MATIUS 18:24 - Allah Wene Fano Wene Hupla Inane

²⁴ agarek omanogo enggi wenatunem he, agoromi omanogo ekhe uang jutaan mondok hokhorogo oba palek welagaikhe mene oba waluk wagaukwa.

MATIUS 18:24 ပူးပေါင်းရင်းမြစ်များ

KEJADIAN 44:10

A'nogo yagatukwama at yabu hilingiti lagaikhe mene a'nogo nen ikhi logolik, ”Fano egep oba nen he, hit fena hinoba selekhogo logoin meneba nen, at ekhe sa nen noe agaiwak andi at oba logogin halok he, at andi ebe an namingmingengge asigin o,” iluk yagaisasikhe.

1 TAWARIKH 29:7

A'nogo anggasukwasik he, Tuhan Awi wutu mene a'nogo faget iren wogetukwangge re yi: Emas re 170 ton ekhe inom mangorogo, perak 340 ton taganhogoat inom, nen perunggu 620 (ton) inom, nen posiemanggen mene re 3.400 ton taganhogo inom kabogetukwa.

EZRA 9:6

A'nogo liak figirik, an nen ikhi logolik he, ”Neisena Allah, nit ninaweak he lagaikhe-lagaikhe ninunggul horok-horok pogot fakha hak hilingi'mo re, an nen Hat heilhanem nelokhe legeisogo liak hea aplere nenggali mondok hokho ari'lago o.

MAZMUR 38:4

Hat ha'mage an noba fugunem he an noba ou mondok weakhogo hugu welagi, an naweagen he nebeba mondogat selek ekhe werek lek.

MAZMUR 40:12

Tuhan neisena, an obokhogo hera'nobagagi'lek hendawit nafu logoino o. Hat hawe a'ma lombokhogo nobagaluk hendawirogo fetnarek mondok logoino o, iluk wuni watikhe.

MATIUS 18:23

Andi hangge re, Allah nen awe a'ma fisikhere'ma andoma emberek higit he, ap kain enupogot ekhe agarek agoromi nen fisogo welagaukwa mene wolisasikhe. An enek saburogo nobagagama a? It ekhe inoba palek werega, iluk enggi wenasigeluk wolisasikhemo wagaukwama re,

MATIUS 18:25

Waluk wagunem, yethasikhe mene, aren onggo wogosigin he, elok legagaikhemo re, at ap kain a'nogo nen agoromi fena mene mel yagaisasikhe: Ap yi ebe inom, agwe inom, againafuri inom, agarek yi mene ti mene inom, mondok felelenghogo onggo palimbik he, onggo paligin mene andi an wo'nesi we'no, iluk yagaisasikhe.

MATIUS 25:15

It inobabut palogo inebe lombok wogisogoin higithogoat wogisilik lagaikhe. Uang hokho emas mene ap ekhe 5.000 nen wogetik, nen, ap ekhe 2.000 nen wogetik, nen, ap ekhe 1.000 nen wogetik, isikhe. A'nogo wogisaluk he, o ekhema yatma lagaikhe.

MATIUS 25:16

Lagaikhemo re, ap 5.000 nen wanhikhe mene a'nogo uang andiba awarogo yi mene ti mene wanhi logolik, hobuk 5.000 ekhe inom mangorogo fesikhe.

MATIUS 25:20

ap uang 5.000 nen wanhikhe mene a'nogo hobuk 5.000 nenat mangoratikhe mene waluk wagaikhesik he, ”Noe. Haren 5.000 nen wo'netigin a'nogo re, yethan. An nen hobuk 5.000 nen ekhe inomat oba mangorogo figimo yi o,” iluk yagatikhemo,

MATIUS 25:22

A'nogo yagatikhesik were'ma, hobuk ap uang 2.000 nen wanhikhe mene a'nogo oba wagaikhesik he, ”Noe. Haren uang 2.000 nen wo'netigin a'nogo re, yethan. An nen hobuk 2.000 nen ekhe inomat oba mangorogo figimo yi o,” iluk yagatikhemo,

MATIUS 25:24

A'nogo yagatikhesik were'ma, ap ekhe uang 1.000 nen wanhikhe mene a'nogo oba wagaikhesik he, ”Noe. Hat he, hobabut mondok weak andi nen he, it ekhe nen awi feik lakfaga meneat he, enggen henggi abisagat paligik, it ekhe awi yata meneat he, enggen henggi abisagat folhik, egendek a'nogo re, an hobabut nelu o.

LUKAS 13:4

Nen, hit hinendawimo nen he, o Yerusalem i mogo habuli'mo enu Siloam andoma o helep mene uanat wutukwa mene were'ma, sinukhogo pi waga logolik, inebe 18 nen alperelogo sebelinafikhe a'nogo re, it afuni fena mondogat o Yerusalem welagaikharek mene andi re, weak endebat hak hilingitu kwelek, it al perelogo sebelinafikhe andi nek he, weak hokhorogo hilingiti lagaukwama inobaburen sebelinafikhe anggegeba?

LUKAS 16:5

it afuni, at oe a'nogo agarek inoba palegengge welagaikhe mene omanogo inebe lombok wolisasikhemo ekhe attagat wagaikhe mene yagati logolik he: An noe agarek he miren hak hat oba palegengge werek nogo, iluk isikhemo, at ap a'nogo nen he,

LUKAS 16:7

hobuk ap ekhe yagati logolik: Hat he, palegengge miren hoba werek, iluk isikhemo, at ap a'nogo nen he, mel yagatikhe: Gandum enggen palek su hokhondek mene ebe 1.000 nen kwalek mene palegengge noba werego, iluk isikhemo, aren he, palegengge hoba werek andi faget, lisu palek yi waluk he, hobuk lisu ket mene ekhe palhi logolik, 800 nen palegengge noba werego, iluk lisu palin o, iluk yagatikhe