MATIUS 19:13 - Allah Wene Fano Wene Hupla Inane

¹³ At Yesus nen a'nogo yagaisasikhesik were'ma, it afuni ekhe nen inagainafuri aren enggi inunggul sebelogo samban inoba uageluk oba woginarek wagaukwama re, at agoromi ane wanhi lagaukwa mene omanogo nen wenagisasukwa.

MATIUS 19:13 ပူးပေါင်းရင်းမြစ်များ

KEJADIAN 48:1

Inenggi ekhe welagaukwasigen afuni nen he, Yusuf mel yagatukwa: ”Hat heisena oba ou mondok weak werego,” iluk yagatukwa. A'nogo yagatukwama, at Yusuf againafuri Manasye inom, Efraim inom, woginarek Yakub eilenggen hageluk lagaikhe.

YEREMIA 32:39

Iren An foge'nabuogeluk inebe misik inobabut misigat a'luk hilingiti logouwageluk wogisagain mene andi re, inenggi mondok-mondok andoma faget An noba inailorogo hilingiti logouwageluk hilingfisagain. Andiba re it inebe inom iren tagomangge mene inom fanorogo nek logogun.

MATIUS 16:22

A'nogo yagaisasikhemo at Petrus nen he, Yesus waluk ale'ma lagaikhesik he, mel yagatikhe: ”Hat wene egen andi hilinghabinogo nen he, Allah nen telhabuago,” iluk komotikhe.

MATIUS 19:12

It ap ekhe re, inagaisa lak inalabutmo nen inouwali lek ta'la'luk he, hemi woginafi'lek mondok welagaikharego. Nen, fena re, afuni nen inouwali woginafunem inagagwi woginafi'lek welagaikharegaro. Nen, fena re, Allah nen awe a'ma fisikhere'ma andoma faget hilingiti logouwogeluk ineranenat inagagwi woginafi'lek welagaikharego. Wene igi andi elok fut fogoin halok he, fanorogoat futfeni o,” iluk yagaisasikhe.

MATIUS 20:31

A'nogo wenagisasukwa meneat he, it a'nogo nen inane hobuk hokhorogoat yagati logolik he, ”Daud en tagongge mene Ninoe a! Hendawitninabin o,” iluk yagatukwa.

KISAH PARA RASUL 2:39

At Allah nen, Nareagun wokhisagain, iluk wene watnisasikhe andi re, hit hinebe inom, hinagainafuri inom, it ekhe inaiba yatma mene andoma inom, hinebe nineisena Tuhan Allah nen, we'ni o, iluk wolhisili'logo mene halok, mondogat faget wene hirat wathisasikhe o,” iluk yagaisasikhe.

1 KORINTUS 7:14

At he Allah a'logo mene nen, agun endawinggen Kristus oba himbiret figi'lek mene, waganek emberek fano lambukhogo welagaikharek andiba, agwe nen agun ebe Allah faget fisili'logo. Nen, andi hak at ap Allah amlogo mene nen, agwe endawinggen Kristus oba himbiret figi'lek mene waganek emberek fano lambukhogo welagaikharek andiba, agun en agwe ebe Allah faget fisili'logoat. A'nogo inebe Allah faget fisigi'lek logoilepma re, hinagainafuri inebe Allah meneat he, endakwe mene logoilebo.

1 SAMUEL 1:24

A'nogo asi wagaikhemo, at Samuel a'nogo eilak palogo fesukwasik he, ebe yenggerek magema, agaisa nen waluk Tuhan awi wuri'mo o Silo wagaukwa. A'nogo waluk waga logolik, wam sapi ai mene ebe umur 3 tahun sebelek mene inom, gandum enggen 10 kilo mene inom, iwak wam agap mene hilingik meneba i anggur amusu ambem hetokhogo hinago mene inom, waluk wagaukwa.