MATIUS 18:31 - Allah Wene Fano Wene Hupla Inane

³¹ A'nogo hilingitunem, ap kwelakfesikhe mene andi agaila'lak fena nen ineilenggen hasukwasik inendawimo mondok weak agaukwasik, iren hobuk yonggo ap kain a'nogo wene mondogat yagasi wagaukwa.

MATIUS 18:31 ပူးပေါင်းရင်းမြစ်များ

KEJADIAN 37:2

Logolik, at Yakub againafuri hilingiti lagaukwa re, yi'nogo: At Yakub amlogo Yusuf ebe umur 17 tahun oba ogogwi inom wam kambing inom domba inom, yonggo palek nugunem kwalogo logolik tegelhi lagaukwa. It Yusuf ogogwi andi re, hemi inebe pire Yakub onggwarek amingmingengge mene agagwi woginafikhe mene inenu re, Bilha inom, Zilpa inom aremnogo ineagwi. Inanggo a'nogo tegelhi logolik, at Yusuf en he, ogogwi inobabut weak hilingiti lagaukwa mene omanogo ineisena yagasi waga lagaikhe.

MAZMUR 119:136

Afuni nen Hat hawene melalek andi hologo higithogo hilingiri'lagwi lek andi nen he, an neil amusu i hut hakhogo pialuk pili'lago o.

MAZMUR 119:158

It ap inawene weak inap andi isaluk he Hat hawene yaganisikhi lagen mene andi mu'luk lili'lagwi le'ma re, an nen mondok nabit isikhi lagi.

YEREMIA 9:1

An nunggul yire i mogo ambe hoporogo yenggele'ma hak hilingik logoumo nen, neilenggen he i su'lenggeba sulhogo lagu mondok welagarek hak hilingik logoumo nen he mondok fano agwi! Ariginik logumo nen he ap an nunggulenu mene selei mene nen inoata mene andoma inobaget neil amusu pelafi logolik li le aga logoile mene ago.

MATIUS 14:9

A'nogo yagatikhemo, at kain Herodes a'nogo endawimo weak agaikhe meneat he, ”An nen Allah enu hombuk palogo abok yagatunem afuni hokhorogo pesta isago nouwogeluk andogosi wagaikha mene yoma inesanggo arat holha oma re,” iluk, agoromi nen helenggerek a'nogo nen isikhe higithogoat hilingisogo wogosi loageluk yagaisasikhe.

MATIUS 18:28

A'nogo lakfesikhemo re, at agot lebethugu mene a'nogo olulu wulifikhe hak he, at agailak ap kain a'nogo agot lebethugu mene ekhe, at wulifikhe a'nogo arupiah 1.000 mene endebat wogetikhe mene a'nogo oba palek were'ma emberek ambi agaukwa. Ambi agaukwasik ebe fakfesikhesik he, alonggop perelogo fisogo logolik ”Nagarek hoba palek werek a'nogo onggo wo'nom o,” iluk yagatikhemo re,

MATIUS 18:30

agailak a'nogo nen, ”Nabiro,” iluk ap andi oba palek mene onggo oan wogeti'lek werek kwelek, ap inenggi hele warogo fisagarek mene nen o inenggi hele warek fisagarek oba kwelakfembik logouwageluk wogisasikhe.

MATIUS 18:32

Yagasi wagaukwama re, ap kain a'nogo nen ap andi wesuageluk isikhemo, wagaikhemo re, mel yagatikhe: Hat hobabut mondok weak yi ri! An nagarek hat hoba palek welaga mene re, hat hane helagaik ane yaganeti lagenma, ”Weat a'no,” iluk yagaheti anggigi.

MARKUS 3:5

Kamo isukwama re, at Yesus eilenggen isilik lagaikhesik he, endawimo nen he: ”Inobabut lagi-lagorek yi ri!” iluk endawimo weak agaikhesik a'mage lagasikhe. A'mage lagasikhesik inoba uarogo re, ap a'nogo mel yagatikhe: ”Henggi pisat han o,” iluk yagatikhemo re, enggi pisat hasikhemo arat fano agaikhe.

LUKAS 14:21

Inane a'nogo ilik lagaukwama re, at amingmingengge mene a'nogo nen oe a'nogo yagasi wagaikhe. A'nogo yagasi wagaikhemo, at oe eisewerek a'nogo a'mage hokhorogo lagasikhesik, mel yagatikhe: O kota hokho yi, ebekwe hokhokwe inom, endepkwe inom, laga logolik, afuni inelagaik mene inom, inouwak sagalek mene inom, ineilenggen mum mene inom, ineisok wut warek mene inom, woginarek we'no o, iluk yagatikhe.

LUKAS 19:41

A'nogo yagaisasikhesik horokhogo asi pisukwasik, at Yesus eilenggen o kota Yerusalem a'nogo yethasikhesik he, obaget le agaikhe.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.

2 KORINTUS 11:21

Nit ogo re, a'nogo hilingisugun he, ninobabut ninailombaregen kamo isugu iluk ugun he, ninenggali hokho hogoin nogo? Lego. It afuni kembu mene nen agarek hak ekhe yagahisak. At ekhe enggali lek fogerakhikhe halok he, an ogo re, nenggali lek fogerakhagain o.

IBRANI 13:17

Hobuk Allah nen he, hit hinogogwi mel yagaisagain: It inendawinggen faget ninggi'nogo hilingiti lagepsik, iluk yagaisugunem, it inendawimo nen he, ”Nit ninoba lombogat onggo yagasugun higi,” iluk, fanorogo kwelakhinarek mondok welagaikharek andi nen he, it inawe a'ma soma iluk inane hologo hilingiti logoino o. A'nogo hilingiti logogun halok he, it inendawimo inagaiyekhogo, hit faget hilingiti logogun andi. Meneat he, hiren it inane hologo hilingiti logogun lek halok he, it inendawimo weak logolik, hit faget we tulemat hilingiti logogun o.

IBRANI 13:3

It ekhe inenggi hele warek were'ma, hinendawimo nen he, ”Nit ogo re, ninomat ninenggi hele warek hangge welago,” iluk, it inoba ebetik, it ekhe yi weak ti weak hilinginafunem hit hinendawimo nen he, ”Nit ogo re, kweangma yoma oan were'ma a'nogoat hilingninabugun aro,” iluk, it inoba ebetik, ikhi logoino o.