nen himbiret fugu halok he, ineluk mondok welagaikharek mene eise agasik werego, iluk, eberogoat yagahisigi,” iluk yagaisasikhe.

YOHANES 6:68

A'nogo yagaisikhi lagaikhemo, at Simon Petrus a'nogo nen he, mel yagatikhe: ”Eige! Noe. Ninebe nineluk mondok logogun mene faget he, wene haren yaganisikhi lagen hilingi'mo re, hat herakhobagaluk ap saba logoin anggegen.

KISAH PARA RASUL 16:30

Hobuk, at kain a'nogo menlagaikhesik, inebe woginarek wulibi wagaikhesik he, mel yagaisasikhe: ”Nogogwi. An nebe Allah nen telnabuageluk nobabut ninggi'nogo hilingisik,” iluk yagaisasikhemo re,

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

ROMA 5:21

Weak hilingitaresik wa'lagaikharek andiba, weak hilingitarek mene omame agaikhe andi hak, ninoe Enupogoren wene ninoba mene korogo wokhaluk, Allah ninom hunogo ninobagasikhe andiba, Allah obabut fano nen endawitninaferek mene andi omame agaikhemo re, nineluk mondok logogun andi.

1 TIMOTIUS 1:16

Menere, it afuni ekhe hobuk inendawinggen Yesus oba himbiret fugunem ineluk mondok logouwageluk hilinginabigin mene inendawimo nen anggikhi logolik he, ”Paulus weak hilingitu kwelegat he, Kristus Yesus endawimo pugagi'lek afe morogo mondok welagaikhesigen, endawiratikhesik ebe wanhikhe andi re, aren afuni weak hilingitarek mene a'nogo woginafere'ma higi,” iluk, Allah obabut enegat futfouwageluk, an tak a'nogo wo'nafikhe andi.

1 TIMOTIUS 6:12

Afuni inawe walhouwogeluk sa awewerek-sa awewerek walhagarek hak, nineluk mondok logogun andi mene hela lageluk, hendawinggen Allah oba himbirik logolik, at faget homamerogo hilingiti logoino. A'nogo hilingiti logombik, andi mene hela lanogeluk, Allah nen hayonggo fesikhemo, haren he, ”Nendawinggen Kristus oba himbiret fuluk yi'nogo hilingiti logogin,” iluk afuni hokhorogoat ineilhanem fakhogo isigin andi higithogoat homamerogo hilingiti logoino.

1 TIMOTIUS 6:19

A'nogo hilingiti logogun halok he, yi mene ti mene hobuk mene faget andogorogo fagarek hak, fano hilingiti logolik, hobuk mondok logogin mene fagerat fakhikhi logombik he, ninebe eberogoat ninelugetninabumo logogun andi meneat heloageluk komorinafi logoino o.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

TITUS 3:7

At Yesus obabut fano nen wene ninoba mene korogo wokhaluk, Allah ninom ninambotkwe hunogo ninobagasikhemo, nit ninendawimo nen he, ”Nineluk mondok logoguno,” iluk anggikhi lago andi higithogo eiseweregat asuageluk Allah Areagun wo'nisasikhe iluk,

1 YOHANES 1:2

Nen, at eluk mondok welagarek mene andi, ebe eisena emberek eluk mondok welagaikhesigen, eisena nen nit nineilenggen hoageluk weinamet fesikhemo nineilenggen hasugusigenat abok yagahisikhi lago o.

1 YOHANES 2:25

Nen, at onggwaregen, ”Wokhisagain,” iluk abok yaganisasikhe a'nogo re, ninebe nabulal-habulal hilingninabigeluk isikhe o.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

YUDAS 1:21

A'nogo ikhi logolik, hinendawimo nen, ”Ninoe Enupogot Yesus Kristus ninebe endawi nen, nit hobuk nabulal-habulal hilingninabigin,” iluk, nenangorogo logolik he, at Allah nen ninebe endawi andi re, hiren at hinom hundigat logoino o.