MATIUS 18:22 - Allah Wene Fano Wene Hupla Inane

²² at Yesus nen he, ”Henggi 7 ba nek sebelogo legetfisagain fuk. Athe teng kobokhogo wenasu lek hagaro, weaget hobagagu kwelek honggoraphogo herakfisikhi logoino o”.

MATIUS 18:22 ပူးပေါင်းရင်းမြစ်များ

KEJADIAN 4:24

At Kain ebe wata halok unggulmo inebe 7 nen inoasugun halok he, an noata halok nunggulmo inebe 77 nen inoasugun aro,” iluk yagaisasikhe.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

MIKHA 7:19

Nineisena, hobugen ogo nit hendawi hundik hilingninafik, ninaweak sebelogo legetfisigik ninobagagik, ikhi logoino o. A'nogo hilingninafi logolik niren ninaweak hilingiti lago mene andoma, Hat heisogen sibil sebelisaluk he i laut yenggele'ma ma'lima hugisa pino o.

MATIUS 18:23

Andi hangge re, Allah nen awe a'ma fisikhere'ma andoma emberek higit he, ap kain enupogot ekhe agarek agoromi nen fisogo welagaukwa mene wolisasikhe. An enek saburogo nobagagama a? It ekhe inoba palek werega, iluk enggi wenasigeluk wolisasikhemo wagaukwama re,

MARKUS 11:25

Hit ekhe menla'luk samban ikhi logolik he, weak hilingitep mene nineisena Allah pogoroba mene nen sebelogo legetfisoageluk, afuni nen hit weagethinafa mene hiren wene inoba fuluk welagep halok he, andi sebelogo herakfisano.

ROMA 12:21

Weak hilingitarek mene andi omame a'luk hit sebelogo hinobagainogo iluk he, hit fano hilingiti logolik, hinomame a'luk he, weak hilingitarek mene andi sebel fisikhi logoin o.

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.

EFESUS 4:31

Inane haro weak igik, ina'makwe het-pet igik, ina'mage lagaluk, inane uarek-puarek wene palhik, ineranhogo inabok weak palhik, agarek mene andi herakfisikhi logolik he, weagerinafarek mene inom mondogat herakfisikhi logoino o.

KOLOSE 3:13

Hit-hit ekhe nen ekhe weak hilinghinafunem, ambumet figi'lek hinafe morogo logolik, sebelogo legetfisikhi logoino. Hit weak hilingiti lagagip mene, ninoe Enupogoren sebelogo legetfisasikhe andi hak, hit-hit a'nogoat sebelogo legetfisikhi logoino o.

1 TIMOTIUS 2:8

Nen, o yi awi ti awi samban ikhi logolik, it aben he, inenggi nen ekhe weak hilingiti'lek, ina'mage lagagi'lek, wene palhi'lek, tegelek mondok logolik, samban ikhi logouwageluk, yagaisagain iluk nendawimo namolo anggigirigen yagaheti andi.