MATIUS 18:35 - Allah Wene Fano Wene Hupla Inane

³⁵ Andi hagat, hit hinerugwi hinagaila'lagen weaget hinabi'lagwi mene andi hinendawinggen enat sebelogo legetfisigi'lek halok he, an neisena pogoroba mene nen a'nogo hilinghinabigin aro,” iluk yagaisasikhe.

MATIUS 18:35 ပူးပေါင်းရင်းမြစ်များ

AMSAL 21:13

Ap ekhe inangge lek mene nen kinoti logolik eige iluk agarek mene omanogo ane hologo lebethigi'lek logoligen, at onggwarek faget enek lebetnabuageluk kino igin halok he, lebethikhi logou lek hak.

AMSAL 21:2

Ap inonggwaregen hilingitarek mene faget he fano hilingiti lago iluk anggagarek, oba nen At Tuhan he afuni inendawimo anggagarek mene a'nogo fut fisikherek.

YEREMIA 3:10

Andoma mondogat a'nogo hilingiti la'luk Yehuda tiphogo hilingiterek lek mene andi re endawinggen amurek logoligen yamdalonhogo sugulogo An nambit weri'logo o. Iluk An Tuhan nen nane arat igi andi,” iluk yaganete isikhe.

ZAKHARIA 7:12

It he inendawinggen mondok omamerek logolik were'ma nen enek he inendawinggen mondogat helep aga lagaukwa. Nen an nawene melalek it ap nabi attak welagaukwa mene omanogo inebene nen wogisasigiba nen he hologo hilingiti lagaukwa lek andi nen he An na'mage lagaikhi lagaikhe andi.

MATIUS 18:34

a'mage nen he, ap a'nogo oba palek mene mondogat felelenghogo wogeti'lek werek kwelek he, it ap inenggi hele warek ferinarek welagaikharek mene omanogo nen yei wati logolik fisogo logouwageluk wogisasikhe.

MATIUS 6:12

Afuni nen nit weaget ninafa mene, niren sebelogo legetfisogo andi hak, nit weak hilingito mene haren sebelogo legetfisano o.

MARKUS 11:25

Hit ekhe menla'luk samban ikhi logolik he, weak hilingitep mene nineisena Allah pogoroba mene nen sebelogo legetfisoageluk, afuni nen hit weagethinafa mene hiren wene inoba fuluk welagep halok he, andi sebelogo herakfisano.

MARKUS 11:26

[A'nogo meneat he, hiren wene inoba fuluk welagep mene andi sebelogo legetfisigi'lek hinendawimo weak welagep halok he, hit weak hilingitep mene andi nineisena Allah pogoroba mene nen sebelogo legetfisagain lek aro,]” iluk yagaisasikhe.

LUKAS 16:15

A'nogo isukwama re, at Yesus nen it yagaisikhi logolik he: ”An higit hilingiti lagi, iluk afuni ineilhanem hinobabut higit mene hangge hilingiti lagep. Meneat he, Allah nen hinendawinggen mondok elu o. Yi mene ti mene it afuni nen fano iluk esinet fisagarek mene andi re, at Allah mondok abiro.”

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

YAKOBUS 3:14

Menere, hinendawimo weak a'luk wene palhik, hinonggwarek faget enek ebetik, ikhi logolik he, hinonggwaregen, ”An fano,” iluk hinonggwaregen fogerakhikhi logogubo. A'nogo hilingisugun halok he, Allah ane ebe wene andi mene sagalogo hineranen ugun andi wesa o.

YAKOBUS 4:8

Hit Allah oba lomborogo lagep halok he, at ogo re, hinoba lomborogo wesigin aro. Hit weak hilingiti lagep mene andi, hinenggibene horogo hebisikhi logoino o. Hinendawinggen pire aksek mene andi, hinendawinggenma weak mene horogo lakfisikhi logoino o.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.