MATIUS 18:27 - Allah Wene Fano Wene Hupla Inane

²⁷ at kain a'nogo nen, at agot lebethugu mene a'nogo endawi agaikhesik he, ”Halok he, an nagarek hat hoba palek mene andi weat hat akhano,” iluk wene sebelogo legetfisasikhesik lakfesikhe.

MATIUS 18:27 ပူးပေါင်းရင်းမြစ်များ

NEHEMIA 9:17

Haren yi mene ti mene faget mondogat fano hilinginafi lagagin mene andi inom, elalin mene hokhoat hilingiti lagagin mene andi mondogat inom, hologo hilingisu inabiren he, inendawimo eberek welagi'lek inonggoret fisasukwa andi. A'nogo inonggoret fisasukwasik, inonggwaregen fogerakhikhi logolik, it inoe ap ekhe nen it woginarek o Mesir inambotkwe lagaukwasik afuni Mesir mene inamingmingengge logouwageluk fisa loageluk, wenagaisogo fesukwa andi. A'nogo meneat he, afuni weak hilingitunem hat Allah nen sagalogo legetfisigik, inebe hendawirinafik, ha'mage horogat het-perigi'lek herakfisigik, egendek andi. Inebe hendawinggen hundik mondok logolik, it inebe kofologo herakfisigi'lek farinarek mondok welagagin andi.

MAZMUR 145:8

Nineisena Tuhan andi re, endawi hundik mondok logolik, ninelagaik were'ma endawit ninaferek mene. Aren weak-weak wene ninoba figi'lek, endawi hundik hilingninaferek.

MAZMUR 78:38

Oba nen he, At Allah nen, At againafuri endawi hundik hilinginafi logolik, it inaweak onggorabethogo fisasikhe, nen it inebe mondogat leget fisasikhe lek. At a'mage hobugalep lagagu kwelek oba nen he hambuget hikhi lagaikhe, At anini lagaikherek mene a'nogo it inoba fikhi lagaikhe legat.

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

HOSEA 11:8

A'nogo isikhesik, Tuhan nen mel yagaisasikhe: ”Hit afuni Israel mene yi. An nen hit hinebe mondok-mondok herak hinobagaluk lagik igin nogo? Mondok elo'lego. An nen afuni Adma mene inebe mondok legetfisasigi andi hak, legethinafik, afuni Zeboim mene hilinginafigi andi hak hilinghinafik, igin nogo? Mondok lego. An nen hit hinebe nendawi hundik mondok hokho meneba hilinghinarek welagi andi nen he a'nogo hilinghinabigin lego!

MATIUS 18:28

A'nogo lakfesikhemo re, at agot lebethugu mene a'nogo olulu wulifikhe hak he, at agailak ap kain a'nogo agot lebethugu mene ekhe, at wulifikhe a'nogo arupiah 1.000 mene endebat wogetikhe mene a'nogo oba palek were'ma emberek ambi agaukwa. Ambi agaukwasik ebe fakfesikhesik he, alonggop perelogo fisogo logolik ”Nagarek hoba palek werek a'nogo onggo wo'nom o,” iluk yagatikhemo re,

MATIUS 18:32

Yagasi wagaukwama re, ap kain a'nogo nen ap andi wesuageluk isikhemo, wagaikhemo re, mel yagatikhe: Hat hobabut mondok weak yi ri! An nagarek hat hoba palek welaga mene re, hat hane helagaik ane yaganeti lagenma, ”Weat a'no,” iluk yagaheti anggigi.

LUKAS 7:42

A'nogo were'ma, iren onggo wogosugun elok legagaikhemo re, uang wanhukwa mene lisu palek andi at kain a'nogo nen terogo hebisaluk he, Weat helegebo, iluk, yagaisasikhe. A'nogo hilingitikhemo re, ap inebe pire aremnogo sa nen hak inoe kain a'nogo endawiratikhe anggegen?” iluk isikhemo,

LUKAS 7:43

at Simon nen he, ”Andi ap ekhe uang hokho hak oba palek welagaikhe meneat he, weat helegen o, iluk yagatikhe andi nen, endawiratikhe,” iluk yagatikhemo re, at Yesus nen, ”Egen andi aro,” iluk yagatikhe.

HAKIM–HAKIM 10:16

Andi isukwasik he, iren inanggembu alik waganek mene omanogo hugisasukwasik Tuhan apne wanhukwama re, it enggin fengginhogo logolik hilingiti lagaukwa mene a'nogo Allah nen isasikhesik endawi ou hasikhe.